ព័ត៌មានជាតិ
សម្ដេចតេជោ ហ៊ុន សែន បង្ហាញក្ដីរីករាយដោយបងប្អូនជនរួមជាតិ បានប្រារព្ធពិធីបុណ្យភ្ជុំបិណ្ឌប្រកបដោយជោគជ័យ
មានប្រសាសន៍ពីក្រៅប្រទេស សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបង្ហាញក្ដីសប្បាយរីករាយ ដោយនៅក្នុងប្រទេសបងប្អូនជនរួមជាតិ បានប្រារព្ធពិធីបុណ្យភ្ជុំបិណ្ឌប្រកបដោយជោគជ័យ ជាមួយនឹងការរក្សាបាននូវសុវត្ថិភាពគ្រប់ផ្នែក ជាពិសេសការការពារបានមិនឲ្យមានការរីករាលដាល នៃជំងឺកូវីដ-១៩។
តាមរយៈសារជាសំឡេង ផ្ញើជូនជនរួមជាតិពីក្រៅប្រទេស នាព្រឹកថ្ងៃទី ២៦ ខែកញ្ញានេះ សម្ដេចតេជោ ហ៊ុន សែន មានប្រសាសន៍ថា សម្ដេច និងគណៈប្រតិភូ បានធ្វើដំណើរចេញពីក្រុងហាវ៉ាណា ប្រទេសគុយបាហើយ និងយន្ដហោះកំពុងចុះចតចាក់សាំង នៅរដ្ឋអាឡាស្ការ សហរដ្ឋអាមេរិក។ ការធ្វើដំណើរចេញពីទីក្រុងហាវ៉ាណា មកដល់រដ្ឋអាឡាស្ការ ត្រូវចំណាយពេលវេលា ៨ម៉ោង និង ៣០នាទី។
បន្ទាប់ពីយន្ដហោះចាក់សាំងរួច សម្ដេចតេជោ និងគណៈប្រតិភូ ត្រូវបន្តធ្វើដំណើរពីរដ្ឋអាឡាស្ការ ឆ្ពោះទៅកាន់ទីក្រុងតូក្យូ ប្រទេសជប៉ុន ដោយត្រូវចំណាយពេលធ្វើដំណើរប្រមាណ ៧ម៉ោង និង ៤០នាទី។ ដូច្នេះរយៈពេល នៃការធ្វើដំណើរសរុបពីទីក្រុងហាវ៉ាណា ប្រទេសគុយបា ទៅកាន់ទីក្រុងតូក្យូ ប្រទេសជប៉ុន គឺមានរយៈពេល ១៦ម៉ោង។
សម្ដេចតេជោ ហ៊ុន សែន មានក្ដីរីករាយដោយនៅក្នុងប្រទេសកម្ពុជា បងប្អូនជនរួមជាតិ បានប្រារព្ធពិធីបុណ្យភ្ជុំបិណ្ឌប្រកបដោយជោគជ័យ ជាមួយនឹងការរក្សាបាននូវសុវត្ថិភាពគ្រប់ផ្នែក ជាពិសេសការពារបានមិនឲ្យមានការរីករាលដាល នៃជំងឺកូវីដ-១៩។ សម្ដេចតេជោ បានបន្ថែមទៀតថា ចាប់ពីថ្ងៃកាន់បិណ្ឌដំបូង រហូតមកដល់ថ្ងៃនេះ សម្ដេច បានទទួលព័ត៌មានពីលោកស្រី យក់ សម្បត្តិ រដ្ឋលេខាធិការក្រសួងសុខាភិបាល, លោក ម៉ម ប៊ុនហេង រដ្ឋមន្ត្រីក្រសួងសុខាភិបាល ជាបន្តបន្ទាប់អំពីករណីឆ្លងប្រចាំថ្ងៃ គឺនៅក្នុងរង្វង់ក្រោម ១០ករណី ឬលើសបន្តិចបន្តួច។ សម្ដេចតេជោ ក៏បានទទួលព័ត៌មានជុំវិញការចាក់វ៉ាក់សាំងបង្ការជំងឺកូវីដ-១៩ ពីលោកស្រី ឱ វណ្ណឌីន រដ្ឋលេខាធិការក្រសួងសុខាភិបាល ជាបន្តបន្ទាប់ផងដែរ។
សម្ដេចតេជោ ហ៊ុន សែន បានបន្តថា សម្ដេច ក៏នៅបន្តតាមដានកិច្ចការប្រទេសជាតិ ដែលបន្តរាយការណ៍ដោយសម្ដេចក្រឡាហោម ស ខេង ជាបន្តបន្ទាប់ដែរ។ ដូច្នេះ ទោះបីជាសម្ដេច មិនបានចូលរួមក្នុងពិធីបុណ្យភ្ជុំបិណ្ឌក្នុងឆ្នាំនេះក៏ដោយ ក៏សម្ដេចសប្បាយរីករាយជាមួយប្រជាពលរដ្ឋ ដែលបានធ្វើបុណ្យយ៉ាងសប្បាយរីករាយនៅក្នុងឆ្នាំនេះ ដោយខុសប្លែកពីឆ្នាំមុន ដែលយើងស្ថិតក្នុងស្ថានភាពដ៏អាក្រក់ នៃការឆ្លងរាលដាលជំងឺកូវីដ-១៩។
សម្ដេចតេជោ ហ៊ុន សែន បានបញ្ជាក់ថា សម្ដេច និងគណៈប្រតិភូ នឹងស្នាក់នៅទីក្រុងតូក្យូ ប្រទេសជប៉ុន រយៈពេល ២យប់ ដើម្បីគោរពវិញ្ញាណក្ខន្ធអតីតនាយករដ្ឋមន្ត្រីជប៉ុន លោក ស៊ីនហ្ស អាបេ។ ក្នុងនោះដែរ សម្ដេចតេជោ ក៏នឹងជួបពិភាក្សាការងារជាមួយនាយករដ្ឋមន្ត្រីជប៉ុនបច្ចុប្បន្ន មុននឹងត្រឡប់មកដល់ប្រទេសកម្ពុជាវិញ នៅថ្ងៃទី ២៨ ខែកញ្ញា ឆ្នាំ ២០២២៕
អត្ថបទ៖ ឃួន សុភ័ក្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង