កំណើនភ្ញៀវទេសចរក្នុងខេត្តបាត់ដំបងមានសន្ទុះឡើងវិញ នាឱកាសបុណ្យភ្ជុំបិណ្ឌ

មួយឆ្នាំចុងក្រោយនេះ ខេត្តបាត់ដំបង បានទទួលកំណើនភ្ញៀវទេសចរដែលមកកម្សាន្ត ក្នុងឱកាសបុណ្យភ្ជុំបិណ្ឌ
ប្រពៃណីជាតិខ្មែរ ក្នុងរយៈពេល០៣ថ្ងៃដោយគិតចាប់ពីថ្ងៃទី២៤ ដល់២៦ ខែកញា ឆ្នាំ២០២២ មានចំនួនភ្ញៀវទេសចរ បានចូលមកលេងកម្សាន្តតាមរមនីយដ្ឋាននានា មានការកើនឡើងគួរឲ្យកត់សម្គាល់ជាង២ឆ្នាំកន្លងទៅ រយះពេល៣ថ្ងៃដូចគ្នា ។

បើតាមរបាយការណ៍ចុងក្រោយពីមន្ទីរទេសចរណ៍ខេត្តបានបង្ហាញឲ្យដឹងនៅថ្ងៃទី២៦ ខែកញ្ញា នេះថា ក្នុងរយះពេល ៣ថ្ងៃនៃបុណ្យភ្ជុំបិណ្ឌ ចំនួនភ្ញៀវទេសចរជាតិមានចំនួន២០៩.៧៦៤ នាក់កើនឡើង ៤៥៦.០៥ % បើប្រៀបធៀបនឹងឆ្នាំ ២០២១មានចំនចំនួន ៣៧, ៧២៤ នាក់ ។ និងភ្ញៀវទេសចរអន្តរជាតិ (ទេសចរផ្ទៃក្នុង)មានចំនួន ៣៥៨ នាក់ កើនឡើង ១០០ភាគរយបើធៀប និងឆ្នាំ២០២១ ។ ចំនួនភ្ញៀវទេសចរសរុបមានចំនួន ២១០,១២២ នាក់ កើនឡើង ៤៥៧ភាគរយ
បើប្រៀបធៀបនឹងឆ្នាំ២០២១ មានចំនួន ៣៧,៧២៤ នាក់ ។

ការកើនឡើងចំនួនភ្ញៀវទេសចរក្នុងឆ្នាំ២០២២នេះបើយោងតាមរបាយការណ៍នៅក្នុងឆ្នាំ២០២១នាឱកាសពីធីបុណ្យភ្ជុំបិណ្ឌប្រពៃណីជាតិខ្មែរ រយៈពេល ០៣ ថ្ងៃដូចគ្នា ចំនួនភ្ញៀវទេសចរសរុបចំនួន ៣៧,៧២៤ នាក់ ថយចុះ ៧១.៩៤%បើប្រៀបធៀបនឹងឆ្នាំ២០២០ មានចំនួន ១៣៤,៤៤០នាក់ ក្នុងនោះ ភ្ញៀវទេសចរជាតិ មានចំនួន ៣៧,៧២៤ នាក់ ថយចុះ៧១.៩០ភាគរយ បើធៀបនឹងឆ្នាំ ២០២០ មានចំនួន ១៣៤,២៨០ នាក់ និងភ្ញៀវទេសចរអន្តរជាតិ (ផ្ទៃក្នុង) មានចំនួន ០០ នាក់ ថយចុះ១០០%បើធៀបជាមួយនឹងឆ្នាំ ២០២០ មានចំនួន ១៦០ នាក់ ។

មន្ត្រីរនៃមន្ទីរទេសចរបានឲ្យដឹងថា នៅក្នុងឆ្នាំ២០២២ចុងក្រោយនេះដែលខេត្តបាត់ដំបងបានទទួលកំណើនភ្ញៀវដ៏ច្រើននេះគឺស្របពេលដែលអត្រានៃជំងឺកូវីដ១៩បានថយចុះគួឲ្យកត់សម្គាល់តាមរយះកិច្ចខិតខំប្រឹងប្រែងទប់ស្កាត់ពីរាជរដ្ឋាភិបាល ក៏ដូចជាក្រសួងសុខាភិបាលផងដែរទើបប្រជាពលរដ្ឋអាចដើរលេងគ្រប់ទីកន្លែងបានធ្វើឲ្យខេត្តបាត់ដំបងមានការកើនឡើងនូវចំនួនភ្ញៀវទេសចរជាតិនិងអន្តរជាតិបែបនេះ។

មន្ត្រីដដែលបន្តថា កាលពី២ឆ្នាំកន្លងមក បញ្ហាប្រឈមគឺ វិបត្តិកូវីដ ១៩បានកាត់ផ្តាច់ចំនួនភ្ញៀវទេសចរ ស្ទើរទាំងស្រុងនៅទូទាំងតាមបណ្តសខេត្ត ក្រុង ហើយកាលណោះក៏មានបញ្ហាប្រឈមដោយមានភ្លៀងធ្លាក់ និងមានទឹកជំនន់ នៅតាមរមនីយដ្ឋានទេសចរណ៍មួយចំនួនក្នុងស្រុកសំឡូតផង ដែលធ្វើឲ្យសមត្ថភាពទទួលភ្ញៀវជាអតិបរមាត្រូវបានកាត់បន្ថយ ហើយនៅ ឆ្នាំ២០២៣ ខេត្តបាត់ដំបងនឹងទទួលបានកំណើនភ្ញៀវទេសចរជាច្រើនបន្ថែមទៀត ខណះខេត្តបាត់ដំបង មានសក្តានុពលទៅដោយតំបន់គោលដៅទេសចរណ៍យ៉ាងសម្បូរបែប ដែលបំរើដល់វិស័យទេសចរណ៍ ក្នុងខេត្ត ៕

អត្ថបទ៖ សៅ សារិទ្ធ