ព័ត៌មានជាតិ
ដើមឈើអមសងខាងផ្លូវ នៅស្រុកអូរយ៉ាដាវជាច្រើនបានដួលរលំ ខណៈមានភ្លៀងមួយយប់ទាល់ភ្លឺ
ភ្លៀងលាយឡំខ្យល់កន្ទ្រាក់ បានធ្វើឲ្យដើមឈើដុះនៅតាមចិញ្ចើមផ្លូវជាតិ ក្នុងស្រុកអូរយ៉ាដាវ ខេត្តរតនគីរី បាក់ដួលរលំដល់ដីជាច្រើន ប៉ុន្តែជាសំណាងល្អមិនបង្កគ្រោះថ្នាក់ដល់ប្រជាពលរដ្ឋធ្វើដំណើរតាមផ្លូវនោះទេ។
ជាក់ស្ដែងភ្លៀងធ្លាក់ចាប់ពីថ្ងៃទី ២៧-២៨ ខែកញ្ញា ឆ្នាំ ២០២២ នេះ មួយយប់ទាល់ភ្លឺ ហើយខ្យល់ព្យុះកន្ត្រាក់បានបក់បោក ប៉ុន្តែមិនបង្កឲ្យប៉ះពាល់ដល់លំនៅឋានរបស់ប្រជាពលរដ្ឋនោះទេ ដោយសាររងសម្ពាធពីប្រទេសជិតខាង។
លោក ឆាយ ធី មេឃុំប៉ាតេ បានឲ្យដឹងតាមថា នៅមូលដ្ឋានរបស់លោក បានបាក់ដើមឈើកាត់ផ្លូវជាច្រើនដើមក្នុងស្រុកអូរយ៉ាដាវ ក្នុងនោះលោកបានសហការជាមួយមន្ត្រីសាធារណការខេត្តព្រមទាំងប៉ុស្តិ៍រដ្ឋបាលឃុំប៉ាតេ ចូលរួមរើកាត់មែកនិងដើមឈើ ដែលដួលរលំបាក់លើផ្លូវជាតិលេខ ៧៨ នៅទីរួមស្រុកអូរយ៉ាដាវ ដោយសារភ្លៀងកន្ទ្រាក់បក់បោកមកលើនៃខេត្តរតនគីរី។
លោក អ៊ុ វណ្ណា ប្រធានមន្ទីរធនធានទឹក និងឧតុនិយមខេត្តបានឲ្យដឹងថា ខណៈភ្លៀងធ្លាក់ចាប់ពីថ្ងៃទី ២៧ ខែកញ្ញា ដល់ថ្ងៃទី ២៩ ខែកញ្ញា ឆ្នាំ ២០២២ គឺព្យុះទី ១៦ (ម៉ូរុក) ដោយសារការរងសម្ពាធពីប្រទេសវៀតណាមបក់មកឆ្លងកាត់តាមទន្លេមេគង្គ ហើយបានប៉ះពាល់ចំនួន ៤ ខេត្ត គឺខេត្តព្រះវិហារ ខេត្តស្ទឹងត្រែង ខេត្តរតនគិរី និងខេត្តមណ្ឌលគីរី។ លោកថា នៅថ្ងៃទី ៣០ ខែកញ្ញាព្យុះទី ១៧ (កូលាប) បានបក់មកម្តងទៀត ប៉ុន្តែមិនរងនូវសម្ពាធភ្លៀងធ្លាក់ និងខ្យល់កន្ទ្រាក់ខ្លាំងនោះទេ ប៉ុន្តែយើងត្រូវប្រុងប្រយ័ត្នឲ្យបានខ្ពស់បំផុតចំពោះបញ្ហានេះ៕
អត្ថបទ៖ វុទ្ធឦសាន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល