ព័ត៌មានជាតិ

កំពង់ផែទេសចរណ៍អន្តរជាតិខេត្តកំពត បញ្ចប់ការសាងសង់ នឹងបើកដំណើរការនៅចុងឆ្នាំនេះ

បានផុស

២ ខែ មុន

នៅ

ថ្ងៃសុក្រ ៣០ កញ្ញា ២០២២

ដោយ

លោក តុប សុភ័ក្ត្រ អ្នកនាំពាក្យក្រសួងទេសចរណ៍បានថ្លែងក្នុងសន្និសីទព្រឹកនេះថា កំពង់ផែទេសចរណ៍អន្តរជាតិខេត្តកំពតបានបញ្ចប់ការសាងសង់ គ្រោងដាក់ឲ្យដំណើរការនៅចុងឆ្នាំ២០២២ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក តុប សុភ័ក្ត្រ អ្នកនាំពាក្យក្រសួងទេសចរណ៍បញ្ជាក់ថា គម្រោងកំពង់ផែខ្នាតអន្តរជាតិនេះ នឹងក្លាយទៅជាចរន្តស្រូបទាញកំណើនភ្ញៀវទេសចរអន្តរជាតិបានកាន់តែច្រើនដល់ខេត្ត ក៏ដូចជាជុំវិញកំណើនសេដ្ឋកិច្ចជាតិបន្ថែមទៀត។

កំពង់ផែទេសចរណ៍អន្តរជាតិខេត្តកំពត ដែលមានទីតាំងនៅក្នុងស្រុកទឹកឈូ ចម្ងាយប្រមាណ ៦ គីឡូម៉ែត្រពីក្រុងកំពតបានចាប់ផ្តើមសាងសង់ឡើងកាលពីថ្ងៃទី ០៨ ខែ សីហា ឆ្នាំ២០១៨ ក្រោមគម្រោងហិរញ្ញប្បទានរបស់ធនាគារអភិវឌ្ឍន៍អាស៊ី។ កំពង់ផែសមុទ្រនេះមានប្រវែង ៣០០ ម៉ែត្រ សាងសង់លើផ្ទៃដី៤ហិកតា និងអាចផ្ទុកកប៉ាល់ដែលមានទំហំផ្ទុកអ្នកដំណើរបានចំនួន ៣០០ទៅ៤០០នាក់។

កំពង់ផែអន្តរជាតិថ្មីនេះ ក៏នឹងក្លាយទៅជាទីតាំងមួយសម្រាប់ទទួល ក៏ដូចជាដឹកភ្ញៀវទេសចរក្នុងស្រុក និងបរទេសទៅកម្សាន្តនៅប្រទេសជិតខាង៕