ព័ត៌មានជាតិ
មន្ត្រីក្រសួងសង្គមកិច្ច៖ ការប្រើប្រាស់អុីនធឺណេតខុសទិសដៅ អាចជាឧក្រិដ្ឋកម្មផ្លូវភេទកុមារតាម អនឡាញ
នៅថ្ងៃទី៣០ ខែកញ្ញា ឆ្នាំ២០២២នេះ ក្រសួងសង្គមកិច្ច អតីតយុទ្ធជន និងយុវនីតិសម្បទា បានផ្សព្វផ្សាយរបាយការណ៍ស្រាវជ្រាវស្ដីពីការបញ្ឈប់គ្រោះថ្នាក់នៃការកេងប្រវ័ញ្ច និងរំលោភបំពានផ្លូវភេទលើកុមារតាមប្រព័ន្ធអនឡាញ។ លោកស្រី ខៀវ បូរី រដ្ឋលេខាធិការក្រសួងសង្គមកិច្ច បានថ្លែងថា ការប្រើប្រាស់ប្រព័ន្ធអុីនធឺណេតខុសទិសដៅ នឹងអាចនាំឲ្យក្លាយជាអំពើកេងប្រវ័ញ្ច និងរំលោភបំពានផ្លូវភេទកុមារតាមប្រព័ន្ធអនឡាញ។
បើតាមលោកស្រី ខៀវ បូរី ប្រព័ន្ធអុីនធឺណេត គឺជាឧបករណ៍ដ៏មានឥទ្ធិពលសម្រាប់កុមារក្នុងការទំនាក់ទំនង ការសិក្សា ស្រាវជ្រាវ និងការចូលរួមប្រកបដោយការច្នៃប្រឌិត។ លោកស្រី លើកឡើងថា ការចំណាយពេលតាមប្រព័ន្ធអនឡាញនាំមកនូវហានិភ័យ និងការគំរាមកំហែងពាក់ព័ន្ធនឹងគ្រោះថ្នាក់ដោយជៀសមិនផុត ដែលកុមារបាននិងកំពុងជួបប្រទះ ហានិភ័យទាំងនោះចំពោះបរិបទអនឡាញ។
លោកស្រីរដ្ឋលេខាធិការ បានឲ្យដឹងថា ហានិភ័យមួយនៃហានិភ័យទាំងនោះ គឺការប្រើប្រាស់ប្រព័ន្ធអុីនធឺណេត និងបច្ចេកវិទ្យាឌីជីថលមិនសមស្របក្នុងគោលបំណងកេងប្រវ័ញ្ច និងរំលោភបំពានផ្លូវភេទលើកុមារ។ ត្រង់ចំណុចនេះ លោកស្រី គូសបញ្ជាក់ថា ការលួងលោមកុមារតាមប្រព័ន្ធអនឡាញ ការចែកចាយសម្ភារៈ និងការផ្សាយបន្តផ្ទាល់នូវការរំលោភបំពានផ្លូវភេទលើកុមារ ត្រូវបានចាត់ទុកថា ជាឧក្រិដ្ឋកម្មប្រឆាំងកុមារ ដែលត្រូវការឆ្លើយតបជាសកល និងជាបន្ទាន់។
មន្ត្រីជាន់ខ្ពស់រូបនេះ សង្កត់ធ្ងន់ដែរថា ឧក្រិដ្ឋកម្មទាំងនេះត្រូវបានថតចម្លងក្នុងទម្រង់ជារូបភាព ឬជាវីដេអូឌីជីថល ដែលរមែងត្រូវបានចែកចាយម្ដងហើយម្ដងទៀតនៅតាមប្រព័ន្ធអនឡាញ ឬបណ្ដាញសង្គម ជាដើម។ ដូច្នេះ ការទប់ស្កាត់ និងកិច្ចការពារកុមារតាមប្រព័ន្ធអនឡាញ គឺជាការងារបន្ទាន់ជាងពេលណាៗទាំងអស់ ដោយលោកស្រីបានជំរុញ និងស្នើសុំដល់គ្រប់ក្រសួងស្ថាប័ន ភាគីពាក់ព័ន្ធ និងអាជ្ញាធរដែនដីគ្រប់ជាន់ថ្នាក់ រួមគ្នាទប់ស្កាត់អំពើហិង្សា និងអំពើកេងប្រវ័ញ្ចផ្លូវ ភេទលើកុមារតាមប្រព័ន្ធអនឡាញឲ្យកាន់តែខ្លាំងក្លា និងប្រកបដោយប្រសិទ្ធភាពខ្ពស់បន្ថែមទៀត៕
ដោយ៖ ធឿន វ៉ាន់សុង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ