ព័ត៌មានជាតិ

អភិបាលរងខេត្តព្រះសីហនុអះអាងថា កម្មវិធីវិនិយោគ ៣ ឆ្នាំរំកិលមានសារសំខាន់សម្រាប់ស្ថាប័នក្នុងក្របខណ្ឌអភិវឌ្ឍផែនការទៅជាគម្រោងសកម្ម

បានផុស

១ year មុន

នៅ

ថ្ងៃពុធ ៥ តុលា ២០២២

ដោយ

លោក ឡុង ឌីម៉ង់ អភិបាលរងខេត្តព្រះសីហនុបានបញ្ជាក់ថា សម្រាប់កម្មវិធីវិនិយោគបីឆ្នំារំកិលមានសារសំខាន់ណាស់សម្រាប់គ្រប់អង្គភាព ស្ថាប័ន ដើម្បីបំប្លែងគោលដៅក្នុងក្របខណ្ឌអភិវឌ្ឍផែនការអភិវឌ្ឍខេត្តឲ្យទៅជាគម្រោងសកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងកិច្ចប្រជុំពិភាក្សាពិនិត្យ និងកែសម្រួលសេចក្តីណែនាំស្តីពីការរៀបចំ និងការសាងកម្មវិធីវិនិយោគបីឆ្នាំរំកិល(២០២៣-២០២៥) របស់រដ្ឋបាលខេត្តព្រះសីហនុនៅថ្ងៃទី ៤ ខែតុលា ២០២២ លោក ឡុង ឌីម៉ង បានមានប្រសាសន៍ថា ចំពោះកិច្ចពិភាក្សានេះពិតជាមានសារសំខាន់សម្រាប់គណៈកម្មាធិការសម្របសម្រួលបច្ចេកទេសខេត្ត ក្នុងគោលបំណងបាននូវសេចក្តីណែនានិងកម្មវិធីដែលបានដាក់ចេញ។

មិនតែប៉ុណ្ណោះ លោកឡុង ឌីម៉ង បានបន្តថា ការដាក់ចេញផែនការបីឆ្នាំរំកិលនេះដល់គ្រប់អង្គភាព ស្ថាប័ន គឺដើម្បីបំប្លែងគោលដៅក្នុងក្របខ័ណ្ឌអភិវឌ្ឍផែនការអភិវឌ្ឍខេត្តឱ្យទៅជាគម្រោងសកម្មភាព ឬសេវាជាក់ស្តែងសំដៅលើកកម្ពស់ការផ្តល់សេវាសាធារណៈ និងកិច្ចអភិវឌ្ឍន៍ខេត្តព្រះសីហនុសម្រាប់៣ឆ្នាំរំកិល និងធ្វើបច្ចុប្បន្នភាពជារៀងរាល់ឆ្នាំ។

កម្មវិធីវិនិយោគជាឧបករណ៍សំខាន់សម្រាប់បង្ហាញនូវគម្រោងសកម្មភាព ឬសេវាអាទិភាពនានារបស់ខេត្ត ដល់ដៃគូពាក់ព័ន្ធទាំងទីភ្នាក់ងាររដ្ឋ អង្គការសង្គមស៊ីវិល ផ្នែកឯកជន សប្បុរសជន និងប្រជាពលរដ្ឋ ដើម្បីកៀរគរធនធានចូលរួមផ្តល់សេវាសាធារណៈ និងកិច្ចអភិវឌ្ឍន៍មូលដ្ឋានទៅតាមជំហាននីមួយៗ ព្រមទាំងឈរលើក្របខ័ណ្ឌទស្សនៈរួម ដែលកំណត់តួនាទីមិនអាចខ្វះបាននិងអាចធានាបានថា ដំណើរការកសាងកម្មវិធីវិនិយោគបីឆ្នាំរំកិល អាចចូលរួមចំណែកនៃកំណើនសេដ្ឋកិច្ចទូទាំងខេត្ត។

សូមជម្រាបថា គម្រោងសកម្មភាពវិនិយោគបីឆ្នាំរំកិលរបស់រដ្ឋបាលខេត្តសម្រាប់ឆ្នាំ២០២៣ ដែលរដ្ឋបាលខេត្តនឹងដាក់ចេញមានដូចជា ក្របខណ្ឌគោលនយោបាយ ផែនការយុទ្ធសាស្ត្រចតុកោណដំណាក់កាលទី៤របស់រាជរដ្ឋាភិបាល ច្បាប់ស្តីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ អនុក្រឹត្យប្រកាសអន្តរក្រសួង គោលការណ៍ណែនាំ ផ្នែកគោលនយោបាយកសាងផែនការអភិវឌ្ឍ ៥ឆ្នាំរបស់ក្រុមប្រឹក្សាខេត្ត៕

ដោយ៖ ឌឿនចាន់ ថារី

Related Topics:លោក ឡុង ឌីម៉ង់