ព័ត៌មានជាតិ

ក្រោយហេតុការណ៍លិចទូកចម្លង ក្រសួងសាធារណការពន្លឿនបង្កើតច្បាប់ដឹកជញ្ជូនតាមផ្លូវទឹកឲ្យបានឆាប់

បានផុស

៣ years មុន

នៅ

ថ្ងៃសុក្រ ២៨ តុលា ២០២២

ដោយ

ក្រសួងសាធារណការនិងដឹកជញ្ជូន តាមរយៈអគ្គនាយកដ្ឋានដឹកជញ្ជូនផ្លូវទឹកកំពុងជំរុញរៀបចំច្បាប់ស្តីពីការដឹកជញ្ជូនតាមផ្លូវទឹកនិងកំពង់ផែឲ្យបានឆាប់ ដើម្បីគ្រប់គ្រងការធ្វើដំណើរតាមផ្លូវទឹកឲ្យមានសុវត្ថិភាព។

ឆ្លើយតបសំនួររបស់ក្រុមព័ត៌មានកម្ពុជាថ្មី ក្នុងសន្និសីទកាលពីម្សិលមិញនេះលោក ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូនបានបញ្ជាក់ថា ឧបទ្ទវហេតុលិចទូកដចម្លងថ្មីៗនេះ ជំរុញឲ្យក្រសួងត្រូវតែពន្លឿនបង្កើតច្បាប់ដឹកជញ្ជូនតាមផ្លូវទឹកនិងច្បាប់កំពង់ផែឲ្យបានឆាប់បំផុត។

លោកទទួលស្គាល់នៅចន្លោះប្រហោងដែលក្រសួងមិនបានចុះទៅត្រួតពិនិត្យឲ្យបានដិតដល់។ ណាមួយដោយសារមិនទាន់មានច្បាប់ដើម្បីអនុវត្ត។

“តើទូកដសព្វថ្ងៃដែលបើកសេវាចម្លងអ្នកដំណើរ មានអាវពោងសុវត្ថិភាពគ្រប់គ្រាន់អត់? បើលិចទៅមានអាវពោងការពារអ្នកដំណើរអត់? ចឹងទេយើងត្រូវមានច្បាប់គ្រប់គ្រង”។

ឧបទ្ទវហេតុលិចទូកចម្លងនៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាលកន្លងទៅថ្មីៗនេះ បានបណ្ដាលឱ្យសិស្សសាលាស្លាប់ចំនួន ១១ នាក់ និង ៤ នាក់ទៀតរួចផុតជីវិត។

លោក ស៊ុន ចាន់ថុល បង្ហាញការសោកស្តាយ និងចូលរួមមរណទុក្ខចំពោះជនរងគ្រោះ។ យ៉ាងណាលោករំពឹងថា នៅពេលច្បាប់នេះដាក់ឲ្យអនុវត្តស្របតាមស្ដង់ដារបច្ចេកទេស នឹងទប់ស្កាត់មិនឲ្យមានហេតុការណ៍អាក្រក់នេះកើតឡើងជាថ្មី៕