Connect with us

ព័ត៌មានជាតិ

សម្ពោធបញ្ចប់ការជួសជុលសាលរបាំប្រាសាទតាព្រហ្ម

បានផុស

នៅ

កាលពី​ចុង​សប្ដាហ៍​រសៀល​ថ្ងៃ​ទី ១៣ ខែ​វិច្ឆិកា ឆ្នាំ ២០២២ លោក JAGDEEP DHANKHAR អនុ​ប្រធានាធិបតី នៃ​សាធារណរដ្ឋ​ឥណ្ឌា បាន​ដឹកនាំ​គណៈប្រតិភូ​ជាន់ខ្ពស់ នៃ​សាធារណរដ្ឋ​ឥណ្ឌា ព្រមទាំង​វត្តមាន​លោកជំទាវ​ឯកអគ្គរដ្ឋទូត​ឥណ្ឌា​ប្រចាំ​កម្ពុជា អញ្ជើញ​មក​ទស្សនកិច្ច​នៅ​ប្រាសាទ​អង្គរវត្ត និង​សម្ពោធ​បញ្ចប់​ការ​ជួសជុល​សាល​របាំ​ប្រាសាទ​តាព្រហ្ម ក្នុង​ខេត្ត​សៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក JAGDEEP DHANKHAR គណៈប្រតិភូ​ជាន់ខ្ពស់ នៃ​សាធារណរដ្ឋ​ឥណ្ឌា និង​លោកជំទាវ​ឯកអគ្គរដ្ឋទូត​ឥណ្ឌា​ប្រចាំ​កម្ពុជា បាន​អញ្ជើញ​មកដល់​ព្រលានយន្តហោះ​អន្តរជាតិ​សៀមរាប នៅ​ម៉ោង ១៥ រសៀល តាមរយៈ​យន្តហោះ​ពិសេស​ផ្ទាល់ខ្លួន ក្រោម​ការ​ទទួល​ស្វាគមន៍​យ៉ាង​កក់ក្ដៅ​ពី​សំណាក់​លោក ពិន ប្រាកដ អភិបាលរង​ខេត្ត តំណាង​លោក ទៀ សីហា អភិបាល នៃ​គណៈ​អភិបាល​ខេត្ត លោក សួស សុខ​ចាន់ សមាជិក​ក្រុមប្រឹក្សា​ខេត្ត តំណាង​លោក អ៊ាន ឃុន ប្រធាន​ក្រុម​ប្រឹក្សា​ខេត្ត។

នៅ​ក្នុង​ពិធី​សម្ពោធ​បញ្ចប់​ការ​ជួសជុល​សាល​របាំ​ប្រាសាទ​តាព្រហ្ម លោក JAGDEEP DHANKHAR និង​គណៈប្រតិភូ​ជាន់ខ្ពស់ នៃ​សាធារណរដ្ឋ​ឥណ្ឌា ត្រូវ​បាន​ទទួល​បដិសណ្ឋារកិច្ច និង​ស្វាគមន៍​យ៉ាង​កក់ក្ដៅ​ពី​សំណាក់ លោកជំទាវ​បណ្ឌិត​សភាចារ្យ ភឿង សកុណា រដ្ឋមន្ត្រី​ក្រសួង​វប្បធម៌ និង​វិចិត្រ​សិល្បៈ នៃ​ព្រះរាជាណាចក្រ​កម្ពុជា លោក ហង់ ពៅ អគ្គនាយក​អាជ្ញាធរ​ជាតិ​អប្សរា លោក យុន លីណណេ អភិបាលរង​ខេត្ត​តំណាង​លោក ទៀ សីហា និង​លោក សួស សុខចាន់ តំណាង​លោក អ៊ាន ឃុន។

បន្ទាប់មក​លោក JAGDEEP DHANKHAR និង​គណៈប្រតិភូ​ជាន់ខ្ពស់ នៃ​សាធារណរដ្ឋ​ឥណ្ឌា បាន​អញ្ជើញ​ទៅ​ទស្សនា​ប្រាសាទ​អង្គរវត្ត និង​បាន​និវត្ត​ទៅកាន់​មាតុប្រទេស​វិញ​នៅ​វេលា​ម៉ោង ១៧ និង ៤៥ នាទី​ល្ងាច នា​ថ្ងៃ​ដដែល តាមរយៈ​យន្តហោះ​ពិសេស​របស់​ខ្លួន។

សូម​បញ្ជាក់​ផង​ដែរ​ថា សាល​របាំ​ដែល​ស្ថិត​ក្នុង​ប្រាសាទ​តាព្រហ្ម បាន​ជួសជុល​ដោយ​ក្រុម​អ្នក​ជំនាញ​ពី​ប្រទេស​ឥណ្ឌា មាន​កិច្ច​សហ​ប្រតិបត្តិការ​ជាមួយ​អាជ្ញាធរ​ជាតិ​អប្សរា។ គម្រោង​ជួសជុល​សាល​របាំ​នេះ ស្ថិត​ក្នុង​ដំណាក់កាល​ទី ២ ដែល​ត្រូវ​ជួសជុល​ដំបូល​កណ្ដាល។

លោក ចាន់ ឡាយ អ្នក​គ្រប់គ្រង​ការដ្ឋាន​ជួសជុល​ប្រាសាទ​តាព្រហ្ម បាន​រៀបរាប់​ពី​ការងារ​ជួសជុល​ថា ការ​ជួសជុល​នេះ ស្ថិត​ក្នុង​គម្រោង​ដំណាក់កាល​ទី ២ ដែល​ចាប់ផ្ដើម​នៅ​ឆ្នាំ ២០១៧។

សាល​របាំ ត្រូវ​បាន​ជួសជុល​ក្នុង​ដំណាក់កាល​ទី ១ នៅ​ឆ្នាំ ២០១០ អ្នក​ជំនាញ​បាន​ប្រើ​ពេល​ជាង ២ ឆ្នាំ សម្រាប់​ការ​ធ្វើ​កំណាយ មុននឹង​ចាប់ផ្ដើម​ការងារ​ជួសជុល​នៅ​ចុង​ឆ្នាំ ២០១២។

លោក​បន្ថែម​ទៀត​ថា ក្នុង​ការងារ​ជួសជុល​ដំណាក់កាល​ទី ១ គឺ​ចាប់ផ្ដើម​ពី​ជ្រុង​ខាងជើង ជួសជុល​ពី​គ្រឹះ​ដល់​ដំបូល ដោយ​បញ្ចប់​នៅ​ឆ្នាំ ២០១៤។ ឯ​ក្នុង​ដំណាក់កាល​ទី ២ បន្ត​ជួសជុល​ភ្ជាប់​ទៅ​ដំបូល​កណ្ដាល ហើយ​ការងារ​ជួសជុល​សាល​របាំ​ប្រព្រឹត្ត​ទៅ​ដោយ​រលូន និង​មាន​សោភ័ណ​ស្រស់​ស្អាត តែ​តាម​គម្រោង អ្នក​ជំនាញ​ទុក​ផ្នែក​ខ្លះ​ដែល​បាក់បែក​ឲ្យ​នៅ​សភាព​ដើម ដោយសារ​ក្រុម​អ្នក​ជំនាញ​យល់​ថា វា​អាច​ជា​ចំណែក​មួយ​ទាក់ទាញ​ភ្ញៀវ​ទេសចរ ដើម្បី​ប្រៀបធៀប​ចំណុច​ជួសជុល និង​ចំណុច​​គ្រាន់​ជា​គំនរ​ថ្ម ពុំ​មាន​ការ​ជួសជុល​នោះ។

សាល​របាំ បើ​តាម​ការ​រម្លឹក​ពី​ក្រុមការងារ​ជួសជុល​នៅ​ទីនោះ មុន​ពេល​មាន​ការ​ជួសជុល សាល​នេះ​គ្រាន់​តែ​ជា​គំនរ​ថ្ម​តែប៉ុណ្ណោះ។ ដំបូល នៃ​សាល​នេះ ជ្រុះ​ធ្លាក់​ស្ទើរ​ទាំងស្រុង ចំណែក​សសរ​ដួល​រាប​ដល់​ដី​គ្មាន​សល់។ ដោយឡែក​ក្រុមការងារ​ជួសជុល បាន​ចាប់ផ្តើម​រើ​ថ្ម​ចេញ និង​បង់​លេខ ដើម្បី​ងាយ​ស្រួល​ក្នុង​ការ​រៀប និង​ជួសជុល​ឡើងវិញ។

គម្រោង​នេះ​ប្រើប្រាស់​កម្មករ​ចំនួន ១១៨ នាក់ ដោយ​ក្នុង​នោះ អាជ្ញាធរ​ជាតិ​អប្សរា បាន​បញ្ជូន​កម្មករ​ ២៥ នាក់ សម្រាប់​ការងារ​សហ​ប្រតិបត្តិការ​នេះ​ផង​ដែរ៕

អត្ថបទ ៖ គឿនវេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ៧ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ៨ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ១១ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ១១ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៥ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម