ព័ត៌មានជាតិ
ប្រយ័ត្នខាតប្រាក់៖ ធនាគារ ABA បដិសេធមិនពាក់ព័ន្ធការជួញដូរគ្រីបតូ
ធនាគារ ABA បានចេញសារបដិសេធថា មិនពាក់ព័ន្ធនឹងការជួញដូរគ្រីបតូនោះទេ និងរក្សាសិទ្ធិក្នុងការត្រួតពិនិត្យបង្កកគណនីណាមួយ ដែលធ្វើប្រតិបត្តិការផ្ទេរ ទូទាត់ ពាក់ព័ន្ធនឹងរូបិយបណ្ណគ្រីបតូ។
តាមរយៈផេកផ្លូវការរបស់ធនាគារ ABA បានសរសេរដូច្នេះថា« ថ្មីៗនេះ យើងបានកំណត់អត្តសញ្ញាណគ្រុបតេឡេក្រាមផ្សេងៗគ្នា ក្រោមឈ្មោះស្រដៀងគ្នានៃឈ្មោះ “PAYEER” ដែលផ្តល់សេវាកម្មជួញដូរគ្រីបតូ។ ក្រុមទាំងនេះ អះអាងថា ABA គឺជាធនាគារមួយក្នុងចំណោមធនាគារជាច្រើន សម្រាប់ការផ្ទេរ និងទូទាត់ ពាក់ព័ន្ធនឹងការជួញដូរគ្រីបតូ ដែលនេះមិនមែនជាការពិតនោះទេ ព្រោះថា ABA មិនគាំទ្រប្រតិបត្តិការដែលទាក់ទងនឹងគ្រីបតូឡើយ»។
ខណៈការជួញដូរគ្រីបតូនៅក្នុងប្រទេសកម្ពុជានៅតែខុសច្បាប់ ABA រក្សាសិទ្ធិក្នុងការត្រួតពិនិត្យ និងបង្កកគណនីណាមួយដែលធ្វើប្រតិបត្តិការផ្ទេរ/ទូទាត់ ពាក់ព័ន្ធនឹងរូបិយប័ណ្ណគ្រីបតូ។ នេះបើតាមការជូនដំណឹងរបស់ធនាគារ ABA។
លើសពីនេះទៀត ធនាគារ ABA បានណែនាំឱ្យអតិថិជនបង្កើនការប្រុងប្រយ័ត្នបន្ថែម ចំពោះសកម្មភាពទាំងនេះ ព្រោះការជួញដូរគ្រីបតូ នៅក្នុងប្រទេសកម្ពុជា គឺខុសច្បាប់។ នេះបើយោងតាមធនាគារជាតិ ធ៧ ០១៧ ១០៥៨ ស.ជ.ណ ចុះថ្ងៃទី ០៥ ខែ ធ្នូ ឆ្នាំ ២០១៧ ស្តីពីការទប់ស្កាត់ការប្រើប្រាស់ ចរាចរ ទិញ លក់ ទូទាត់ ផ្សព្វផ្សាយរូបិយបណ្ណគ្រីបតូ និងទំនិញអេឡិចត្រូនិក ស្រដៀងគ្នា ដែលមិនទទួលស្គាល់ពីធនាគារជាតិនៃកម្ពុជា ក្នុងប្រព័ន្ធធនាគារ និងហិរញ្ញវត្ថុនៃប្រទេសកម្ពុជា។
ធនាគារ ABA បានសង្កត់ធ្ងន់ថា ក្រុមទាំងនេះ បានលើកឡើងអំពីធនាគារ ABA ក្នុងនាមជាធនាគារមួយ ដែលសមាជិករបស់ពួកគេអាចទូទាត់ ឬផ្ទេរប្រាក់សម្រាប់ការជួញដូរ គ្រីបតូ ដែលនេះមិនមែនជាការពិតទាល់តែសោះ ព្រោះថា ABA មិនដែលគាំទ្រដល់ការសកម្មភាពជួញដូរខុសច្បាប់ណាមួយឡើយ។
ធនាគារ ABA អះអាងថា នឹងមិនទទួលខុសត្រូវចំពោះការខាតបង់ទាំងឡាយណា ដែលបណ្ដាលមកពីប្រតិបត្តិការពាក់ព័ន្ធនឹង PAYEER ឡើយ និងបានណែនាំដល់អ្នកត្រូវបានគេហៅឲ្យចូលរួម ឬបានចូលក្រុមទាំងនោះដោយចៃដន្យ សូមចាកចេញ (leave) ពីក្រុមនោះឲ្យបានឆាប់តាមដែលអាចធ្វើបាន៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង