Connect with us

ព័ត៌មានជាតិ

លក្ខខណ្ឌនិស្សិតស្រី អាចស្នាក់នៅសិក្សា នៅភ្នំពេញ ដោយឥតគិតថ្លៃ

បានផុស

នៅ

បន្ទាប់ពីប្រឡងជាប់សញ្ញាបត្រមធ្យមសិក្សាទុតិយភូមិ ឬបាក់ឌុប សិស្សតែងចង់បន្តការសិក្សានៅសាកលវិទ្យាល័យ ចាប់យកជំនាញឯកទេសតាមចំណូលចិត្ត ទីផ្សារការងារ ដើម្បីទទួលបានការងារល្អសមប្រកបក្នុងសង្គម។ និស្សិតមកពីបណ្ដាខេត្តខ្លះស្នាក់នៅផ្ទះបងប្អូន អ្នកខ្លះស្នាក់នៅបន្ទប់ ឬផ្ទះជួលជុំញាតិមិត្ត ចំណែកនិស្សិតបុរសដែលមិនមានញាតិមិត្តរស់នៅភ្នំពេញ ឬខ្វះខាតជីវភាពផងនោះ អាចសុំព្រះសង្ឃស្នាក់នៅតាមវត្តអារាម។ រីឯ និស្សិតនារីក្រីក្រពីបណ្ដាខេត្ត ត្រូវបានទទួលបានការជំរុញ និងការយកទឹកទុកដាក់ឱ្យបន្តការសិក្សាថ្នាក់ឧត្ដមសិក្សាដូចបុរសដែរ ដោយរដ្ឋាភិបាលជួយសម្រួល និងផ្ដល់កន្លែងស្នាក់នៅនៅរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក រស់ សុវាចា អ្នកនាំពាក្យក្រសួងអប់រំ យុវជន និងកីឡា មានប្រសាសន៍ប្រាប់ “កម្ពុជាថ្មី” ថា ក្នុងឆ្នាំសិក្សា ២០២២-២០២៣ ខាងមុខនេះ ក្រសួងអប់រំ យុវជន និងកីឡា ត្រៀមជ្រើសរើសនិស្សិតនារីក្រីក្រ​ពី​បណ្តា​ ២៥ រាជធានី-ខេត្ត ចំនួន ៨០ នាក់ មកស្នាក់នៅក្នុង មជ្ឈមណ្ឌលអន្តេវាសិកនិស្សិតនារី របស់ក្រសួងអប់រំ យុវជន និងកីឡា មានមួយទីតាំងក្បែរវិទ្យាស្ថានបច្ចេកវិទ្យាកម្ពុជា (សាលាតិចណូ)។

លោក រស់ សុវាចា មានប្រសាសន៍បន្តថា និសិ្សតនារីទាំងនេះ ត្រូវបានជ្រើសរើសឱ្យចូលស្នាក់នៅជំនួសនិស្សិតដែលបញ្ចប់ការសិក្សាថ្នាក់បរិញ្ញាបត្រឆ្នាំទី៤ និង ឆ្នាំទី៥ ក្នុងឆ្នាំនីមួយៗ។

លោក រស់ សុវាចា មានប្រសាសន៍បញ្ជាក់ថា ដើម្បីស្នាក់នៅ មជ្ឈមណ្ឌលអន្តេវាសិកនិស្សិតនារី បាន និស្សិតនារីទាំងនោះត្រូវមានលក្ខខណ្ឌ៖

– ជានិស្សិតនារីអាហារូបករណ៍ ឬបង់ថ្លៃ ដែលកំពុងសិក្សានៅតាមគ្រឹះស្ថានឧត្តមសិក្សាសាធារណៈ នានាក្នុងរាជធានីភ្នំពេញ។

– ជានិស្សិតនារីក្រីក្រ និងនិស្សិតនារីពិការ កូនកំព្រា គ្រួសារមានកូនច្រើន មកពីខេត្តនានា ពិសេសខេត្តដាច់ស្រយាល និងតំបន់ជួបការលំបាក (ភ្ជាប់លិខិតបញ្ជាក់មេភូមិ និងមេឃុំ)

– បេក្ខជនត្រូវនៅលីវ មានវិន័យ និងសីលធម៌ល្អ។​

បេក្ខនារីអាចយកពាក្យសុំស្នាក់នៅ មកដាក់សុំស្នាក់នៅដោយផ្ទាល់ខ្លួននៅតាមគ្រឹះស្ថានឧត្តម សិក្សារបស់ខ្លួន រហូតដល់ថ្ងៃទី២០ ខែមករា ឆ្នាំ២០២៣។ ការប្រកាសលទ្ធផល និងមានបិទផ្សាយនៅមជ្ឈមណ្ឌលអន្តេវាសិកនិស្សិតនារី និងគេហទំព័រផ្លូវ ការរបស់ក្រសួង ក្រោយពីការសម្រេចរបស់គណៈកម្មការជ្រើសរើសរបស់ក្រសួងអប់រំ យុវជន និងកីឡា នៅថ្ងៃទី៥ ខែកុម្ភៈ ឆ្នាំ ២០២២។ ចំពោះព័ត៌មានលម្អិតផ្សេងៗទៀត បេក្ខនារីអាចទាក់ទងតាមលេខទូរសព្ទ ០១២ ៧៧០ ២២៨, ០១២ ៦៧៥ ៥៩០។

គួរបញ្ជាក់ថា កាលឆ្នាំសិក្សា ២០២១-២០២២ ក្រសួងអប់រំ យុវជន និងកីឡា ជ្រើសរើស និស្សិតនារីឆ្នាំទី១ ដែលកំពុងសិក្សាតាមរូបភាព អាហារូបករណ៍ និងបង់ថ្ល នៅតាមគ្រឹះស្ថានឧត្តមសិក្សាសាធារណៈទាំងអស់ មកស្នាក់នៅបណ្ដោះអាសន្ន នៅ មជ្ឈមណ្ឌលអន្តេវាសិក និស្សិតនារី ចំនួន ១១០ នាក់៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២៤ នាទី មុន

ស្វាយរៀងខាប់លើកទី៦រក​ឃើញក្រុមប៉ះគ្នាវគ្គ១៦ក្រុមចុងក្រោយ

ព័ត៌មានអន្ដរជាតិ១ ម៉ោង មុន

លម្អិតការវាយប្រហារភេរវកម្មនៅរុស្ស៊ី ខណៈមនុស្សស្លាប់ កើនដល់ ១៣៧នាក់

បច្ចេកវិទ្យា១៦ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ១៦ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ១៧ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

Sokha Hotels

ព័ត៌មានពេញនិយម