Connect with us

ព័ត៌មានជាតិ

មានទំនុកចិត្ត​ត្រៀមប្រឡង តែសិស្ស​បន្ត​សុំជំនួយបន់ស្រន់​ពីលោកតាដំបងគ្រញូង

បានផុស

នៅ

ខណៈដែលកាលបរិច្ឆេទនៃការប្រឡងយកសញ្ញាបត្រមធ្យមសិក្សាទុតិយភូមិនៅទូទាំងប្រទេស បានខិតជិតមកដល់នៅថ្ងៃទី ៥ និងទី៦ ខែធ្នូ ឆ្នាំ២០២២ ខាងមុខនេះ សិស្សានុសិស្សនៅខេត្តបាត់ដំបងមួយចំនួន មានភាពជឿជាក់ក្នុងការឡើង​សង្វៀនយកសញ្ញាប័ត្រឆ្នាំនេះប្រកបដោយជោគជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងពិធីទួល​ប័ណ្ណសរសើរចាប់ពីចំណាត់ថ្នាក់លេខ ១ ដល់លេខ ៥ ដែលបានប្រព្រឹត្តឡើងនៅថ្ងៃទី ៣០ខែវិច្ឆកានេះនៅបរិវេណសាលាវិទ្យាល័យ.នេតយ៉ង់.សិស្សានុសិស្សដែលត្រូវប្រឡងយកសញ្ញាប័ត្រថ្នាក់ទី១២ឆ្នាំនេះ បានសម្តែងក្តីសង្ឃឹម​យ៉ាងមុតមាំប្រាប់កម្ពុជាថ្មីថា ពួកគេមានក្តីសង្ឃឹមច្រើនក្នុងការប្រឡងយកសញ្ញាប័ត្រឆ្នាំនេះដោយទំនុកចិត្ត។

បើទោះបីពួកគេមានទំនុកចិត្តក្នុងការប្រឡង​យកសញ្ញាប័ត្រយ៉ាងណាក៏ដោយ ក៏​មាន​សិស្សខ្លះ​បាន​មកបន់ស្រន់​លោកតាដំបងគ្រញូង ដោយ​អ្នកខ្លះមកសុំដោយខ្លួនឯងអ្នកខ្លះទៀតក៏មកជាមួយអាណាព្យាបាល។ ក្នុងនោះអ្នកស្រី ចាន់នី បានប្រាប់ថា ការបន់ស្រន់របស់គាត់គឺសុំសេចក្តីសុ​ខនិង​សុំឲ្យកូនគាត់​ឲ្យបានប្រឡងជាប់។

ប្រធានការិយាល័យប្រឡង លោក ឆោង វីរីយ៉ា បានឲ្យដឹងថា ឆ្នាំនេះលោកសង្ឃឹម​ថាសិស្សប្រឡងជាប់ច្រើនជាងឆ្នាំមុន។ សម្រាប់សិស្សដែលក្រីក្រមកពីតាមបណ្តាគ្រប់ស្រុកនៃខេត្តបាត់ដំបងឆ្នាំនេះ ខាងខេត្តបានប្រគល់ឲ្យរដ្ឋបាលក្រុងជាអ្នករៀបចំទទួលទំនុកបំរុងក្នុងការស្នាក់នៅសម្រាប់រយះពេលនៃការប្រឡង។

លោកទ្រី ហាក់ រដ្ឋបាលក្រុងបានប្រាប់ថា ចំពោះសិស្សក្រីក្រមកពីបណ្តាស្រុកទាំង ១៣ រហូតដល់ថ្ងៃទី ០៤ ខែធ្នូទើបឡើងមកដើម្បីត្រៀមប្រឡង។

ឆ្នាំនេះខាងរដ្ឋបាលក្រុងបានរៀបចំ ៦ ទីតាំងសម្រាប់ការស្នាក់នៅរបស់សិស្សក្រីក្រមកពីតាមបណ្តាស្រុក ក្នុងនោះមាន÷១-សាលាបឋមសិក្សាជ្រៃកោង ២-សាលាបឋមសិក្សាហ៊ុនសែនអូរចារ ៣-សាលាបឋមសិក្សាវត្តកំផែង ៤-សាលាបឋម សិក្សាព្រែកព្រះស្ដេច ៥-សាលាបឋម សិក្សា ១៣មករា ៦-សាលាបឋមសិក្សារំចេក៣ ។

លោក យី សុងគី ប្រធានមន្ទីរអប់រំយុវជន និងកីឡា ខេត្តបាត់ដំបងបានឲ្យដឹងដែរថា នៅឆ្នាំសិក្សា២០២២-២០២៣ នេះ ចំនួនមណ្ឌលប្រលងបានកើនឡើងបន្ថែមចំនួន ៤មណ្ឌលគឺ”១៤មណ្ឌល”ខណះកាលពីឆ្នាំកន្លងទៅមានតែ​១០​មណ្ឌលប៉ុណ្ណោះ។ ដោយឡែកបេក្ខជនដែលបានចុះឈ្មោះប្រលងនៅទូទាំងខេត្ត សរុបមានចំនួន ៨.៩៨៧ រូប ។

ពាក់ព័ន្ធសម័យប្រឡងឆ្នាំនេះ លោក សុខ លូ អភិបាលនៃគណអភិបាលខេត្ត ក៏បានជ្រុំជ្រែងដល់សិស្សដែលប្រឈមនិង ការខ្វះខាតមកពីតាមបណ្តាស្រុកផងដែរ ក្នុងនោះលោកបានត្រៀមក្នុងការឧបត្ថម្ភដល់សិស្សណាដែលមានជីវភាពខ្វះខាត ហើយនៅគ្រប់មណ្ឌលប្រឡងទាំង ១៤ មណ្ឌល ដោយមិនអនុញ្ញាតឲ្យយកលុយថ្លៃផ្ញើ កង់ ម៉ូតូ ពីសិស្សក្រីក្រីឡើយ ហើយ លោក ជាអ្នកចេញបង់ឲ្យជំនួសសិស្សទាំងនោះវិញ ។

លោកប្រធានមន្ទីរពេទ្យខេត្តបានឲ្យដឹងដែរថា នៅក្នុងសម័យប្រឡងឆ្នាំនេះ លោកអភិបាលខេត្តបានឲ្យត្រៀមរថយន្តជួយ សង្គ្រោះយ៉ាងហោចក៏ ៧គ្រឿងដែរ។ ក្រៅពីនេះតាមមណ្ឌលប្រឡងនិមួយៗ ក៏​មានគ្រូពេទ្យចំនួន ២រូប ដើម្បីរៀបចំ អនុវត្តតាមវិធានការរបស់ក្រសួងសុខាភិបាលពាក់ព័ន្ធនិងការទប់ស្កាត់ពីការឆ្លងនូវជម្ងឺកូវីដ១៩ នឹងសម្រាប់ជួយសង្គ្រោះដល់ សិស្សណាដែលមានសភាពទន់ខ្សោយដោយប្រការណាមួយដែលនឹងកើតឡើង៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម