ព័ត៌មានជាតិ
ជប៉ុន-កម្ពុជា សហការគ្នារៀបចំកិច្ចប្រជុំពិសេសស្តីពី«ទីក្រុងវ័យឆ្លាតអាស៊ាន»នៅក្នុងខេត្ត Fukushima
ក្រសួងរៀបចំដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍នៃប្រទេសជប៉ុន បានរៀបចំកិច្ចប្រជុំពិសេសស្តីពីប្រព័ន្ធទីក្រុងវ័យឆ្លាតអាស៊ាន-ជប៉ុនលើកទី៤( The 4th ASEAN-JAPAN Smart Cities Networking High Level Meeting)នៅក្នុងខេត្ត Fukushima ប្រទេសជប៉ុន។ កិច្ចប្រជុំពិសេសនេះ គឺតំណាងក្រសួងរៀបចំដែនដី នគរូបនីយកម្ម និងសំណង់នៃប្រទេសកម្ពុជា និងតំណាងក្រសួងរៀបចំដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍នៃប្រទេសជប៉ុន ធ្វើជាសហប្រធាន។
កិច្ចប្រជុំពិសេសស្តីពីប្រព័ន្ធទីក្រុងវ័យឆ្លាតនៅក្នុងអាស៊ានលើកទី៤( The 4th ASEAN-JAPAN Smart Cities Networking High Level Meeting) រៀបចំធ្វើឡើងរយៈពេល២ថ្ងៃ គឺនៅថ្ងៃទី០៤ ខែធ្នូនេះ និងថ្ងៃទី០៥ ខែធ្នូ ឆ្នាំ២០២២។ កិច្ចប្រជុំរយៈពេល២ថ្ងៃនេះ មានការចូលរួមពីតំណាងក្រសួងពាក់ព័ន្ធនៃប្រទេសដែលជាសមាជិករបស់អាស៊ាន និងស្ថាប័ន្ធពាក់ព័ន្ធទាំងអស់នៅក្នុងប្រទេសជប៉ុន។
លោក Ishii Hiroo រដ្ឋមន្រ្តីក្រសួងរៀបចំដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍នៃប្រទេសជប៉ុន បានលើកឡើងថា កិច្ចប្រជុំពិសេសស្តីទីក្រុងវ័យឆ្លាតនេះ គឺមានសារៈសំខាន់ណាស់ ហើយការអភិវឌ្ឍទីក្រុងវ័យឆ្លាតនៅក្នុងបណ្តាប្រទេសអាស៊ាន នឹងនាំឲ្យមានការផ្លាស់ប្តូរយ៉ាងប្រសើរនូវរបៀបរបបនៃការរស់នៅរបស់ប្រជាជនទាំងអស់។ លោកបានសម្តែងនូវក្តីរំពឹងថា កិច្ចប្រជុំដ៏ល្អនេះ នឹងផ្តល់នូវបទពិសោធន៍ និងលទ្ធផលផ្លែផ្កាទៅកាន់តំណាងដែលបានចូលរួមនៅពេលនេះ។
ដូចគ្នាដែរ លោក Lim Jock Hoi អគ្គលេខាធិការអាស៊ានតាមរយៈសន្ទរកថាជាវីដេអូ បានវាយតម្លៃខ្ពស់ចំពោះកិច្ចប្រជុំពិសេសនៅក្នុងប្រទេសជប៉ុននេះ។ លោកបានអះអាងថា កិច្ចប្រជុំនេះ ជប៉ុន នឹងជួយផ្តល់នូវយុទ្ធសាស្រ្ត ក៏ដូចជា អាចផ្តល់នូវជំនួយបច្ចេកទេសផ្សេងៗ ដើម្បីជួយអភិវឌ្ឍទីក្រុងវ័យឆ្លាត(Smart City) នៅក្នុងបណ្តាប្រទេសអាស៊ាន។ ជាមួយគ្នានេះ លោកក៏ជឿជាក់ថា ជប៉ុន ក៏នឹងផ្តល់ជាបទពិសោធន៍ល្អៗនៃការអភិវឌ្ឍទីក្រុងវ័យឆ្លាតរបស់ខ្លួនទៅកាន់ប្រទេសសមាជិកអាស៊ានផងដែរ។
ដោយឡែក លោក ប៉ែន សុផល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់នៃប្រទេសកម្ពុជាវិញ បានបញ្ជាក់ថា កិច្ចសហការនៃការលើកស្ទួយ ក៏ដូចជា ការអភិវឌ្ឍកសាងនូវទីក្រុងវ័យឆ្លាតរបស់ប្រទេសជប៉ុនជាមួយប្រទេសអាស៊ាន គឺជារឿងដ៏សំខាន់។ លោកបានបន្ថែមថា ការអភិវឌ្ឍទីក្រុងវ័យឆ្លាតនេះ គឺជាផ្នែកមួយនៃទិសដៅសំខាន់ៗនៅក្នុងកិច្ចសហប្រតិបត្តិការរវាងជប៉ុន និងអាស៊ាន។ ជប៉ុន និងអាស៊ាន កំពុងធ្វើការសហការគ្នាដោយផ្តោតសំខាន់ទៅលើការអភិវឌ្ឍធនធានមនុស្សក្នុងវិស័យវិទ្យាសាស្រ្ត បច្ចេកវិទ្យា ការបង្កើតថ្មី ព្រមទាំង ការលើកស្ទួយការអភិវឌ្ឍទីក្រុងវ័យឆ្លាត និងប្រព័ន្ធព័ត៌មានឌីជីថល។
សូមបញ្ជាក់ថា នេះ គឺជាកិច្ចប្រជុំពិសេសមួយដែលអាចឲ្យតំណាងប្រទេសនៃសមាជិកអាស៊ាន អាចទទួលបាននូវអ្វីដែលថ្មីសម្រាប់ការអភិវឌ្ឍទីក្រុងវ័យឆ្លាត និងក៏អាចស្វែងយល់ដោយផ្ទាល់ពីទីក្រុង Aizuwakamatsu នៃខេត្ត Fukushima ដែលជាទីក្រុងវ័យឆ្លាតមួយនៅក្នុងប្រទេសជប៉ុន។ ក្រៅពីនេះ តំណាងដែលមកពីប្រទេសអាស៊ាន និងស្ថាប័នពាក់ព័ន្ធផ្សេងទៀត ក៏ត្រូវបានផ្តល់ឱកាសឲ្យឡើងធ្វើបទបង្ហាញពីការអភិវឌ្ឍទីក្រុងវ័យឆ្លាតនៅក្នុងប្រទេសរបស់ខ្លួននីមួយៗផងដែរ៕
ដោយ៖ វណ្ណ សុគន្ធា (ពីខេត្ត Fukushima ប្រទេសជប៉ុន)
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន