Connect with us

ព័ត៌មានជាតិ

មន្ទីរអប់រំ យុវជន និងកីឡា ៖ មណ្ឌលប្រឡងទាំង ១២ ក្នុងខេត្តកំពង់ធំ ចាប់ផ្ដើមបើកការប្រឡងជាធម្មតា

បានផុស

នៅ

មន្ទីរអប់រំ យុវជន និង​កីឡា បញ្ជាក់​ថា មណ្ឌល​ប្រឡង​ទាំង ១២ ស្មើ ២២១ បន្ទប់​ប្រឡង ក្នុង​ខេត្ត​កំពង់ធំ ចាប់ផ្ដើម​បើក​ការ​ប្រឡង​ជា​ធម្មតា តាម​កាលកំណត់​របស់​ក្រសួង​អប់រំ យុវជន និង​កីឡា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅ​ព្រឹក​ថ្ងៃ​ទី ៥ ខែ​ធ្នូ ឆ្នាំ ២០២២ មន្ទីរអប់រំ យុវជន និង​កីឡា ចាប់ផ្ដើម​បើក​ដំណើរការ នៃ​ការ​ប្រឡង មធ្យមសិក្សា​ទុតិយភូមិ​ទូទាំង​ខេត្ត​កំពង់ធំ។ ក្នុង​ឱកាស​នោះ​ដែរ លោក តាន់ ប៊ុនហុង ប្រធាន​មន្ទីរអប់រំ យុវជន និង​កីឡា ខេត្ត​កំពង់ធំ បញ្ជាក់​ថា នៅ​ក្នុង​ខេត្ត​កំពង់ធំ មាន ១២ មណ្ឌល​ប្រឡង ស្មើនឹង ២២១ បន្ទប់ ក្នុង​នោះ​ផ្នែក​វិទ្យាសាស្ត្រ ៖ មាន ២ មណ្ឌល ៥២ បន្ទប់ បេក្ខជន​សរុប ១.៣០០ នាក់ ស្រី ៧៧៨ នាក់។ ផ្នែក​វិទ្យាសាស្ត្រ​សង្គម ៖ មាន ១០ មណ្ឌល ១៦៩ បន្ទប់ បេក្ខជន​សរុប ៤.២២៤ នាក់ ស្រី ២.២៨៤ នាក់។ លោក​បញ្ជាក់​ថា មណ្ឌល​ប្រឡង​ទាំងអស់ បាន​ចាប់ផ្ដើម​បើក​ដំណើរ​ប្រឡង​ជា​ធម្មតា តាម​កាលកំណត់​របស់​ក្រសួង​អប់រំ យុវជន និង​កីឡា ដោយ​មិន​មាន​បញ្ហា​ណា​មួយ​ដែល​នាំ​ឲ្យ​ខកខាន​នោះ​ទេ។ ចំពោះ​សិស្សានុសិស្ស​ទាំងអស់ មិន​មាន​សិស្ស​ដែល​មាន​សង្ស័យ​អំពី​ករណី​វិជ្ជមាន​ជំងឺ-១៩ ឡើយ។

ក្នុង​ឱកាស​នោះ​ផង​ដែរ លោក ងួន រតនៈ អភិបាលខេត្ត​កំពង់ធំ លើកទឹកចិត្ត និង​ផ្ដាំផ្ញើ​ដល់​បេក្ខជន ប្រឡង​សញ្ញាបត្រ​មធ្យមសិក្សា​ទុតិយភូមិ (បាក់​ឌុប) ទាំងអស់ ត្រូវ​ខិតខំ​បញ្ចេញ​ឲ្យ​អស់​សមត្ថភាព​ដើម្បី​ទទួល​បាន​លទ្ធផល​ល្អ​គ្រប់ៗ​គ្នា។ បេក្ខជន​ប្រឡង​ទាំងអស់ ត្រូវ​តែ​យកចិត្តទុកដាក់​ខ្ពស់ និង​ខិតខំ​សរសេរ​ឲ្យ​ល្អ​ត្រឹមត្រូវ​ទៅលើ​ក្រដាស​វិញ្ញាសា មុននឹង​ឆ្លើយ​សំណួរ ត្រូវ​គិត​ត្រិះរិះ​ពិចារណា​ឲ្យ​បាន​គ្រប់​ជ្រុងជ្រោយ និង​ត្រូវ​ខិតខំ​ប្រឹងប្រែង​ឲ្យ​អស់​ពី​សមត្ថភាព ដោយ​ត្រូវ​គោរព​ឲ្យ​បាន​ខ្ជាប់ខ្ជួន នូវ​បទប្បញ្ញត្តិ និង​បទបញ្ជាផ្ទៃក្នុង នៃ​ការ​ប្រឡង និង​ប្រកាន់យក​នូវ​គោលការណ៍ «​ចេះ​គឺ​ជាប់​»។

ចំពោះ​គណៈកម្មការ​ដែល​មាន​តួនាទី​ក្នុង​ការ​ប្រឡង ត្រូវ​ពិនិត្យ​ឲ្យ​បាន​ច្បាស់លាស់ ទាំង​វិន័យ បទ​បញ្ជា​ផ្ទៃក្នុង និង​សុខភាព​សិស្ស​ទាំងអស់ ក្នុង​ករណី​មាន​បញ្ហា ត្រូវ​ប្រញាប់​រាយការណ៍​ទៅកាន់​ក្រុម​គ្រូពេទ្យ ដើម្បី​សង្គ្រោះ​បឋម ការពារ​មិន​ឲ្យ​មាន​សិស្សានុសិស្ស​បាត់បង់​ឱកាស​ប្រឡង​ជាយថាហេតុ៕

អត្ថបទ ៖ ឈាង មករា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

តំបន់​អា​រ៉ែ​ង ផ្តើម​មាន​ទំនប់​បង្ហៀរ​ឆ្លង​ដងស្ទឹង​ប្រវែង​ជិត​១០០​ម៉ែត្រ

ព័ត៌មានជាតិ៤ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង៥ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៥ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៥ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម