ព័ត៌មានជាតិ
អភិបាលខេត្តប៉ៃលិន ប្រាប់បេក្ខជនប្រឡងបាក់ឌុប ប្រកាន់ខ្ជាប់គោលការណ៍ “អ្នកចេះគឺជាប់” និងដណ្ដើមយកនិទ្ទេស A ឲ្យច្រើនជាងឆ្នាំមុន
ប៉ៃលិន ៖ មានប្រសាសន៍ក្នុងពិធីកាត់កញ្ចប់វិញ្ញាសាប្រឡងនៅព្រឹកថ្ងៃចន្ទ ទី ៥ ខែធ្នូ ឆ្នាំ ២០២២ លោកស្រី បាន ស្រីមុំ អភិបាលខេត្តប៉ៃលិន បានជំរុញ និងលើកទឹកចិត្ត ដល់បេក្ខជន-បេក្ខនារី ប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) ត្រូវខិតខំបញ្ចេញសមត្ថភាពរបស់ខ្លួនដែលសិក្សាកន្លងមក ដើម្បីទទួលបានលទ្ធផលល្អក្នុងការប្រឡងឆ្នាំនេះ។ ដូច្នេះ បេក្ខជន ត្រូវតែខិតខំប្រឹងប្រែងប្រឡងដោយសមត្ថភាពរបស់ខ្លួន ហើយត្រូវប្រកាន់ខ្ជាប់នូវគោលការណ៍ “អ្នកចេះគឺជាប់” និងធ្វើយ៉ាងណាដើម្បីទទួលបាននិទ្ទេស A ឲ្យបានច្រើន។
ជាមួយគ្នានោះដែរ លោកស្រី បាន ស្រីមុំ អភិបាលខេត្តប៉ៃលិន បានបង្ហាញហឹបវិញ្ញាសាជូនដល់បេក្ខជនប្រឡង ពិនិត្យភាពបិទជិត មានបិទស្គុត និងត្រាស្រោមប្រធានវិញ្ញាសានៅចំពោះមុខបេក្ខជន ដើម្បីធានាបានថា ការប្រឡងប្រព្រឹត្តទៅដោយគោរពតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន។ ទន្ទឹមនឹងនោះ លោកស្រីអភិបាលខេត្ត បានផ្ដាំផ្ញើជូនដល់ក្មួយៗទាំងអស់ ត្រូវថែរក្សាសុខភាពឲ្យបានល្អ រយៈពេល ០២ ថ្ងៃនេះ និងខិតខំឲ្យអស់ពីសមត្ថភាព ព្រមទាំងគោរពតាមបទបញ្ជាផ្ទៃក្នុងនៅពេលប្រឡងឲ្យបានល្អ ដើម្បីរក្សាសណ្ដាប់ធ្នាប់របៀបរៀបរយអំឡុងពេលប្រឡង ពិសេសជូនពរឲ្យក្មួយៗជោគជ័យក្នុងការប្រឡង សក្ដិសមជាទំពាំងស្នងឫស្សី ជាសសរទ្រូងប្រទេសជាតិ។
បើតាមលោក តង់ ធារ៉ា ប្រធានមន្ទីរអប់រំ យុវជន និងកីឡាខេត្តប៉ៃលិន បានឲ្យដឹងថា បេក្ខជន បេក្ខនារី ដែលបានចូលរួមប្រឡងសញ្ញាបត្រមធ្យមសិក្សាទុតិយភូមិ សម្រាប់ឆ្នាំ ២០២១ -២០២២ មានចំនួន ៥៧៤ នាក់ ក្នុងនោះបេក្ខនារីចំនួន ៣៣១ នាក់ ដោយចែកចេញជាពីរមណ្ឌល គឺមណ្ឌលវិទ្យាល័យ ហ៊ុន សែន ក្រុងទេពនិមិ្មតប៉ៃលិន(លិច) មានបេក្ខជន បេក្ខនារី ចំនួន ២០៧ នាក់ ស្រី ១២៣ នាក់ ចែកជា ០៩ បន្ទប់ និងមណ្ឌលវិទ្យាល័យ ហ៊ុន សែន ក្រុងទេពនិមិ្មតប៉ៃលិន(កើត) មានបេក្ខជន បេក្ខនារី ចំនួន ៣៦៧ នាក់ ស្រី ២០៨ នាក់ ចែកជា ១៥ បន្ទប់ ផងដែរ។
សូមបញ្ជាក់ថា ការប្រឡងឆ្នាំនេះ បេក្ខជន បេក្ខនារីទាំងអស់ ត្រូវពាក់ម៉ាស និងបង្ហាញកាតចាក់វ៉ាក់សាំងការពារជំងឺកូវីដ-១៩ ទើបអនុញ្ញាតឲ្យចូលប្រឡង។ ជាពិសេសមានគ្រូអនុរក្ស ចាំឆែកឆេរលើដងខ្លួនបេក្ខជនប្រឡង មុននឹងឲ្យចូលក្នុងបន្ទប់ប្រឡង សំដៅធានាថា បេក្ខជនបេក្ខនារីទាំងអស់ មិនមានឱកាសបានយកសំណៅឯកសារ ព្រីយ៉ុង ឬម៉ាស៊ីនគិតលេខ ទូរស័ព្ទ ចូលក្នុងបន្ទប់ប្រឡងបានដាច់ខាត។ ដោយឡែកនៅក្រៅបរិវេណមណ្ឌលប្រឡង គេឃើញមានក្រុមស.ស.យ.ក ខេត្ត បានជួយរៀបចំកន្លែងផ្ញើម៉ូតូ ដោយមិនគិតថ្លៃ និងមានកងកម្លាំងនគរបាល អាវុធហត្ថ ក្រុមគ្រូពេទ្យ ក៏មានវត្តមាននៅមណ្ឌលប្រឡងថែមទៀតផង៕
អត្ថបទ ៖ សេង សុវណ្ណារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង