ព័ត៌មានជាតិ
៦ថ្ងៃ នៃយុទ្ធនាការធ្វើអត្តសញ្ញាណប័ណ្ណ ជូនពលរដ្ឋនៅភ្នំពេញតាមភូមិ និងតាមខ្នងផ្ទះបានជាង ៥ពាន់នាក់ហើយ
ត្រឹមរយៈពេលតែ ៦ថ្ងៃប៉ុណ្ណោះ កម្លាំងនគរបាលរាជធានីភ្នំពេញ បានចុះធ្វើអត្តសញ្ញាណប័ណ្ណ ជូនប្រជាពលរដ្ឋតាមភូមិ និងតាមខ្នងផ្ទះរបស់ពួកគាត់ បានជាង ៥ពាន់នាក់ហើយ។ ក្នុងនោះ ប្រជាពលរដ្ឋ បានសម្ដែងការគាំទ្រ និងកោតសរសើរជាខ្លាំង ចំពោះយុទ្ធនាការដ៏មានសារៈសំខាន់នេះ។
លោកវរសេនីយ៍ឯក សាន សុខសីហា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ មានប្រសាសន៍ប្រាប់កម្ពុជាថ្មី នៅថ្ងៃទី ៧ ខែធ្នូនេះថា រយៈពេល ៦ថ្ងៃ នៃយុទ្ធនាការចុះធ្វើអត្តសញ្ញាណប័ណ្ណដល់តាមភូមិ និងតាមខ្នងផ្ទះរបស់ប្រជាពលរដ្ឋ នៅទូទាំងរាជធានីភ្នំពេញ គឺធ្វើបានចំនួន ៥,៦៧៨នាក់ហើយ ចាប់ពីថ្ងៃទី ១ ដល់ថ្ងៃទី ៦ ខែធ្នូ។
លោកបន្តថា ពីមួយថ្ងៃទៅមួយថ្ងៃ ការធ្វើអត្តសញ្ញាណប័ណ្ណ ជូនប្រជាពលរដ្ឋនៅរាជធានីភ្នំពេញ មានការកើនឡើងជាបន្តបន្ទាប់ ហើយមន្ត្រីនគរបាលពាក់ព័ន្ធ ក៏បានខិតខំបំពេញភារកិច្ចរបស់ខ្លួនយ៉ាងយកចិត្តទុកដាក់ផងដែរ។
លោកវរសេនីយ៍ឯក សាន សុខសីហា បានឲ្យដឹងយ៉ាងដូច្នេះថា «យើងឃើញថា ទាំងមន្ត្រីគ្រប់ផ្នែកពាក់ព័ន្ធទាំងអស់ គឺគាត់មានការខិតខំប្រឹងប្រែងខ្លាំងមែនទែន ហើយចំណែកឯបងប្អូនប្រជាពលរដ្ឋវិញ គឺគាត់បង្ហាញអារម្មណ៍ និងទឹកចិត្តរីករាយខ្លាំង ដោយសារតែកម្លាំងយើងផ្ដល់សេវា ដល់តាមភូមិ និងដល់តាមខ្នងផ្ទះតែម្ដង ចឹងគាត់រំភើបរីករាយខ្លាំងមែនទែន ដោយសារគាត់ចំណេញពេលវេលា និយាយរួមទៅ គាត់អាចមកធ្វើម៉ោង ចន្លោះម៉ោងគាត់អត់ធ្វើការ ម៉ោងសម្រាកថ្ងៃត្រង់ ជាពិសេសពេលយប់តែម្ដង»។
អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានលើកឡើងទៀតថា យុទ្ធនាការចុះធ្វើអត្តសញ្ញាណប័ណ្ណដល់តាមភូមិ និងតាមខ្នងផ្ទះនេះ ទទួលបានការគាំទ្រ និងការកោតសរសើរជាខ្លាំងពីសំណាក់ប្រជាពលរដ្ឋ រស់នៅទាំង ១៤ខណ្ឌ ក្នុងរាជធានីភ្នំពេញ។
សូមជម្រាបថា លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ កាលពីថ្ងៃទី ៣០ ខែវិច្ឆិកា ឆ្នាំ ២០២២ បានណែនាំដល់ការិយាល័យអត្តសញ្ញាណប័ណ្ណសញ្ជាតិខ្មែរ និងអធិការដ្ឋាននគរបាលខណ្ឌទាំង ១៤ ព្រមទាំងប៉ុស្តិ៍នគរបាលរដ្ឋបាលទាំង ១០៥ ត្រូវចាប់ផ្ដើមចុះរៀបចំ និងចុះធ្វើអត្តសញ្ញាណប័ណ្ណសញ្ជាតិខ្មែរ ដល់តាមភូមិ និងតាមខ្នងផ្ទះរបស់ប្រជាពលរដ្ឋ។
លោកឧត្តមសេនីយ៍ឯក ស ថេត បានបន្ថែមថា ក្នុងករណីមានប្រជាពលរដ្ឋសួរនាំអំពីផ្សេងៗ មន្ត្រីពាក់ព័ន្ធត្រូវមានការបញ្ជាក់ហេតុផលឲ្យបានច្បាស់លាស់ និងសមរម្យជាមួយប្រជាពលរដ្ឋ ហើយមន្ត្រីត្រូវណែនាំប្រជាពលរដ្ឋឲ្យបានយល់ច្បាស់ ដោយនៅពេលគាត់សុំកែអក្សរឡាតាំង ថ្ងៃខែឆ្នាំកំណើត គឺត្រូវផ្តោតសំខាន់លើសំបុត្រកំណើត មិនមែនកែតាមការចង់នោះទេ។ ចំពោះការធ្វើអត្តសញ្ញាណប័ណ្ណ នេះត្រូវការពេលវេលារយ:ពេល ៤៥ថ្ងៃ គិតចាប់ពីថ្ងៃបំពេញឯកសារ និងថតរូប៕
អត្ថបទ៖ ឃួន សុភ័ក្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ