Connect with us

ព័ត៌មានជាតិ

រដ្ឋមន្ត្រីល្បីឈ្មោះ៣រូប នឹងមានវត្តមានក្នុង ពិព័រណ៍សៀវភៅថ្នាក់ជាតិ លើកទី៩ ថ្ងៃទី៩ ធ្នូនេះ

បានផុស

នៅ

គណៈកម្មការរៀបចំពិព័រណ៍សៀវភៅថ្នាក់ជាតិ លើកទី៩ ឆ្នាំ២០២២ បានឱ្យដឹងនៅថ្ងៃទី៧ ខែធ្នូ ឆ្នាំ២០២២នេះថា រដ្ឋមន្ត្រីល្បីឈ្មោះ៣រូប ដែលនឹងមានវត្តមានក្នុង ពិធីសម្ពោធបើកកម្មវិធី ពិព័រណ៍សៀវភៅថ្នាក់ជាតិ លើកទី៩ នៅថ្ងៃទី៩ ខែធ្នូ ឆ្នាំ២០២២នេះ។ រដ្ឋមន្ត្រីទាំង ៣រូប មានដូចជា៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ

បណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំយុវជន និងកីឡា

និង ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន

សម្ពោធបើកកម្មវិធី ពិព័រណ៍សៀវភៅថ្នាក់ជាតិ លើកទី៩ នេះ មានប្រធានបទ “មួយថ្ងៃអាន មួយថ្ងៃដឹង” ដែលនឹងប្រព្រឹត្តទៅចាប់ពីវេលា ម៉ោង ៨ ព្រឹក នៅ “បណ្ណាល័យជាតិកម្ពុជា” ផ្លូវលេខ៩២ សង្កាត់វត្តភ្នំ ខណ្ឌដូនពេញ រាជធានីភ្នំពេញ (ខាងលិចវត្តភ្នំ)។ ពិព័រណ៍សៀវភៅកម្ពុជា បើកជូនសាធារណជនចូលទស្សនាដោយសេរី ដែលនឹងប្រព្រឹត្តទៅរយៈពេលបីថ្ងៃពេញ ចាប់ពីថ្ងៃសុក្រ ទី៩ ដល់ ថ្ងៃអាទិត្យ ទី១១ ខែធ្នូ ឆ្នាំ២០២២ វេលាម៉ោង ៧ព្រឹក ដល់ ៧យប់។

ពិព័រណ៍សៀវភៅថ្នាក់ជាតិ លើកទី៩ ឆ្នាំ២០២២នេះ ធ្វើឡើងក្នុងគោលបំណងផ្សព្វផ្សាយនូវវប្បធម៌នៃការអានសៀវភៅក្នុងសង្គមខ្មែរ ជាពិសេស យុវជន និងយុវនារីខ្មែរ ដែលជាធនធានមនុស្សដ៏សំខាន់, ផ្សព្វផ្សាយសៀវភៅនានាដែលបានបោះពុម្ភផ្សាយ, បង្កើនវិធីនិទានរឿង និងសៀវភៅរឿងសម្រាប់កុមារ ដើម្បីបណ្តុះឱ្យកុមារស្រលាញ់ការអាន, លើកទឹកចិត្តអ្នកនិពន្ធឱ្យបន្តបញ្ចេញស្នាដៃថ្មីៗជាបន្ត។

នៅឆ្នាំនេះមានការចូលរួមតាំងពិព័រណ៍ច្រើន រហូតដល់ទៅ ១៩៧ស្តង់ ហើយមានការរំពឹងទុកថា មានការចូលរួមពីសាធារណជនជាង ១០ម៉ឺននាក់។ ពិព័រណ៍សៀវភៅកម្ពុជាលើកទី៩ នៅឆ្នាំនេះ មិនមែនមានត្រឹមតែស្តង់លក់សៀវភៅតែមួយប៉ុណ្ណោះនោះទេ ប៉ុន្តែនឹងមានសកម្មភាពសប្បាយនានា ដូចជាការប្រគុំតន្រី្ត ជាមួយនឹងការលេងហ្គេមឈ្នះរង្វាន់ជាច្រើន។

គួរបញ្ជាក់ថា កម្មវិធីពិព័រណ៍សៀវភៅកម្ពុជា បានត្រលប់មកវិញជាផ្លូវការ បន្ទាប់ពីខកខានធ្វើរហូតដល់ ២ឆ្នាំ ដោយសារបង្ការវិបត្តិកូវីដ-១៩៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១១ នាទី មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ២៨ នាទី មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ១ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ២ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ២ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម