Connect with us

ព័ត៌មានជាតិ

មន្រ្តី​សុខាភិបាល​ប្រាប់សញ្ញា​សង្ស័យ ក្រោយ​ព្រះសង្ឃច្រើន​អង្គ​ចេញ​រមាស់ពេញ​ស្បែក

បានផុស

នៅ

មន្រ្តី​សុខាភិបាល​ប្រាប់ពី​ការ​សង្ស័យ​ក្រោយ​ព្រះសង្ឃជាច្រើនអង្គ​គង់នៅ​វត្ត ខ្នាចរមាស ស្រុកបវេល ចេញ​រមាស់​លើស្បែក​​ត្រូវ​បាន​បញ្ជូន​ទៅ​ជួយ​សង្រ្គោះនៅមន្ទីរពេទ្យ។

ជុំវិញករណីខាងលើមន្ត្រីនៃមន្ទីរពេទ្យបង្អែកស្រុកថ្មគោលបានឲ្យដឹងថា គ្រូពេទ្យបានបញ្ជូនសំណាកទៅមន្ទីរពេទ្យភ្នំពេញរួចរាល់ហើយដើម្បីពិនិត្យឲ្យបានជាក់លាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា​មិញ តាម​ការ​វាយ​តម្លៃ​បឋម​ករណី​នេះ​បង្កឡើងដោយកង្វះអនាម័យ ហើយអាជ្ញាធរស្រុកបានចុះណែនាំ​ដល់​​ព្រះសង្ឃគ្រប់គ្រងវត្តត្រូវពង្រឹងផ្នែកអាណាម័យឲ្យបានខ្ពស់ផងដែរ។

ព្រះសង្ឃជាច្រើនអង្គគង់នៅវត្ត ខ្នាចរមាស ស្រុកបវេល មានអាការះក្តៅព្រះកាយភ្ញាក់ផ្អើលដល់អាជ្ញាធរបានបញ្ជូន​មកសង្គ្រោះនៅមន្ទីរពេទ្យបង្អែកស្រុកថ្មគោល ហើយត្រូវបានក្រុមគ្រូពេទ្យជួយសង្រ្គោះជាសះស្បើយនិងបានស្ងប់ស្ងាត់មួយរយះ។

ក្រោយមកថ្មីៗនេះ ក៏ចាប់ផ្តើមមានរោគសញ្ញាឡើងរមាស់សើស្បែក ដែលមានសភាពធ្ងន់និងស្រាលជាច្រើនអង្គបន្តទៀតបង្កឲ្យមានការភ្ញាក់ផ្អើលដល់ពុទ្ធបរិស័ទ្ធក៏ដូចជាអាជ្ញាធរមូលដ្ឋានសាជាថ្មី។ ក្រុមគ្រូពេទ្យស្រុកបវេលបាន​ចុះជួយពិនិត្យនិងដាក់សេរ៉ូម ដើម្បីជំនួយកម្លាំងជាបឋមជាមួយការ​លាងសំអាតលើកន្លែងដែលរមាស់និងបានបញ្ជូនព្រះ​សង្ឃដែលមានសភាពធ្ងន់ធ្ងរមកពន្ទីរពេទ្យបង្អែកស្រុកថ្មគោលដើម្បីសង្គ្រោះបន្ត។

ព្រះសង្ឃដែលមានតួនាទីជាលេខាវត្ត ខ្នាចរមាស ព្រះនាម អុឹប ភារុណ បានមានសង្ឃដីការប្រាប់កម្ពុជាថ្មីតាមទូរស័ព្ទនៅថ្ងៃទី១២ ខែធ្នូនេះថា បច្ចុប្បន្នព្រះសង្ឃដែលមានសភាពស្រាលមានចំនួន ៣០អង្គនិង ១អង្គបានបញ្ជូនបន្ត​មក​មន្ទីរពេទ្យបង្អែកស្រុកថ្មគោល.ខណះដែលព្រះអង្គឡើងរមាស់ខ្លាំងតាមចន្លោះម្រាមជើងធ្ងន់ធ្ងរនិមន្តដើរមិនរួចមកដល់ពេលនេះបានធូរស្បើយខ្លះហើយ។

ព្រះសង្ឃអង្គខាងលើបន្តថា ការជួយសង្គ្រោះព្រះសង្ឃទាំង៣០អង្គនៅក្នុងវត្តគឺគ្រូពេទ្យជួយដាក់សេរ៉ូមជំនួយកម្លាំងនិងជាតិទឹក.ហើយក្រៅពីនេះក៏ជួយជំនួយការលាងរបួសនិងឆាន់ឱសថបុរាណ្យខ្មែរផងដែរឃើញថាបានធូរស្បើយជាបន្តបន្ទាប់ហើយដែរ។

យ៉ាងណាមិញ អាជ្ញាធរ​និង​មន្រ្តី​សុខាភិបាល​កំពុងតាមដានលើរោគសញ្ញាខាងលើនេះថាតើបង្កមកពីអ្វី៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម