ព័ត៌មានជាតិ
លោក ម៉ាក្រុង អះអាងថា នឹងជំរុញក្រុមហ៊ុនបារាំងមកពិនិត្យមើលឱកាសវិនិយោគបន្ថែមទៀតនៅកម្ពុជា
លោក អេម៉ានុយអែល ម៉ាក្រុង ប្រធានាធិបតីបារាំង អះអាងថា នឹងជំរុញក្រុមហ៊ុនបារាំងមកពិនិត្យមើល ឱកាសវិនិយោគបន្ថែមទៀតនៅក្នុងប្រទេសកម្ពុជា ខណៈបច្ចុប្បន្នមានក្រុមហ៊ុនបារាំងមួយចំនួនហើយ កំពុងធ្វើធុរកិច្ចនៅកម្ពុជា។
ការអះអាងនេះ គ្រាដែលសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានជួបពិភាក្សាការងារជាមួយលោក អេម៉ានុយអែល ម៉ាក្រុង ប្រធានាធិបតីបារាំង នៅឯវិមានរដ្ឋាភិបាលបារាំង អេលីហ្សេ កាលពីថ្ងៃទី ១៣ ខែធ្នូ ឆ្នាំ ២០២២។
លោកបណ្ឌិត កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី បានថ្លែងក្នុងសន្និសីទសារព័ត៌មាន នៅព្រឹកថ្ងៃទី ១៦ ខែធ្នូនេះថា ចំពោះដំណើរទស្សនកិច្ចរបស់សម្ដេចតេជោ នៅទីក្រុងប៉ារីស ប្រទេសបារាំងនាពេលថ្មីៗនេះ គឺដើម្បីជំរុញកិច្ចសហប្រតិបត្តិការទ្វេរភាគី ជាពិសេសទំនាក់ទំនង ក៏ដូចជាកិច្ចសហប្រតិបត្តិការទ្វេរភាគីរវាងកម្ពុជា និងបារាំង។
បើតាមលោកបណ្ឌិត កៅ គឹមហួន ជំនួបពិភាក្សាការងាររវាងសម្ដេចតេជោ ហ៊ុន សែន និងម៉ាក្រុង គឺធ្វើឡើងប្រកប ដោយភាពស្និតស្នាល ហើយជាលក្ខណៈប្រវត្តិសាស្រ្ដ អាចចាត់ទុកថា ជាការបើកទំព័រថ្មី នៃទំនាក់ទំនងកម្ពុជា-បារាំង។ ជំនួបនេះ ក៏អាចឆ្លុះបញ្ចាំងអំពីទំនាក់ទំនងរវាងប្រទេសទាំងពីរ ឡើងដល់កម្រិតមួយទៀត ដែលមិនធ្លាប់មានពីមុនមករវាងថ្នាក់ដឹកនាំកម្ពុជា-បារាំង។
លោក អេម៉ានុយអែល ម៉ាក្រុង ប្រធានាធិបតីបារាំង ក៏បានអះអាងនៅចំពោះមុខសម្ដេចតេជោថា លោកនឹងជំរុញក្រុមហ៊ុនបារាំង មកពិនិត្យមើលឱកាសវិនិយោគនៅកម្ពុជាបន្ថែមទៀត។ លោកបណ្ឌិត កៅ គឹមហួន បានបញ្ជាក់យ៉ាងដូច្នេះ ថា «នៅក្នុងឱកាសនោះ ប្រធានាធិបតីបារាំង បានមានប្រសាសន៍ថា លោកនឹងជំរុញឲ្យក្រុមហ៊ុនបារាំង មកពិនិត្យមើលឱកាសវិនិយោគបន្ថែមទៀត នៅព្រះរាជាណាចក្រកម្ពុជា ហើយបច្ចុប្បន្នយើងឃើញថា ក្រុមហ៊ុនបារាំងមួយចំនួនហើយ ដែលកំពុងតែមកបណ្ដាក់ទុន ធ្វើធុរកិច្ចនៅប្រទេសកម្ពុជារួចហើយ»។
គួររំលឹកថា ក្នុងសន្និសីទសារព័ត៌មានរួមគ្នា កាលពីថ្ងៃទី ១៣ ខែធ្នូ ឆ្នាំ ២០២២ នៅវិមានអេលីហ្សេ សម្តេចតេជោ ហ៊ុន សែន និងឯកឧត្តមប្រធានាធិបតីបារាំង បានគូសរំលេចឡើងវិញអំពីចំណងទំនាក់ទំនង និងកិច្ចសហប្រតិបត្តិការដ៏យូរ លង់រវាងប្រទេសទាំងពីរ។ ក្នុងនោះដែរ សម្តេចតេជោ ហ៊ុន សែន ក៏បានលើកសំណើឲ្យមានការជជែកគ្នាឡើងវិញ ក្នុងការកំណត់កាលបរិច្ឆេទឲ្យបានច្បាស់លាស់ នៃការបង្កើតទំនាក់ទំនងការទូតរវាងបារាំង និងកម្ពុជា៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង