Connect with us

ព័ត៌មានជាតិ

អេសស៊ីជី (SCG) ផ្ដល់អាហារូបករណ៍ដល់សិស្សវិទ្យាល័យ និងនិស្សិតសាកលវិទ្យាល័យ ២៧០នាក់

បានផុស

នៅ

អេសស៊ីជី (SCG) ដែលជាក្រុមហ៊ុនពហុសាជីវម្មឈានមុខគេនៅក្នុងតំបន់អាស៊ាន បានផ្ដល់អាហារូបករណ៍ដល់សិស្សវិទ្យាល័យ និងនិស្សិតសាកលវិទ្យាល័យចំនួន ២៧០ នាក់ ជាថ្មីម្ដងទៀត នៅក្នុងដំណើរការយុទ្ធនាការអាហារូបករណ៍ “ចែករំលែកក្ដីសុបិន” របស់ខ្លួន ដែលធ្វើឲ្យចំនួន សិស្ស និងនិស្សិតទទួលអាហារូបករណ៍ពីកម្មវិធីរបស់ក្រុមហ៊ុន កើនឡើងដល់ជាង ១៥០០ នាក់ ក្រោយពេលអនុវត្តអស់រយៈពេល ៩ ឆ្នាំមកនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឆ្នាំនេះ អេសស៊ីជី ផ្ដល់កញ្ចប់អាហារូបករណ៍ចំនួន ២៧០ នាក់ ដែលក្នុងនោះ ២៥០ នាក់ជាសិស្សវិទ្យាល័យ ចំណែកឯ ២០ នាក់ផ្សេងទៀត ជានិស្សិត ដែលកំពុងបន្តការសិក្សារបស់ខ្លួននៅ សាកលវិទ្យាល័យនានា។

លោក រ៉ាត់ឆាយុទ្ធ កាសេមឆៃសិរី (Ratchayut Kasemchaisiri)អគ្គនាយកក្រុមហ៊ុន អេសស៊ីជី កម្ពុជា មានប្រសាសន៍ថា ការអប់រំត្រូវបានចាត់ទុកថាជាគោលដៅមួយក្នុងចំណោម គោលដៅធំបីនៃការងារទំនួលខុសត្រូវសង្គមពីក្រុមហ៊ុន អេសស៊ីជី ដែលការងារគោលដៅពីរផ្សេងទៀតរួមមាន ការថែទាំសុខភាព &សុខុមាលភាព និងបរិស្ថាន។

លោក រ៉ាត់ឆាយុទ្ធ កាសេមឆៃសិរី (Ratchayut Kasemchaisiri) មានប្រសាសន៍ថា៖ “ក្រុមហ៊ុន អេសស៊ីជី មានការប្ដេជ្ញាចិត្តក្នុងការបង្កើនគុណភាពជីវិតរបស់ប្រជាពលរដ្ឋនៅក្នុងប្រទេសដែលយើងធ្វើប្រតិបត្តិការ ហើយការគាំទ្រដល់វិស័យអប់រំ គឺជាការងារសំខាន់មួយដើម្បីសម្រេចតាមវត្ថុបំណងមួយនេះ ។ ដូច្នេះ យើងជឿថា ការគាំទ្រផ្នែកហិរញ្ញវត្ថុសម្រាប់សិស្ស និងនិស្សិតអាហារូបករណ៍ទាំងអស់នេះ នឹងធ្វើឲ្យពួកគេមានអារម្មណ៍ស្ងប់ និងអាចផ្ដោតអារម្មណ៍លើការបន្តការសិក្សារបស់ខ្លួន ដោយពុំចាំបាច់បារម្ភពីសម្ពាធហិរញ្ញវត្ថុឡើយ។ យើងសង្ឃឹមថា តាមរយៈដំណើរការយុទ្ធនាការអាហារូបករណ៍ “ចែករំលែកក្ដីសុបិន” នេះសិស្ស និងនិស្សិតនឹងអាចសម្រេចក្ដីសុបិនរបស់ខ្លួនទៅថ្ងៃអនាគត” ។

ពិធីប្រគល់អាហារូបករណ៍ មានការចូលរួមជាអធិបតី ដោយអនុរដ្ឋលេខាធិការក្រសួងអប់រំ យុវជន និងកីឡា ឯកឧត្តម សោម រតនា និងឯកអគ្គរាជទូតព្រះរាជាណាចក្រថៃប្រចាំព្រះរាជាណាចក្រកម្ពុជា ឯកឧត្តម ឈើដគៀត អត្ថកន ។

ឯកឧត្តម សោម រតនា មានប្រសាសន៍ថា បណ្ដាក្រុមហ៊ុនឯកជន មានដូចជា អេសស៊ីជី ជាដើម សុទ្ធតែដើរតួនាទីសំខាន់នៅក្នុងការជួយគាំទ្រដល់ការងាររបស់រាជរដ្ឋាភិបាលលើវិស័យអប់រំនៅក្នុងប្រទេស ។ ឯកឧត្តម សោម រតនា បន្តថា៖ “ការផ្ដល់អាហារូបករណ៍ដល់ប្អូនៗដើម្បីសម្រេចក្ដីសុបិន គឺជារឿងសំខាន់ណាស់ ដោយសារថា អ្នកខ្លះ គាត់មានក្ដីសុបិន ប៉ុន្តែគាត់ខ្វះមធ្យោបាយ នៅក្នុងការឈានទៅដល់ក្ដីសុបិននោះ ។ ដូច្នេះហើយ បានជា ការជួយគ្នាឲ្យសម្រេចក្ដីសុបិន គឺជារឿងដែលសំខាន់សម្រាប់យើងទាំងអស់គ្នា” ។

ឯកអគ្គរាជទូតប្រទេសថៃប្រចាំកម្ពុជា ឯកឧត្តម ឈើដគៀត អត្ថកន មានប្រសាសន៍ថា ក្នុងប្រទេសមួយ ដូចជាប្រទេសកម្ពុជាជាដើម ពុំមានអ្វីដែលប្រសើរជាងយុវជនជំនាន់ក្រោយ ដែលមានភាពខ្លាំង និងមានសក្ដានុពលនោះទេ ។

ឯកឧត្តម ឈើដគៀត អត្ថកនមានប្រសាសន៍ថា៖ “ការអប់រំ មិនត្រឹមតែជាការបើកទ្វាឲ្យមានឱកាសសម្រាប់បុគ្គលផ្សេងៗប៉ុណ្ណោះទេ ប៉ុន្តែ ក៏ជួយទ្រទ្រង់ដល់សន្តិភាព និងវិបុលភាពនៅក្នុងប្រទេសផងដែរ ។ កម្ពុជាមានយុវជនយ៉ាងច្រើន ដែលមានទេពកោសល្យ និងសក្ដានុពល ដែលទាមទារឲ្យមានការបណ្ដុះបណ្ដាលថែទាំ ហើយក្លាយជាកម្លាំងចលករសម្រាប់អនាគតរបស់កម្ពុជាទៅថ្ងៃអនាគត”។

ប្អូនប្រុស ខុម កែវ ជានិស្សិតផ្នែកវេជ្ជបណ្ឌិតឆ្នាំទី ៤ ដែលទទួលអាហារូបករណ៍ពីអេសស៊ីជី បានបង្ហាញពីក្ដីសប្បាយរីករាយរបស់ខ្លួន ក្រោយទទួលបានការគាំទ្រអាហារូបករណ៍នេះ។ ប្អូនប្រុសបាននិយាយថា៖ “កម្មវិធីនេះសម្រាប់ខ្ញុំគឺរំភើបខ្លាំង ដោយសារតែទីមួយ គាត់បានចូលរួមចំណែកជួយសិស្សថ្នាក់វិទ្យាល័យដែលមានជីវភាពខ្វះខាតមួយតង់ ។ អ៊ីចឹង តង់ទីពីរ គាត់មិនបោះបង់ទេ គាត់ជួយវិទ្យាល័យហើយ គាត់បន្តជួយជ្រោមជ្រែងដល់ថ្នាក់សាកលវិទ្យាល័យបន្ថែមទៀត អ៊ីចឹង វាធ្វើឲ្យអ្នកដែលមានក្ដីស្រមៃ មានក្ដីសុបិន តែខ្វះលទ្ធភាព គាត់អាចបន្តការសិក្សា បន្តក្ដីស្រមៃរបស់គាត់ និងផ្លាស់ប្ដូរស្ថានភាពជីវិតគាត់នាពេលអនាគតបាន” ។

ដំណើរការយុទ្ធនាការអាហារូបករណ៍ “ចែករំលែកក្ដីសុបិន” របស់ក្រុមហ៊ុន អេសស៊ីជី ត្រូវបានដាក់ឲ្យដំណើរការនៅឆ្នាំ ២០១៤ ហើយកម្មវិធីនេះបានផ្ដល់អាហារូបករណ៍ ដល់សិស្សនិស្សិត ដែលរៀនពូកែ មានឆន្ទៈក្នុងការបន្តការអប់រំនៅថ្នាក់ឧត្តមសិក្សា និងត្រូវការជំនួយហិរញ្ញវត្ថុដើម្បីសម្រេចក្ដីសុបិនរបស់ខ្លួន ហើយចេះយកចិត្តទុកដាក់ចំពោះសហគមន៍ និងគោរពចំពោះឪពុកម្ដាយ និងចាស់ព្រឹទ្ធាចារ្យ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៦ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៦ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៧ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៧ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម