ព័ត៌មានជាតិ
ឆ្នាំនេះ ខេត្តកោះកុង មានសិស្សប្រឡងបាក់ឌុបជាប់និទ្ទេស A ចំនួន ៥នាក់
លទ្ធផលប្រឡងសញ្ញាបត្រមធ្យមសិក្សាទុតិយភូមិ នៅខេត្តកោះកុង ឆ្នាំ ២០២២នេះ បង្ហាញថា ខេត្តកោះកុង មានសិស្សប្រឡងជាប់និទ្ទេស A ចំនួន ៥នាក់ បើធៀបនឹងឆ្នាំ ២០២១ កើនឡើងបានម្នាក់។ កិច្ចប្រឹងប្រែងរបស់សិស្ស ត្រូវបានលោកស្រីអភិបាលខេត្តកោះកុង សម្តែងការកោតសរសើរពីធនធានមនុស្សលើវិស័យអប់រំ។
មិនខុសពីបណ្តាខេត្តផ្សេងៗទៀត ខេត្តកោះកុង ត្រូវបានក្រសួងអប់រំ យុវជន និងកីឡា ប្រកាសបង្ហាញផងដែរពីលទ្ធផលប្រឡងសញ្ញាបត្រមធ្យមសិក្សាទុតិយភូមិ ដោយលទ្ធផលនោះបញ្ជាក់ថា ខេត្តកោះកុង មានចំនួនសិស្សប្រឡងជាប់សរុបមាន ៥៧២នាក់/ស្រី ៣៣៦នាក់ ក្នុងចំណោមបញ្ជីឈ្មោះសិស្ស ១.០៥៨នាក់ ដែលមានសិទ្ធិប្រឡងកន្លងទៅ។
លោក ង៉ែត ឡឹង ប្រធានមន្ទីរអប់រំ យុវជន និងកីឡាខេត្តកោះកុង នៅថ្ងៃទី ២៣ ខែធ្នូនេះ យល់ថា អត្រាសិស្សប្រឡងជាប់ឆ្នាំនេះ បានកើនឡើងជាប់ជិត ៦០ភាគរយ បើធៀបនឹងឆ្នាំកន្លងបានត្រឹមតែ៤០.៥៦ភាគរយប៉ុណ្ណោះ។ អ្វីដែលគួរឲ្យរីករាយទៀតនោះ គឺសិស្សនិទ្ទេសមានចំនួន ៥រូប/ស្រី ១រូប ខណៈចំនួននេះកើនឡើងផងដែរ។
ថ្លែងក្រោយកាត់លិខិតលទ្ធផលប្រឡង លោកស្រី មិថុនា ភូថង អភិបាលខេត្តកោះកុង វាយតម្លៃខ្ពស់ពីចំពោះសិស្សានុ សិស្សទូទាំងខេត្ត ដែលបានយកអស់កម្លាំងកាយចិត្តខិតខំយកចិត្តទុកសិក្សារៀនសូត្ររហូតដល់បានលទ្ធផលល្អប្រសើរគួរជាទីគាប់ប្រសើរខ្លួនឯង និងក្រុមគ្រួសាររបស់ពួកគេ។
ភាពជោគជ័យលើវិស័យអប់រំរបស់សិស្សានុសិស្សនៅពេលនេះ ត្រូវបានលោកអភិបាលខេត្ត មានសង្ឃឹមថា ខេត្តកោះកុងនឹងទទួលបានការអភិវឌ្ឍន៍រីកចម្រើន ចំពោះគុណភាពអប់រំសិក្សាថ្នាក់កម្រិតមធ្យមសិក្សា រីឯសង្គមជាតិកាន់តែមានធនធានមនុស្សខ្លាំងពូកែបម្រើប្រទេស ផងដែរ។
១ឆ្នាំៗលោកស្រី មិថុនា ភូថង បានចំណាយថវិកាផ្ទាល់ខ្លួនជិត ១ម៉ឺនដុល្លារសម្រាប់ផ្តល់វគ្គរៀនបំប៉នដល់សិស្សានុ សិស្សត្រៀមប្រឡងសញ្ញាបត្រមធ្យមសិក្សាទុតិយភូមិ ក្នុងន័យលើកកម្ពស់វិស័យអប់រំនៅក្នុងខេត្តកោះកុងកាន់តែរឹងមាំ តបតាមគោលនយោបាយអប់រំរបស់រាជរដ្ឋាភិបាលកម្ពុជា។
លោកស្រីអភិបាលខេត្តកោះកុង មិនទាន់កំណត់ពេលវេលា ដែលនឹងត្រូវជួបសំណេះសំណាលជាមួយសិស្សប្រឡងជាប់និទ្ទេស A ទាំង ៥នាក់ខាងលើនេះ។ អំឡុងពេលថ្ងៃប្រឡង លោកស្រី មិថុនា ភូថង បានសន្យាថា «ក្នុងនាមថ្នាក់ដឹកនាំខេត្ត នឹងឧបត្ថម្ភថវិកា ៤លានរៀល និងកុំព្យូទ័រយួរដៃ ១គ្រឿងបន្ថែមទៀត ប្រសិនក្មួយៗ ប្រឡងបាននិទ្ទេស A។ មួយវិញទៀតអាចទទួលបានអាហារូបករណ៍ពីសកលវិទ្យាល័យផ្សេងទៀត ផងដែរ»៕
អត្តបទ៖ សិរីវឌ្ឍនៈ
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១៥ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានអន្ដរជាតិ១១ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៧ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ