Connect with us

ព័ត៌មានជាតិ

រដ្ឋបាលខេត្តសៀមរាប បង្កើតកម្មវិធីជាច្រើនទទួលភ្ញៀវទេសចរ​កម្សាន្តថ្ងៃឆ្លងឆ្នាំសកល

បានផុស

នៅ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សៀមរាប៖ លោក លី វណ្ណៈ នាយករដ្ឋបាលខេត្តសៀមរាប បានឲ្យដឹងនៅចុងសប្តាហ៍នេះថា ដើម្បីអបអរ​សាទរពិធីបុណ្យឆ្លងឆ្នាំ និង ចូលឆ្នាំសកលឆ្នាំ២០២៣ ខាងមុខនេះ  រដ្ឋបាលខេត្តសៀមរាប បានសហការ​ជាមួយសហភាព​សហព័ន្ធយុវជនកម្ពុជាខេត្តសៀមរាប និង មន្ទីរអង្គរភាពពាក់ព័ន្ធនានា រៀបចំកម្មវិធីកម្សាន្ត​សប្បាយជាច្រើន សម្រាប់ទទួលស្វាគមន៍ភ្ញៀវទេសចរមកកម្សាន្តសប្បាយនៅខេត្តសៀមរាប ដូចជា កម្មវិធីជិះ​ទូកកម្សាន្តតាមដងស្ទឹងប្រវត្តិសាស្ត្រសៀមរាប ការតាំងពិព័រណ៍ កម្មវិធីផ្សារទឹក កម្មវិធីប្រគុំតន្ត្រីនៅសួនព្រះរាជដំណាក់ និង នៅតំបន់ផាប់ស្ត្រីត  តន្ត្រីស្គរដៃ មានរៀបចំភ្លើងលម្អតាមដងស្ទឹង និងតាមស្ពាន ចាប់ពីស្ពានមន្ទីរទេសចរណ៍ចាស់ ដល់ស្ពានថ្មវត្តដំណាក់ និងមានរៀបចំអនាម័យ សណ្តាប់ធ្នាប់ចរាចរណ៍ផងដែរ។

ក្នុងកម្មវិធីទាំងនេះ នឹងចាប់ផ្តើមលេងកម្សាន្តពីថ្ងៃទី២៥ ខែធ្នូ ឆ្នាំ២០២២ ដល់ថ្ងៃទី១ ខែមករាឆ្នាំ២០២៣ ។  លោក លី វណ្ណៈ បានបន្តទៀតថា ការរៀបចំរហូតមកដល់ថ្ងៃនេះសម្រេចបាន ៣០ ទៅ៤០%ហើយ ហើយទាំងនេះ​ក៏ដោយសារ​ស្ថានភាពជំងឺកូវីដ ១៩ មានភាពធូរស្រាល ក្រោយពេលប្រមុខរាជរដ្ឋាភិបាលកម្ពុជា បានធ្វើការចាក់​ស្រោចវ៉ាក់​សាំងជូន​ប្រជាពលរដ្ឋ ដោយឥតគិតថ្លៃ និងមិនប្រកាន់និន្នាការនយោបាយ ពូជសាសន៍អ្វីនោះឡើយ ព្រមទាំងការ​បើកប្រទេស​ឡើងវិញផងដែរ។

លោកក៏បានរំពឹងថា នៅក្នុងឱកាសឆ្លងឆ្នាំសកល២០២២ ចូល២០២៣នេះ ខេត្តសៀមរាប នឹងទទួលបានភ្ញៀវទេសចរ​ជាច្រើន ជាពិសេសភ្ញៀវទេសចរក្នុងស្រុក។

ជាមួយគ្នានេះ លោក ហ្វី លិបកៅ ប្រធានសមាគមក្លឹបទេសចរណ៍សៀមរាប បានឲ្យដឹងដែរថា ឆ្នាំនេះ រដ្ឋបាលខេត្ត​សៀមរាប បានតុបតែងលម្អក្រុងបានល្អណាស់ សម្រាប់ទាក់ទាញភ្ញៀវទេសចរ ឲ្យចូលមកកម្សាន្តនៅ​ក្នុងខេត្តសៀម​រាប។ ប៉ុន្តែលោកមើលឃើញថា សន្ទុះនៃការកក់បន្ទប់ស្នាក់នៅហាក់នៅមិនទាន់មានច្រើននៅឡើយទេ។ ម៉្យាងទៀត​បន្ទាប់ពីស្ថានភាពកូវិដមានការធូរស្រាល យើងទើបតែទទួលបានភ្ញៀវទេសចរមកកម្សាន្តនៅ​ខេត្តសៀមរាបនេះ​វិញបាន​ប្រមាណជា ៣០%ប៉ុណ្ណោះ ។ ទោះជាយ៉ាងនេះក្តីលោកគិតថា ភ្ញៀវទេសចរក្នុងស្រុក​ភាគច្រើន ពួកគាត់មិនសូវ​ចូលចិត្តកក់​បន្ទប់ស្នាក់នៅមុនទេ ពួកគាត់មកដល់ទើបជួលបន្ទប់ស្នាក់នៅតែម្តង ។ ដូច្នេះយើងក៏រងចាំ​មើលសន្ទុះ​ភ្ញៀវទេសចរ​នៅថ្ងៃឆ្លងឆ្នាំតែម្តង។ នេះជាការបន្ថែមរបស់លោក ហ្វី លិបកៅ៕ គឿន វេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២១ នាទី មុន

លោក​បណ្ឌិត លី ធុជ ដឹកនាំ​កិច្ចប្រជុំ​តាម​ប្រព័ន្ធ​អន​ឡាញ ដើម្បី​ជំរុញ​កិច្ចសហប្រតិបត្តិការ និង​ពង្រឹង​អនុលោមភាព​នៃ​អនុសញ្ញា​អូ​តា​វ៉ា​ក្នុងចំណោម​រដ្ឋ​ភាគី​

ព័ត៌មានជាតិ៣៣ នាទី មុន

កុំ​ភ្លេច​ត្រៀម CV! ស្អែក​នេះ ឱកាស​ការងារ​ថ្មី​បន្ថែមទៀត​ជិត ៥០០ កន្លែង​ក្នុង​វេទិកា​ការងារ​របស់ NEA

ព័ត៌មានជាតិ៥៦ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​ស្តីពី​សុវត្ថិភាព​អគ្គិភ័យ​នៅតាម​សហគ្រាស គ្រឹះស្ថាន

ព័ត៌មានជាតិ៤ ម៉ោង មុន

រដ្ឋមន្ត្រីពាណិជ្ជកម្មកូរ៉េ សរសើរថាកម្ពុជារីកចម្រើនឆាប់រហ័ស និងបង្ហាញបំណងពង្រីក បណ្តាក់ទុនវិនិយោគបន្ថែម

បច្ចេកវិទ្យា៤ ម៉ោង មុន

អ្នកជំនាញនិយាយថា “យុគមាសរបស់ Apple នៅក្នុងប្រទេសចិនបានបញ្ចប់ហើយ”

Sokha Hotels

ព័ត៌មានពេញនិយម