ព័ត៌មានជាតិ
មិនចប់ត្រឹមហ្នឹងទេ! អធិការរង់ចាំពាក្យបណ្តឹង ករណីហិង្សាលើជនរងគ្រោះរហូតដល់ដេកពេទ្យ
លោក ភី ឆុន អធិការនគរបាលស្រុកសំរោង បានថ្លែងនៅព្រឹកថ្ងៃទី០៨ ខែមករា ឆ្នាំ២០២១ថា ពេលនេះសមត្ថកិច្ចកំពុងរង់ចាំពាក្យបណ្តឹងរបស់ក្រុមគ្រួសាររងគ្រោះ ដែលបានចោទប្រកាន់ថា មន្ត្រីជលផលបានវាយដំរហូតដល់ក្បែរស្លាប់ ហើយកំពុងសង្គ្រោះបន្ទាន់នៅមន្ទីរពេទ្យកាល់ម៉ែត្រនោះ។
លោកអធិការបានបញ្ជាក់ថា សមត្ថកិច្ចរង់ចាំតែពាក្យបណ្តឹងរបស់គ្រួសារជនរងគ្រោះប៉ុណ្ណោះ ហើយនៅពេលដាក់ពាក្យបណ្តឹងភ្លាម សមត្ថកិច្ចនឹងចុះធ្វើការស៊ើបអង្កេតតែម្តង។
គួរបញ្ជាក់ថា កាលពីយប់ថ្ងៃទី៦ ខែមករា មានបុរសម្នាក់ដែលមានអាយុ៤០ឆ្នាំ រស់នៅភូមិព្រៃផ្គាំ(គ) ស្រុកអង្គរបុរី បានរងរបួសធ្ងន់ក្នុងសភាពដូចត្រូវគេវាយដំ ដោយត្រូវបានមន្ត្រីជលផលបញ្ជូនយកទៅមន្ទីរពេទ្យបង្អែកខេត្តតាកែវ តែដោយសារស្ថានភាពធ្ងន់ធ្ងរពេក បុរសរូបនោះក៏ត្រូវបានក្រុមគ្រួសារបញ្ជូនបន្តទៅកាន់មន្ទីរពេទ្យកាល់ម៉ែត រាជធានីភ្នំពេញ។
តាមរយៈបងថ្លៃជនរងគ្រោះបានឲ្យដឹងថា ជនរងគ្រោះមានឈ្មោះ ភឹម វី អាយុ ៤០ ឆ្នាំ នៅយប់កើតហេតុនោះ ជនរងគ្រោះ រួមជាមួយអ្នកភូមិចំនួន២នាក់ទៀត បានចេញទៅឆក់ត្រីនៅចំណុចកោះអញ្ចាញ ស្ថិតនៅក្នុងឃុំទ្រា ស្រុកសំរោង, ហើយនៅពេលនោះ ក៏មានទូករបស់មន្ត្រីជលផល ដែលដឹកនាំដោយលោក គឹម សារិទ្ធ នាយរងអធិការកិច្ចចតុមុខ បានមកដល់ ពេលនោះអ្នកភូមិ២នាក់ទៀត ក៏បានរត់រួចដោយនៅសល់តែជនរងគ្រោះ ត្រូវបានគេចាប់យកទៅ ហើយក្រោយមកទើបមានគេទូរសព្ទឲ្យទៅមើលជនរងគ្រោះនៅមន្ទីរពេទ្យ ដោយស្ថានភាពជនរងគ្រោះធ្ងន់ធ្ងរដូចត្រូវគេវាយ។
យ៉ាងណាក៏ដោយ ចំពោះករណីនេះ បើតាមលោក គឹម សារិទ្ធ នាយរងអធិការកិច្ចចតុមុខថា នេះគឺជាករណីទូកបុកគ្នា។ លោកថា នៅយប់នោះ លោករួមជាមួយក្រុមការងារបានបើកទូកល្បាត ហើយក៏មានទូកមួយបានមកបុកទូករបស់លោក បន្ទាប់មកលោកក៏បត់ទូកត្រឡប់មកវិញ ដើម្បីសួរនាំ ហើយក៏ឃើញមនុស្ស២នាក់បានហែលទឹករត់ ដោយប្រហែលគេខ្លាចក្រុមលោកចាប់ ព្រោះគេប្រព្រឹត្តបទល្មើសនេសាទ បន្ទាប់មកលោកក៏ឃើញជនរងគ្រោះរងរបួស ហើយលោកក៏បានដឹកជនរងគ្រោះទៅកាន់មន្ទីរពេទ្យ ព្រមទាំងស្វែងរកគ្រួសារជនរងគ្រោះផងដែរ។ លោកនៅតែបញ្ជាក់ថា ករណីនេះ គឺជាគ្រោះថ្នាក់ចរាចរណ៍ មិនមែនជាករណីហិង្សានោះឡើយ។
សម្រាប់លោក សៅ កុសល នាយខណ្ឌរដ្ឋបាលជលផលខេត្តតាកែវ បានមានប្រសាសន៍ថា តាមរបាយការណ៍ដែលលោកទទួលបានករណីនេះ គឺជាករណីទូកបុកគ្នា តែប្រសិនបើមន្ត្រីរបស់លោកបានប្រើហិង្សាលើជនរងគ្រោះ ដូចការចោទប្រកាន់មែន លោកនឹងចាត់វិធានការតាមច្បាប់៕
អត្ថបទ៖ វីរៈ
សូមចុចអាន៖ បុរសម្នាក់ ត្រូវបានក្រុមមន្ត្រីជលផលវាយរហូត បញ្ជូនទៅសង្គ្រោះ នៅមន្ទីរពេទ្យកាល់ម៉ែត
ការវាយប្រហារនៅកាស្មៀរធ្វើឲ្យទំនាក់ទំនងឥណ្ឌា-ប៉ាគីស្ថានកាន់តែធ្លាក់ដុនដាបខ្លាំង
អូបាម៉ា បណ្ដើរភរិយាស្រស់ស្រូបអាហារបង្អួតភាពផ្អែមល្ហែម បញ្ចប់ភាពសង្ស័យបែកបាក់គ្នា
រានហាល និងបង្កាន់ដៃនាគទិសពាយ័ព្យប្រាសាទបន្ទាយសំរ៉ែ បានជួសជុលរួចរាល់
តារាហុងកុងនាង Gloria ក្រោយរៀបការខុស បាត់បង់អស់កេរ្តិ៍ឈ្មោះ និងអាជីពធ្លាប់ល្បីរន្ទឺ
វិស័យឯកជនបន្តលើកកម្ពស់ការប្រើប្រាស់ស្លាកសញ្ញាស្តង់ដារផលិតផលដើម្បីជំរុញការប្រកួតប្រជែង
ក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ
មិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
រុស្ស៊ីគំរាមម្តងទៀត! សង្គ្រាមលោកលើកទី៣ អាចផ្ទុះ បើណាតូ ហ៊ានបញ្ជូនទ័ពទៅ អ៊ុយក្រែន
បង្រ្កាបទីតាំងហាងយីហោ ត្នោត ផ្អែម ឃាត់ខ្លួនមនុស្សប្រុសស្រីច្រើននាក់ពាក់ព័ន្ធការបង្កប់សេវាកម្មផ្លូវភេទ
Breaking News៖ អគ្គិភ័យកំពុងឆេះរោងចក្រផលិតចានជ័រ ក្នុងឃុំក្រាំងធ្នង់ ស្រុកបាទី
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានជាតិ១ ថ្ងៃ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម១ ថ្ងៃ agoនគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ៦ ថ្ងៃ agoត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក
-
ព័ត៌មានអន្ដរជាតិ៧ ម៉ោង agoក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ