ព័ត៌មានជាតិ
តើរដ្ឋលេខាធិការក្រសួងការពារជាតិទាំង១៩រូប ទទួលបន្ទុកការងារអ្វីខ្លះក្នុងកិច្ចការពារជាតិ?
ក្រសួងការពារជាតិ គឺជាសេនាធិការរបស់រាជរដ្ឋាភិបាលសម្រាប់ការដឹកនាំ និងគ្រប់គ្រងលើកិច្ចការពារជាតិ បូរណភាពទឹកដី និងធានានូវឯករាជ្យភាពជាតិ។ សម្តេចពិជ័យសេនា ទៀ បាញ់ ដែលមានតំណែងជាឧបនាយករដ្ឋមន្ត្រី គឺកំពុងកាន់ជារដ្ឋមន្ត្រីក្រសួងការពារជាតិ ដោយទទួលដឹកនាំការងាររួមរបស់ក្រសួង ចាត់ចែងរាល់សកម្មភាពរបស់ក្រសួងលើគ្រប់វិស័យ និងដឹកនាំផ្ទាល់អគ្គនាយកដា្ឋននយោបាយ និងកិច្ចការបរទេស អគ្គនាយកដ្ឋានស្រាវជ្រាវចារកិច្ច និងនាយកដ្ឋានបុគ្គលិក។
ជាមួយគ្នានេះ រដ្ឋលេខាធិការក្រសួងការពារជាតិនីមួយៗ ក៏មានភារកិច្ចផ្សេងៗគ្នាដែរ ដើម្បីធានាបាននូវនិរន្តរភាពការងាររបស់ក្រសួងប្រកបដោយការទទួលខុសត្រូវ និងប្រសិទ្ធភាពកាន់តែប្រសើរឡើង។ កិច្ចការដែលរដ្ឋលេខាធិការទាំងនោះ ទទួល រួមមាន៖
១/ លោក នាង ផាត ជារដ្ឋលេខាធិការប្រចាំការ ទទួលដឹកនាំលើការងារអគ្គលេខាធិការដ្ឋាន និងសាកលវិទ្យាល័យការពារជាតិ។
២/ លោក ចាយ សាំងយុន ជារដ្ឋលេខាធិការ ទទួលដឹកនាំលើការងារនាយកដ្ឋានសវនកម្មផ្ទៃក្នុង និងនាយកដ្ឋានវិស្វកម្ម។
៣/ លោក ម៉ឹង សំផន ជារដ្ឋលេខាធិការ ទទួលដឹកនាំលើការងារអគ្គនាយកដ្ឋានភស្តុភារ និងហិរញ្ញវត្ថុ។
៤/ លោក ឯល វ៉ាន់សារ៉ាត ជារដ្ឋលេខាធិការ ទទួលដឹកនាំលើការងាររបស់នាយកដ្ឋានភូមិសាស្ត្រ ស្ថាប័នតុលាការយោធា និងស្ថាប័នអយ្យការយោធា។
៥/ លោកស្រី ដាំ ដារីនី ជារដ្ឋលេខាធិការ ទទួលដឹកនាំលើការងារនាយកដ្ឋាននីតិកម្ម និងវិទ្យាស្ថានវិទ្យាសាស្ត្រសុខាភិបាលកងយោធពលខេមរភូមិន្ទ។
៦/ លោក ជៀង អំ ជារដ្ឋលេខាធិការ ទទួលដឹកនាំលើការងាររបស់អគ្គនាយកដ្ឋានយោធសេវា និងនាយកដ្ឋានអធិការកិច្ច។
៧/ លោក អ៊ី ឈាន ជារដ្ឋលេខាធិការក្រសួងការពារជាតិ ទទួលដឹកនាំលើការងារនាយកដ្ឋានអភិវឌ្ឍន៍។
៨/ លោក ប៊ុន លើត ជារដ្ឋលេខាធិការក្រសួងការពាជាតិ ទទួលដឹកនាំលើការងារអគ្គនាយកដ្ឋានសម្ភារៈបច្ចេកទេស នាយកដ្ឋានបញ្ជូនសារ និងមជ្ឈមណ្ឌលកីឡាកងយោធពលខេមរភូមិន្ទ។
៩/ លោក ភួង ស៊ីផាន ជារដ្ឋលេខាធិការ ទទួលបន្ទុកគណៈកម្មាការជ្រើសរើស និងត្រួតពិនិត្យលក្ខណៈសម្បត្តិសិក្ខាកាម មកបណ្ដុះបណ្ដាលក្នុង និងក្រៅប្រទេស។
១០/ លោក ឈុំ សុជាត ជារដ្ឋលេខាធិការ ទទួលបន្ទុកកិច្ចការជាអ្នកនាំពាក្យ។
១១/ លោក ឃឹម ប៊ុនសុង ជារដ្ឋលេខាធិការ ទទួលបន្ទុកក្រុមប្រឹក្សាកីឡាកងយោធពលខេមរភូមិន្ទ។
ដោយឡែក រដ្ឋលេខាធិការចំនួន ៨រូបទៀត រួមមាន លោក យន្ត មីន លោក ហ៊ុយ ពិសិដ្ឋ លោក ព្រហ្ម ឌិន លោក ប៊ុន សេង លោក អ៊ុំ បុត្រ លោក ឃុន វុធ លោក ដាំ ដារ៉ារិទ្ធ និងលោក សាវ សុខ ជារដ្ឋលេខាធិការ ទទួលបន្ទុកបេសកកម្មពិសេស ព្រមទាំង ជួយកិច្ចការផ្សេងៗទៀតដែលរដ្ឋមន្ត្រីក្រសួងការពារជាតិប្រគល់ឲ្យ៕
ដោយ៖ ធឿន វ៉ាន់សុង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង