ព័ត៌មានជាតិ
ការចិញ្ចឹមត្រីក្នុងស្ទឹងសង្កែនឹងបញ្ឈប់ទាំងស្រុង ក្រោយទុកឲ្យប្រមូលផលហើយ
ប្រជាពលរដ្ឋនិងមហាជនដាក់ការសង្ស័យលើការចិញ្ចឹមត្រីក្នុងស្ទឹងសង្កែថា បានត្រូវរូវគ្នាជាមួយមន្ត្រីនៃមន្ទីរជលផលខេត្តទើបមានការកើតឡើងយ៉ាងអនាធិបតេយ្យជាច្រើនកន្លែងនៅប៉ែកខាងលើនៃដងស្ទឹងសង្កែ ចាប់ពីចំណុចភូមិចិនរហូត ដល់ភូមិកំពង់ពិល ដោយមិនគិតអំពីផលប៉ះពាល់យ៉ាងធ្ងន់ធ្ងរក្នុងការបំពុលបរិស្ថានដល់ទឹកដងស្ទឹងសង្កែដែលមានការប្រឈមចំពោះសុខភាពពលរដ្ឋដែលរស់នៅប៉ែក ខាងក្រោមនៃស្ទឹងសង្កែដែលធ្លាប់បានប្រើប្រាស់ទឹកប្រចាំថ្ងៃ។
មន្ត្រីនៃមន្ទីរបរិស្ថានខេត្តបញ្ជាក់ថា ពិតជាមានការប៉ះពាល់ធ្ងន់ធ្ងរណាស់មិនអាចទទួលយកបានឡើយ។
ជុំវិញការចិញ្ចឹមត្រីក្នុងដងស្ទឹងសង្កែនេះ បើយោងតាមសម្តីលោក ជួង សុភា ប្រធានខណ្ឌរដ្ឋបាលជលខេត្តបាត់ដំបង បានប្រាប់ដល់អ្នកសារព័ត៌មានកន្លងមកថា បែរចិញ្ចឹមត្រីរបស់ប្រជាពលរដ្ឋចាប់ពីភូមិចិនទៅមានប្រមាណជិត៥០ទីតាំងដែលកំពុងចិញ្ចឹមត្រីប្រភេទដូចជា ត្រីក្រហម និងត្រីឡាត្យា អស់រយ:ពេលយូរឆ្នាំមកហើយចន្លោះពីឆ្នាំ ២០១៧-២០២២។ កាលណោះវាមានទំហំតិចតូចប៉ុណ្ណោះ ដោយក្នុងបែរនិមួយៗមានការចិញ្ចឹមត្រីប្រហែល៥០០០ក្បាលប៉ុណ្ណោះ។
លោក ជួង សុភា ទទួលស្គាល់ថា ការចិញ្ចឹមត្រីប្រើចំណីបែបនេះពិតជាមានផលប៉ះពាល់ដល់ទឹកស្ទឹងពិតមែន។
មហាជននិងពលរដ្ឋថា លោកប្រធានមន្ទីររូបនេះនិយាយឲ្យតែផុតពីមាត់ ខណះដែលដឹងថាមានផលប៉ះពាល់ហើយមិនព្រមអនុវត្តបង្ក្រាបទុកទាល់តែមានទំហំធំហើយប៉ះពាល់បរិស្ថានទឹកកាន់តែធ្ងន់ធ្ងររហូតមកដល់ពេលនេះ ក្រសួងគួរពិនិត្យលើការងាររបស់មន្ត្រីរូបនេះ ។
កាលពីថ្ងៃទី ២០ខែធ្នូ ឆ្នាំ២០២២ លោក សុខ លូ អភិបាលខេត្តបាត់ដំបង បានចុះទៅពិនិត្យដល់ទីតាំងផ្ទាល់ដោយក្នុងនោះក៏មានការចូលរួមពីមន្ទីររបរិស្ថាន មន្ទីរកសិកម្ម រួមទាំងមន្ត្រីមន្ទីរនិងស្ថាប័នពាក់ព័ន្ធជាច្រើនទៀត។
ថ្មីៗនេះដែររដ្ឋបាលខេត្តក៏បានបើកកិច្ចប្រជុំមួយ ដោយឯកភាពគ្នាលើគោលការមួយពាក់ព័ន្ធករណីខាងលើដោយទុកឱកាសឲ្យអ្នកដែលបានចិញ្ចឹមហើយបានប្រមូលផលសិន ទើបធ្វើការបញ្ឈប់ការចិញ្ចឹមបន្តទាំងស្រុងតែម្តង៕
អត្ថបទ៖ សៅ សារិទ្ធ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)