ព័ត៌មានជាតិ
ចម្ងាយផ្លូវនៅសល់ជាង ១ គីឡូម៉ែត្រពីកោះធំទៅក្អមសំណរ គ្រោងបញ្ចប់នៅឆ្នាំ២០២៣
អាជ្ញាធរខេត្តកណ្តាល បានដាក់ផែនការនឹងបញ្ចប់ការស្ថាបនាផ្លូវមួយខ្សែភ្ជាប់ពីស្រុកកោះធំទៅច្រកក្អមសំណរ ខណៈនៅសល់ប្រវែងជាង ១ គីឡូម៉ែត្រទៀតមិនទាន់រួចរាល់។
លោក នូវប៉េង ច័ន្ទតារា អ្នកនាំពាក្យសាលាខេត្តកណ្តាលបានឲ្យកម្ពុជាថ្មីដឹងនៅព្រឹកនេះថា កំណាត់ផ្លូវនេះបានបើកការដ្ឋានសាងសង់តាំងពីឆ្នាំ ២០១៨ មានប្រវែងជាង ១០ គីឡូម៉ែត្រ មកដល់ពេលនេះនៅសល់ជាង ១ គីឡូម៉ែត្រទៀតមិនទាន់សាងសង់បញ្ចប់។
លោកថា ក្នុងប្រវែងផ្លូវជាង ១០ គីឡូម៉ែត្រ ដែលនៅសល់ជាង ១ គីឡូម៉ែត្រ លោកអភិបាលខេត្តបានដាក់ផែនការធ្វើយ៉ាងណាឲ្យរួចរាល់នៅឆ្នាំ២០២៣នេះ។ ផ្លូវដែលសល់ជាង ១ គីឡូម៉ែត្រនេះ ការសាងសង់បញ្ចប់ក៏មានប៉ះពាល់ដល់ផលដំណាំប្រជាពលរដ្ឋ ហើយអាជ្ញាធរកំពុងជំរុញដោះស្រាយឲ្យចប់សព្វគ្រប់។
មន្រ្តីខេត្តរូបនេះបានបញ្ជាក់ថា ដោយសារជាតំបន់លិចទឹកកំណាត់ផ្លូវថ្មីនេះត្រូវលើកឲ្យខ្ពស់ផុតពីទឹកហើយជាជំហានដំបូងត្រូវស្ថាបនាជាផ្លូវដីសិន ហើយអនាគតអាចនឹងលើកកម្រិតជាផ្លូវបេតុងតែម្តង។
កាលពីឆ្នាំ២០១៨ ជំនាន់លោក ម៉ៅ ភិរុណជាអភិបាលខេត្តកណ្តាល បានបើកការដ្ឋានស្ថាបនាមានប្រវែងជាង ១០ គីឡូម៉ែត្រ បំបែកចេញពីផ្លូវខេត្តលេខ ១១០ ចំណុចគីឡូម៉ែត្រលេខ៩០ ស្ថិតក្នុងភូមិព្រែកទន្លា ឃុំព្រែកជ្រៃ ស្រុកកោះធំ ទៅទល់ជាមួយផ្លូវលេខ១១៨ A ចំណុចគីឡូម៉ែត្រលេខ ៤៥ ស្ថិតក្នុងឃុំក្អមសំណរ ស្រុកលើកដែក។
ផ្លូវនេះមានសារសំខាន់តភ្ជាប់ពីតំបន់ប្រជុំជននៅស្រុកកោះធំទៅច្រកព្រំដែនក្អមសំណរក្នុងស្រុកលើកដែក ប្របតាមខ្សែបន្ទាត់ព្រំដែនកម្ពុជាវៀតណាម។
លោក នូវប៉េង ច័ន្ទតារាបានឲ្យកម្ពុជាថ្មីដឹងថា នៅខែនេះបងប្អូនអាចធ្វើដំណើរទៅលេងបានដើម្បីបានឃើញជាក់ស្តែងនិងអាចស្វែងយល់ពីតំបន់ព្រំដែនកម្ពុជាវៀតណាមផងដែរ៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង