ព័ត៌មានជាតិ
អាជ្ញាធរមីន ប្រគល់សម្ភារៈបោសសម្អាតមីន ដល់កងទ័ពជើងគោក និងបញ្ជាការដ្ឋានអង្គរក្ស តម្លៃជាង ៧៨ ម៉ឺនដុល្លារ
ព្រឹកថ្ងៃទី២ ខែមករា ឆ្នាំ២០២៣ នៅទីស្នាក់ការអាជ្ញាធរមីន ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានប្រគល់សម្ភារបោសសម្អាតមីនជូនបញ្ជាការដ្ឋានកងវិស្វកកម្មកងទ័ពជើងគោក និងបញ្ជាការដ្ឋានអង្គរក្ស រួមមានម៉ាស៊ីនរាវមីនចំនួន ១៦០ ឃីដចំនួន ១៦០ អាវការពារចំនួន ៤០ និងឧបករណ៍គ្រឿងបំផ្ទុះចំនួន ៨៥ សរុបជាថវិកាចំនួន ៧៨៥ ១២៥ ដុល្លារអាមេរិក។
សម្ភារបោសសម្អាតមីន បានធ្វើការបែងចែកដូចខាងក្រោម ៖
– បញ្ជាការដ្ឋានកងវិស្វកកម្មកងទ័ពជើងគោក ទទួលបានម៉ាស៊ីនរាវមីនចំនួន ១៥០ ឃីដចំនួន ១៥០ អាវការពារចំនួន ៤០ និងឧបករណ៍គ្រឿងបំផ្ទុះចំនួន ៨៥ សរុបជាថវិកាចំនួន ៧៤៥ ៧៧៥ ដុល្លារអាមេរិក ទទួលដោយ ឧត្តមសេនីយ៍ឯក អ៊ុច វ៉ាន់ថា មេបញ្ជាការរងកងទ័ពជើងគោក និងជាមេបញ្ជាការកងវិស្វាកកម្មកងទ័ពជើងគោគ តំណាង ឧត្តមសេនីយ៍ឯក បណ្ឌិត ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការនៃបញ្ជាការដ្ឋានកងទ័ពជើងគោក។
– បញ្ជាការដ្ឋានអង្គរក្ស ទទួលបានម៉ាស៊ីនរាវមីនចំនួន ១០ និងឃីដចំនួន ១០ សរុបជាថវិកាចំនួន ៣៩ ៧៧៥ ដុល្លារអាមេរិក ទទួលដោយ ឧត្តមសេនីយ៍ឯក ប្រាជ្ញ សុផល មេបញ្ជាការរងបញ្ជាការដ្ឋានអង្គរក្ស តំណាង នាយឧត្តមសេនីយ៍ កិត្តិបណ្ឌិត ហ៊ីង ប៊ុនហៀង អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការបញ្ជាការដ្ឋានអង្គរក្ស។
ទេសរដ្ឋមន្រ្តី បានថ្លែងអំណរគុណ និងវាយតម្លៃខ្ពស់ចំពោះកងទ័ពជើងគោក និងកងអង្គរក្ស ដែលបានខិតខំប្រឹងប្រែង លះបង់ និងពលីគ្រប់បែបយ៉ាង ចូលរួមការពារសន្តិភាព និងជាតិមាតុភូមិ ជាពិសេសការពារសុខសុវត្ថិភាពជូនសម្តេចតេជោ និងសម្តេចកិត្តិព្រឹទ្ធបណ្ឌិត ព្រមទាំងក្រុមគ្រួសាររបស់សម្តេចទាំងទ្វេរ។
លោកទេសរដ្ឋមន្រ្តី បានបញ្ជាក់បន្ថែមថា បច្ចុប្បន្ននេះ កងទ័ពជើងគោក មិនត្រឹមតែការពារបូរណភាពទឹកដី និងការពារសន្តិភាពប៉ុណ្ណោះទេ ថែមទាំងបានទទួលនូវការហ្វឹកហ្វឺនជំនាញ បំពាក់សម្ភារ និងចូលរួមដល់ការងារបោសសម្អាតមីនមនុស្សធម៌ ផងដែរ ហើយថ្មីៗនេះ បានចូលរួមធ្វើការបោសសម្អាតមីន ក្នុងគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម” ប្រកបដោយជំនាញ។
លោកបន្តទៀតថា សម្ភារៈដែលប្រគល់ជូននាថ្ងៃនេះ កងទ័ពជើងគោក នឹងយកទៅប្រើប្រាស់ក្នុងគោលដៅពន្លឿនការងារបោសសម្អាតមីន ដើម្បីឈានទៅសម្រេចបាននូវទស្សនវិស័យរបស់សម្តេចតេជោ នាយករដ្ឋមន្រ្តី ឆ្ពោះទៅរកកម្ពុជាគ្មានមីនឆ្នាំ២០២៥៕
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»