ព័ត៌មានជាតិ
បណ្ឌិត គិន ភា តស៊ូពីអ្នកស្រាវជ្រាវក្លាយជាប្រធានវិទ្យាស្ថានទំនាក់ទំនងអន្តរជាតិនៃកម្ពុជា
នៅឆ្នាំ២០០៥ វិទ្យាស្ថានទំនាក់ទំនងអន្តរជាតិកម្ពុជា ត្រូវបានបង្កើតឡើងក្រោមក្របខណ្ឌរាជបណ្ឌិត្យសភាកម្ពុជា។ វិទ្យាស្ថានទំនាក់ទំនងអន្តរជាតិកម្ពុជា កំពុងខិតខំប្រឹងប្រែងអស់ពីសមត្ថភាព ដើម្បីរួមចំណែកជាធាតុចូលដល់រាជរដ្ឋាភិបាលកម្ពុជា សម្រាប់រៀបចំគោលនយោបាយការបរទេស ការអភិវឌ្ឍប្រកបដោយចីរភាព និងការជួយស្វែងរកដំណោះស្រាយផ្សេងៗសម្រាប់បញ្ហាប្រឈមក្នុងតំបន់។
លោកបណ្ឌិត គិន ភា ក្នុងនាមជាប្រធានវិទ្យាស្ថានទំនាក់ទំនងអន្តរជាតិកម្ពុជា បានចូលរួមដឹកនាំ គ្រប់គ្រង និងសហការជាមួយស្ថាប័នជាតិ-អន្តរជាតិ និងដៃគូអភិវឌ្ឍន៍នានាក្នុងការស្រាវជ្រាវ ការវិភាគ ការផ្ដល់អនុសាសន៍ និងការរៀបចំវេទិកាសិក្សាគ្រប់ប្រភេទ។ មុនក្លាយជាមេដឹកនាំនៃវិទ្យាស្ថានទំនាក់ទំនងអន្តរជាតិកម្ពុជានៃរាជបណ្ឌិត្យសភាកម្ពុជា តើលោកបណ្ឌិត គិន ភា មានប្រវត្តិយ៉ាងណា?
មានស្រុកកំណើតនៅខេត្តតាកែវ លោក គិន ភា កើតក្នុងឆ្នាំ១៩៧៦ ដែលជាពេលវេលាដ៏អាក្រក់របស់កម្ពុជាបានធ្លាក់ចូលទៅក្នុងរបបប្រល័យពូជសាសន៍ខ្មែរក្រហម។ ក្នុងឆ្នាំ១៩៨១ លោក គិន ភា បានចាប់ផ្ដើមចូលរៀននៅកម្រិតបឋមសិក្សា ហើយបានបញ្ចប់កម្រិតវិទ្យាល័យក្នុងឆ្នាំ១៩៩៣។ ក្រោយប្រឡងជាប់សញ្ញាបត្រមធ្យមសិក្សាទុតិយភូមិ លោក បានមកបន្តការសិក្សានៅរាជធានីភ្នំពេញដែលកាលនោះលោកសិក្សាថ្នាក់បរិញ្ញាបត្រចំនួនពីរ គឺបរិញ្ញាបត្រផ្នែកចិត្តវិទ្យា នៅសាកលវិទ្យាល័យភូមិន្ទភ្នំពេញ និងបរិញ្ញាបត្រផ្នែកគ្រប់គ្រងទីផ្សារ នៅសាកលវិទ្យាល័យជាតិគ្រប់គ្រង។
បន្ទាប់ពីចប់ថ្នាក់បរិញ្ញាបត្រ ក្នុងឆ្នាំ១៩៩៨ លោក គិន ភា បានចូលរៀននៅសាលាភូមិន្ទរដ្ឋបាល និងបានបន្តការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅរាជបណ្ឌិត្យសភាកម្ពុជា ដោយលោកបានបញ្ចប់សញ្ញាបត្របណ្ឌិតទស្សនវិជ្ជាផ្នែកវិទ្យាសាស្ត្រនយោបាយ ក្នុងឆ្នាំ២០១១។
អំឡុងពេលដែលលោកបានបញ្ចប់ថ្នាក់បរិញ្ញាបត្រជាន់ខ្ពស់ ក្នុងឆ្នាំ២០០៣ គឺលោក គិន ភា បានចូលបម្រើការជាមន្ត្រីស្រាវជ្រាវនៅវិទ្យាស្ថានមនុស្សសាស្ត្រ និងវិទ្យាសាស្ត្រសង្គម នៃរាជបណ្ឌិត្យសភាកម្ពុជា។ ក្នុងឆ្នាំ២០០៦ លោក បានផ្លាស់ទៅធ្វើការនៅវិទ្យាស្ថានទំនាក់ទំនងអន្តរជាតិនៃកម្ពុជា។ ជាមន្ត្រីនៃវិទ្យាស្ថានទំនាក់ទំនងអន្តរជាតិនៃកម្ពុជា លោក គិន ភា ត្រូវបានចាត់តាំងជាមន្ត្រីទទួលបន្ទុកផ្នែករដ្ឋបាលទូទៅ និងបន្ទាប់មក ត្រូវបានតែងតាំងជាប្រធាននាយកដ្ឋានសិក្សាការទូត។ រហូតដល់ឆ្នាំ២០១៧ លោក គិន ភា ទទួលបានការតែងតាំងជាប្រធានវិទ្យាស្ថានទំនាក់ទំនងអន្តរជាតិនៃកម្ពុជា រហូតមកដល់បច្ចុប្បន្ននេះ ក្រោយពេលលោកកាន់ជាអនុប្រធានវិទ្យាស្ថានបានរយៈពេលមួយឆ្នាំ(ឆ្នាំ២០១៦-២០១៧)។
ជាមួយគ្នានេះ លោក គិន ភា ក៏មានតួនាទីជាអ្នកស្រាវជ្រាវជាន់ខ្ពស់ពិសេសនៃវិទ្យាស្ថានជាតិសម្រាប់ការសិក្សាសកលនៃបណ្ឌិត្យសភាវិទ្យាសាស្ត្រសង្គមចិន និងជាសមាជិកក្រុមប្រឹក្សាជាតិភាសាខ្មែរ ហើយលោក ក៏ជាអ្នកវិភាគព្រឹត្តិការណ៍នយោបាយដ៏មានថ្វីមាត់ប្រកបដោយបទពិសោធន៍ និងក្រមសីលធម៌វិជ្ជាជីវៈ ផងដែរ៕
ដោយ៖ ធឿន វ៉ាន់សុង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង