ព័ត៌មានជាតិ
បណ្ណាល័យមួយកន្លែងក្នុងវិទ្យាល័យបឹងត្របែកមានសៀវភៅរាប់ម៉ឺនក្បាលតែខ្វះអ្នកអាន
បណ្ណាល័យ គឺជាបណ្តុំនៃប្រភពព័ត៌មាន ហើយក៏ជាឃ្លាំងនៃធនធាន និងចំណេះដឹង ដែលអនុញ្ញាឲ្យសិស្ស និស្សិត អ្នកស្រាវជ្រាវ និងសាធារណជនទូទៅអាចចូលទៅអាន ឬខ្ចីអាន ឬសិក្សាស្រាវជ្រាវឯកសារនៅទីនោះបាន។
កម្ពុជាថ្មី សូមណែនាំឱ្យស្គាល់បណ្ណាល័យមួយកន្លែងមានឈ្មោះថា បណ្ណាល័យសម្ដេចតេជោ ហ៊ុន សែន ដែលមានទីតាំងក្នុងបរិវេណវិទ្យាល័យបឹងត្របែក ខណ្ឌចំការមន រាជធានីភ្នំពេញ។
ភាគច្រើនសាធារណជនបានស្គាល់ បណ្ណាល័យជាតិ បណ្ណាល័យសម្ដេច ហ៊ុន សែន នៃសាកលវិទ្យាល័យភូមិន្ទភ្នំពេញ និងបណ្ណាល័យនៃវិទ្យាស្ថានពុទ្ធសាសនបណ្ឌិត្យ ជាដើម។ ប៉ុន្តែមិនសូវស្គាល់បណ្ណាល័យសម្ដេចតេជោ ហ៊ុន សែន ដែលមានទីតាំងក្នុងបរិវេណវិទ្យាល័យបឹងត្របែកនេះឡើយ។
បណ្ណាល័យសម្ដេច ហ៊ុន សែន វិទ្យាល័យបឹងត្របែក មានសៀវភៅរាប់ម៉ឺនក្បាល ដែលក្នុងនោះមានទាំងជាភាសាខ្មែរ និងភាសាអង់គ្លេស ហើយមានជាប្រភេទសៀវភៅនយោបាយ ច្បាប់ សេដ្ឋកិច្ច ចិត្តសាស្ត្រ វិទ្យាសាស្ត្រ និងឯកសារជាច្រើនប្រភេទទៀត រួមទាំងសៀវភៅរឿងសម្រាប់កុមារ។
ជាមួយគ្នានេះ បណ្ណាល័យសម្ដេចតេជោ ក៏មានជាបណ្ណាល័យអេឡិចត្រូនិច ហើយគ្រោងនឹងបើកដំណើរនូវបណ្ណាល័យគ្រឿងញៀនដែលជាកិច្ចសហប្រតិបត្តិការជាមួយភាគីចិន។ នៅក្រោមឱវាទរបស់ក្រសួងអប់រំ បណ្ណាល័យសម្ដេច ហ៊ុន សែន ជាបណ្ដាញនៃបណ្ណាល័យនៅសាលារៀនតាមខេត្តដែលជាផ្នែកមួយនៃការជំរុញដល់ការលើកកម្ពស់ការអានដល់សិស្សានុសិស្ស និងកុមារៗនៅតាមបណ្ដាខេត្តទូទាំងប្រទេស។
ដើម្បីបានចូលជាសមាជិក អ្នកអានតម្រូវឲ្យមានកាតសមាជិករបស់បណ្ណាល័យ ហើយចំពោះការធ្វើកាតសមាជិកនេះ ត្រូវចំណាយប្រាក់ចំនួនតែ ៣ពាន់រៀលតែប៉ុណ្ណោះ។ ចំណែកការបើកឲ្យមានការប្រើប្រាស់បណ្ណាល័យ គឺចាប់ពីថ្ងៃចន្ទ ដល់ថ្ងៃសៅ ហើយចាប់ពីម៉ោង០៨:០០ ដល់ម៉ោង១០:៣០ សម្រាប់ពេលព្រឹក រីឯពេលថ្ងៃគឺចាប់ពីម៉ោង២:០០ ដល់ម៉ោង ៤:៣០ រសៀល៕ ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ