Connect with us

ព័ត៌មានជាតិ

កោះចំនួន ២ នៅខេត្តព្រះសីហនុប្តូរឈ្មោះទៅជាថ្មដុះនិងថ្មប៉ប្រះទឹកវិញ

បានផុស

នៅ

កោះចំនួន ២ នៅខេត្តព្រះសីហនុ ត្រូវបានប្តូរទៅជាថ្មដុះនិងថ្មប៉ប្រះទឹកវិញ ក្រោយពីរដ្ឋបាលខេត្តបានសិក្សាស្រាវជ្រាវរាប់ចំនួនកោះ ថ្មដុះនិងថ្មប៉ប្រះទឹកក្នុងភូមិសាស្ត្រខេត្តព្រះសីហនុកាលពីឆ្នាំ២០១៨ រួចមក។

កោះចំនួនពីរដែលប្តូរទៅជាថ្មដុះនិងថ្មប៉ប្រះទឹក រូមមានកោះត្រងោលបានប្តូរទៅជាថ្មដុះត្រងោល និងកោះចៅបានប្តូរទៅជាថ្មប៉ប្រះទឹកចៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមកំណត់ហេតុស្តីពីការសិក្សាស្រាវជ្រាវរាប់ចំនួនកោះ ថ្មដុះនិងថ្មប៉ប្រះទឹកក្នុងភូមិសាស្ត្រខេត្តព្រះសីហនុដែលសហការរវាងក្រុមការងារបច្ចេកទេសរបស់គណៈកម្មាធិការជាតិសន្តិសុខលម្ហសមុទ្រ ជាមួយអាជ្ញាធរខេត្តព្រះសីហនុចាប់ផ្ដើមដំណើរការកាលពីថ្ងៃទី ២២ ខែសីហាឆ្នាំ២០១៧ ដល់ថ្ងៃទី២៣ខែកុម្ភៈឆ្នាំ២០១៨ បានរកឃើញកោះចំនួន ៣០ ថ្មដុះចំនួន ២ និងថ្មប៉ប្រះទឹកចំនួន ៥។

ក្នុងនោះនៅក្នុងក្រុងព្រះសីហនុមានកោះ៥ និងថ្មដុះចំនួន១មានដូចជាកោះដែកគោល កោះពស់ កោះថាស កោះព្រាប កោះត្រេះ និងថ្មដុះអាចម៍សត្វ។ ក្រុងកោះរ៉ុងមានកោះ ចំនួន ១៧ ថ្មដុះ១ និងថ្មប៉ប្រះទឹក៤ រួមមានកោះរ៉ុង កោះបង កោះអូន កោះមូល កោះរ៉ុងសន្លឹម កោះតូច កោះកូន កោះព្រីង កោះដូងក្រៅ កោះវៀរ កោះតាង កោះមួយ កោះដំឡូង កោះពីរលិច កោះពីរកើត កោះពូលោវ៉ៃលិច (កោះតា) កោះពូលោវៃកើត (កោះយាយ) ថ្មដុះត្រងោល ថ្មប៉ប្រះទឹកព្រីង ថ្មប៉ប្រះទឹកសារ៉ាសែន ថ្មប៉ប្រះទឹកចៅ និង​ថ្មប៉ប្រះទឹកឌឺផុនរីហ្វ។

ស្រុកព្រៃនប់មានកោះ ៧ រួមមានកោះចន្លុះ (កោះប្រើស) កោះក្របី កោះតាគៀវ កោះឬស្សី កោះស្រម៉ោច កោះសំពោចនិងកោះថ្មី។ ស្រុកស្ទឹងហាវមានកោះចំនួន ១ និងថ្មប៉ប្រះទឹក ១ គឺកោះដូងក្នុង និងថ្មប៉ប្រះទឹកអន្លង់ស។

លោក ឃាង ភារម្យ អ្នកនាំពាក្យសាលាខេត្តព្រះសីហនុបានមានប្រសាសន៍ថា ក្នុងចំណោមកោះទាំង៣០ មានតែកោះចំនួន ២ ប៉ុណ្ណោះគឺកោះរ៉ុងនិងកោះរ៉ុងសន្លឹម មានប្រជាពលរដ្ឋរស់នៅច្រើនជាងគេ។ ចំណែកកោះផ្សេងៗទៀតមិនសូវមានប្រជាពលរដ្ឋរស់នៅទេ និងកោះតូចៗខ្លះមិនមានមនុស្សរស់នៅតែម្តង។

លោកបានបន្តថា ក្នុងចំណោមកោះទាំង ៣០ មានកោះចំនួន ១៩ ដែលត្រូវបានរាជរដ្ឋាភិបាលផ្តល់គោលការណ៍ វិនិយោគ ដល់ក្រុមហ៊ុនឯកជនចំនួន ២៤ ក្រុមហ៊ុន ។ ក្នុងនោះនៅក្រុងព្រះសីហនុមានក្រុមហ៊ុនចំនួន៤ វិនិយោគលើកោះចំនួន ៤ រួមមានកោះដែកគោល កោះត្រេះ កោះពស់ និងកោះថាស ឬកោះកោងកាង ។ ចំណែកនៅក្រុងកោះរ៉ុង មានក្រុមហ៊ុនចំនួន ៧ វិនិយោគលើកោះចំនួន ៩ រួមមានកោះរ៉ុង កោះរ៉ុងសន្លឹម កោះអូន កោះបង (កោះសង្សារ) កោះតាង កោះកូន កោះមួយ កោះពីរលិច,កោះពីរកើត ។

រីឯនៅស្រុកព្រៃនប់មានក្រុមហ៊ុនចំនួន ១៣ វិនិយោគលើកោះចំនួន៦ រួមមាន៖កោះប្រ៊ីស ឬកោះចន្លុះ កោះស្រមោច កោះក្របី កោះឬស្សី កោះតាកៀវ និងកោះថ្មី៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេដ្ឋកិច្ច៩ នាទី មុន

បុរី ឡេង ណាវ៉ាត្រា ខណៈនេះដោះដូរបាន ១៦៣ផ្ទះ, ដាក់ពាក្យនៅក្រសួងទទួលប្លង់រឹង ៥៩៧ផ្ទះ ហើយចន្លោះ១ខែទៅ៣ខែទៀត អាចបញ្ចប់បន្ថែមមួយពាន់ទៅពីរពាន់ផ្ទះទៀត

ព័ត៌មានជាតិ១៧ នាទី មុន

ប្រាក់ចូលនិវត្តន៍កងទ័ព គ្រូបង្រៀន នឹងឡើងដល់ ៣លាន ៨សែនរៀល នៅឆ្នាំ២០២៥ មែនទេ?

ជីវិតកម្សាន្ដ៣៧ នាទី មុន

អតីតតារាសម្តែង TVB លោក Chun Wong រស់រងទុក្ខវេទនា ក្រោយបោះបង់គ្រួសារព្រោះស្រី

ព័ត៌មានជាតិ៤១ នាទី មុន

ប.ស.ស ពិនិត្យមើលការអនុវត្តគម្រោងការពង្រីករបបសន្តិសុខសង្គមសម្រាប់បុគ្គលស្វ័យនិយោជន៍

ព័ត៌មានជាតិ៤១ នាទី មុន

អ្នកនាំពាក្យ៖ ក្រុមហ៊ុន សហគ្រាស ទទួលយកសិស្សរៀនជំនាញឲ្យចូលហាត់ការ និងធ្វើការ ដោយសារជឿជាក់លើកម្មវិធី TVET ១,៥លាននាក់ របស់រាជរដ្ឋាភិបាល

សេចក្ដីជូនដំណឹង១៩ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានអន្ដរជាតិ៩ ម៉ោង មុន

លោក បៃដិន បើកដៃឲ្យអ៊ុយក្រែន ប្រើអាវុធអាមេរិក បាញ់ចូលដី រុស្ស៊ី

សេចក្ដីជូនដំណឹង២២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

វប្បធម៌ ជំនឿ៥ ម៉ោង មុន

ការសម្ដែង អាយ៉ៃជំនាន់ថ្មី “Ayai 5G” ល្ងាចនេះ លក់សំបុត្រអស់មុនកំណត់

ព័ត៌មានជាតិ៨ ម៉ោង មុន

ទើបតែ​បើកការដ្ឋាន ស្ពានឆ្លងកាត់ទន្លេបាសាក់នៅ​ព្រែកប្រា សាងសង់​សម្រេច​បានជាង ១០ ភាគរយ

Sokha Hotels

ព័ត៌មានពេញនិយម