Connect with us

ព័ត៌មានជាតិ

អង្គការទស្សនៈពិភពលោកអំពាវនាវដៃគូពាក់ព័ន្ធបន្តចូលរួមយុទ្ធនាការគំរូអហិង្សាក្នុងការអប់រំកូន

បានផុស

នៅ

លោកស្រី ឈឹម រតនា ប្រធានយុទ្ធនាការគំរូអហិង្សានៃអង្គការទស្សនៈពិភពលោកប្រចាំនៅកម្ពុជា បានអំពាវនាវដល់ដៃគូពាក់ព័ន្ធ សិល្បករ-សិល្បការនី និងសាធារណជនបន្តចូលរួមយុទ្ធនាការ​គំរូអហិង្សាតាមរយៈការផ្លាស់ប្តូរឥរិយាបថក្នុងការអប់រំ និងការចិញ្ចឹមកូនតាមបែបវិជ្ជមាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីប្រកាសផ្សព្វផ្សាយវីដេអូនៃយុទ្ធនាការ ស្តីពី «អាណាព្យាបាលជំនាន់ថ្មី៖ បទពិសោធ និងការចងចាំពីកុមារភាព» នៅថ្ងៃទី១៣ ខែមករាម្សិលមិញ លោកស្រី ឈឹម រតនា បានលើកឡើងថា ការប្រើប្រាស់អំពើហិង្សាលើកុមារ​នៅតែកើតមានឡើងដែលទាមទារឲ្យភាគីពាក់ព័ន្ធបន្តធ្វើការរួមគ្នាថែមទៀតក្នុងការលុបបំបាត់ និងបញ្ឈប់អំពើហិង្សា​លើកុមារនៅកម្ពុជា។

បើតាមលោកស្រី ឈឹម រតនា ក្នុងរយៈពេលជាច្រើនឆ្នាំមកនេះ អង្គការទស្សនៈពិភពលោកបានអនុវត្តគម្រោងនានា​ពាក់ព័ន្ធនឹងកិច្ចការពារ និងការចូលរួមរបស់កុមារ ជាពិសេសការបញ្ឈប់អំពើហិង្សាលើកុមារគ្រប់រូបភាព។ លោកស្រី បន្តថា ក្នុងឆ្នាំ២០២២កន្លងទៅ គម្រោងកិច្ចការពារលើកុមាររបស់អង្គការទស្សនៈពិភពលោកអន្តរជាតិនៅកម្ពុជា បានផ្ដល់ផលដល់កុមារចំនួនជាង ៣សែននាក់ ក្នុងនោះមានកុមារងាយរងគ្រោះចំនួនជាង ២សែននាក់។

ជាមួយគ្នានេះ ក្រោមយុទ្ធនាការគំរូអហិង្សាដើម្បីលុបបំបាត់អំពើហិង្សាលើកុមារ អង្គការទស្សនៈពិភពលោកអន្តរជាតិ​នៅកម្ពុជា ត្រៀមនឹងផ្សព្វផ្សាយវីដេអូចំនួន៨ ស្តីពី«អាណាព្យាបាលជំនាន់ថ្មី៖បទពិសោធ និងការចងចាំពីកុមារភាព»។ វីដេអូខ្លីទាំងនេះបានបង្ហាញពីការចែករំលែកបទពិសោធនៃការចងចាំពីកុមារភាព ជាពិសេសការប្តេជ្ញាចិត្តក្នុងការ​ចិញ្ចឹមកូន​បែបវិជ្ជមានរបស់សិល្បករ-សិល្បការិនី និងអ្នកផលិតមាតិកាចំនួន ៤រូប រួមមាន៖ អ្នកនាង ឌុច លីដា អ្នកនាង ដួង ម៉ាណា កញ្ញា វ៉ាន់ម៉ៅ ហ្សូលីនដា និងលោក ទៀង អេងលាង ហៅខាយ។

តាមរយៈការបញ្ចាំងវីដេអូទាំង ៨នេះ លោកស្រី ឈឹម រតនា បានបង្ហាញក្ដីរំពឹងថា នឹងក្លាយជាផ្នែកមួយ​នៃយុទ្ធនាការគំរូ​អហិង្សា​ក្នុងការជួយលើកកម្ពស់ការយល់ដឹងរបស់សាធារណជនអំពីការអប់រំកូនតាមបែបវិជ្ជមាន និងទំនាក់ទំនង​អន្តរជំនាន់ ជាពិសេសបង្កើតទម្លាប់សន្ទនាគ្នាអស់ពីដួងចិត្តក្នុងការបង្កើត​ទំនាក់ទំនងរវាងអាណាព្យា​បាលជាមួយ​កូនៗឲ្យកាន់ តែស្និទស្នាលថែមទៀត៕

ដោយ៖ ធឿន វ៉ាន់សុង  

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ នាទី មុន

​សមាគមទម្លាក់ការព្យាករណ៍​ ទិន្ន​ផលផលិតកម្មអំបិលក្រោម ១០ ម៉ឺនតោន ដោយសារអា​កាសធាតុ​

ជីវិតកម្សាន្ដ១៥ នាទី មុន

តួឯករឿង “កូនពស់កេងកង” ទទួលមរណភាពភាពយប់មិញ ក្រោយរងជំងឺសើស្បែក​​ធ្ងន់ធ្ងរអស់ ៥ ឆ្នាំ

ព័ត៌មានជាតិ២២ នាទី មុន

មន្ត្រីជាន់ខ្ពស់ការងារ អំពាវនាវកម្មកររោងចក្រស្បែកជើងរងគ្រោះអគ្គិភ័យ រក្សាភាពស្ងប់ស្ងាត់ រង់ចាំការដោះស្រាយពីរោងចក្រ

សន្តិសុខសង្គម២២ នាទី មុន

ប្រទះឃើញសពបុរសម្នាក់ក្នុងវ៉ាលី សមត្ថកិច្ចសន្និដ្ឋានថា ជាករណីឃាតកម្ម

ព័ត៌មានជាតិ២៦ នាទី មុន

ត្រឹមមួយថ្ងៃ នគរបាលក្រសួងមហាផ្ទៃបង្ក្រាបបទល្មើសគ្រឿងញៀន ២១ករណី ឃាត់ខ្លួនមនុស្ស ៥៣នាក់

Sokha Hotels

ព័ត៌មានពេញនិយម