ពិធីជួបសំណេះសំណាល និងអាហារសាមគ្គីលើកទី៥ រវាងសម្តេចតេជោ ហ៊ុន សែន នាយករដ្ឋមន្រ្តីកម្ពុជា និងអ្នកសារព័ត៌មានប្រមាណ ៥ពាន់នាក់ នៅមជ្ឈមណ្ឌលសន្និបាត និងពិព័រណ៍កោះពេជ្រ ល្ងាចនេះ មានមុខម្ហូបពិសេសៗចំនួន ៧មុខ និងបង្អែមមួយមុខផងដែរ។

តាមរយៈមីនុយមុខម្ហូប ដែលក្រុមការងារកម្ពុជាថ្មី ចូលរួមជាកិត្តិយសក្នុងកម្មវិធីនេះដែរ បានរាយការណ៍ថា មុខម្ហូបពិសេសៗទាំង ៧មុខនេះរូមមាន៖ មហាសម្បត្តិទាំង៦, ស៊ុបហ៊ឺឈី, បង្កងបំពងខ្ទឹមស, ឆាសាច់គោបន្ទះ​ដែកម្រេចខ្ចី, ត្រីតុកកែខ្លាចំហុយទឹកស៊ីអ៊ីវ, ស៊ុបផ្សិតគ្រប់មុខ និងសាច់មាន់, បាយឆាពងទាប្រៃ បាយស និងបង្អែមគុជពិសេស។

កម្ពុជាថ្មី នឹងចេញអត្ថបទពាក់ព័ន្ធនឹងជំនួបសម្តេចតេជោ ជាមួយអ្នកសារព័ត៌មាន ជាបន្តបន្ទាប់ទៀត៕