សម្ដេចតេជោ ណែនាំឲ្យស្វែងរកអ្នកលេងហ្វេស​ប៊ុកម្នាក់ ដែលប្រើពាក្យសម្ដីមិនសមរម្យលើសម្ដេច

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានណែនាំឲ្យអាជ្ញាធរមានសមត្ថកិច្ច ស្វែងរកអ្នកប្រើប្រាស់បណ្ដាញសង្គមហ្វេសប៊ុកម្នាក់​ ដែលបានចូល Comment ប្រើប្រាស់ពាក្យសម្ដីមិនសមរម្យមកលើសម្ដេច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីល្ងាចថ្ងៃទី ១៥ ខែមករា ឆ្នាំ ២០២៣ សម្ដេចតេជោ ហ៊ុន សែន បានបង្ហោះរូបភាពជាច្រើនសន្លឹក គ្រាដែលសម្ដេចកំពុងបំពេញទស្សនកិច្ចផ្លូវការ នៅប្រទេសម៉ាល់ឌីវ។ សម្ដេចតេជោ ហ៊ុន សែន បានសរសេរខ្លឹមសារថា «ឆ្លៀត មុជទឹកសមុទ្រនៅប្រទេសម៉ាល់ឌីវ ដែលកន្លែងមុជទឹកនៅជាប់ជាមួយបន្ទប់ស្នាក់នៅទាំងទឹកប្រៃនិងទឹកសាប»។

គិតមកដល់ល្ងាចថ្ងៃទី ១៦ ខែមករា ឆ្នាំ ២០២៣នេះ មានអ្នកចូល Like ក្នុងការបង្ហោះរបស់សម្ដេចខាងលើចំនួន ១៥៩K, Shareចំនួន ៦.២K, និង Comment ១៦K។

យ៉ាងណាក៏ដោយ គេសង្កេតឃើញអ្នកលេងហ្វេសប៊ុកម្នាក់ ចូលទៅComment ប្រើប្រាស់ពាក្យសម្ដីមិនសមរម្យមក លើសម្ដេច។ ជាការឆ្លើយតបសម្ដេចតេជោ ហ៊ុន សែន បានសរសេរថា «នេះជាសំដីមនុស្សពាលសូមនគរបាលស្វែងរកបន្ទាន់តើវានៅឯណា?»៕