Connect with us

ព័ត៌មានជាតិ

អ្នកជំនាញជប៉ុន៖ ការវិនិយោគចិននៅកម្ពុជាច្រើន មិនប៉ះពាល់ដល់ការវិនិយោគជប៉ុនឡើយ

បានផុស

នៅ

លោក Yogo Kanda ប្រធានសមាគមធុរកិច្ចជប៉ុនប្រចាំនៅកម្ពុជា(JBAC) បានលើកឡើងថា ទោះបីជាបច្ចុប្បន្ននេះ កម្ពុជា មានក្រុមហ៊ុនចិនជាច្រើនមកវិនិយោគ ក៏មិនផ្តល់ផលប៉ះពាល់អ្វីដល់ក្រុមហ៊ុនវិនិយោគជប៉ុននៅកម្ពុជាឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Yogo Kanda បានអះអាងថា៖ “ខ្ញុំមិនទាន់ឃើញមានជាឥទ្ធិពលអាក្រក់ណាមួយប៉ះពាល់ដល់អាជីវកម្មរបស់ក្រុមហ៊ុនជប៉ុនដែលចូលមកវិនិយោគនៅទីនេះទេ ជាពិសេស នៅក្នុងតំបន់សេដ្ឋកិច្ចពិសេសនៅភ្នំពេញ ដែលមាន ក្រុមហ៊ុនជប៉ុនជិត ៥០ក្រុមហ៊ុន នៅទីនោះ»។ បន្ថែមលើនេះ លោកបានថា រាល់ការស្វែងរកបុគ្គលិកបម្រើការងារដល់ក្រុមហ៊ុន ក៏មិនឃើញមានជាបញ្ហារាំងស្ទះ ឬ ឧបសគ្គអ្វីឡើយ ទោះបីជាមានក្រុមហ៊ុនចិន និងជនជាតិចិនច្រើនយ៉ាងណាក្តី។

បច្ចុប្បន្ន មានអាជីវកម្មរបស់ជនជាតិចិនជាច្រើន ដូចជា ភោជនីយដ្ឋាន ផ្សារទំនើបផ្សេងៗ នៅក្នុងប្រទេសកម្ពុជា។ ជនជាតិចិនចូលមកកម្ពុជា បានជួយសាងសង់ទៅលើសំណង់អគារ ពហុកីឡដ្ឋាន និងផ្លូវល្បឿនលឿន ក៏ដូចជា ហេដ្ឋារចនាសម្ព័ន្ធដទៃទៀត។ ចំណែក ជប៉ុនវិញ ក៏បានផ្តល់ជំនួយខ្លះទៅលើហេដ្ឋារចនាសម្ព័ន្ធមួយចំនួនផងដែរ។ ដូច្នេះ ការសាងសង់សំណង់ផ្សេងៗរបស់ចិននៅក្នុងប្រទេសកម្ពុជានេះ គឺជាផលល្អទៅវិញទេសម្រាប់កម្ពុជាទាក់​ទាញ​វិនិយោគគិនចូលក្នុងប្រទេស ហើយក៏មានការអភិវឌ្ឍផ្នែកហេដ្ឋារចនាសម្ព័ន្ធថែមទៀត។ នេះ គឺជាការលើកឡើងរបស់លោក Yogo Kanda។

សូមកត់សម្គាល់ថា ប៉ុន្មានឆ្នាំចុងក្រោយនេះ វិនិយោគគិនចិនជាច្រើន បានចូលមកវិនិយោគនៅក្នុងប្រទេសកកម្ពុជាទៅលើវិស័យផ្សេងៗ។ ជាក់ស្តែង ការវិនិយោគរបស់ចិននៅកម្ពុជាក្នុងឆ្នាំ ២០២០ មានចំនួន ៨៦០លានដុល្លារ ដែលបានកើនឡើង៧០% បើធៀបនឹងឆ្នាំ២០១៩ ទោះបីស្ថិតនៅក្នុងវិបត្តិកូវីដ-១៩ក៏ដោយ៕

ដោយ៖ អុន ស្រីមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម