ព័ត៌មានជាតិ
ក្រសួងអភិវឌ្ឍន៍ជនបទបានជួសជុលកែលម្អផ្លូវជនបទបានជាង ៤០០ខ្សែ ក្នុងឆ្នាំ២០២២
ក្រសួងអភិវឌ្ឍន៍ជនបទ បានជួសជុលកែលម្អផ្លូវនៅតាមទីជនបទ បានប្រមាណជាង ៤០០ខ្សែ នៅទូទាំងប្រទេស ស្មើនឹងជាង ៦ពាន់គីឡូម៉ែត្រ ក្នុងឆ្នាំ២០២២ ដើម្បីបម្រើដល់ប្រយោជន៍នៃការធ្វើដំណើររបស់ប្រជាពលរដ្ឋ និងការដឹកនាំជញ្ជូន។
ថ្លែងក្នុងសន្និបាតបូកសរុបលទ្ធផលការងារ ឆ្នាំ២០២២ និងលើកទិសដៅអនុវត្ត ឆ្នាំ២០២៣ នៃក្រសួងអភិវឌ្ឍន៍ជនបទ នៅព្រឹកថ្ងៃទី២៤ ខែមករា ឆ្នាំ២០២៣នេះ លោក សួស គង់ រដ្ឋលេខាធិការ ក្រសួងអភិវឌ្ឍន៍ជនបទ មានប្រសាសន៍ថា ដើម្បីបង្កការងាយស្រួលដល់ពលរដ្ឋធ្វើដំណើរ និងដឹកជញ្ជូនផលកសិកម្មនោះ តាមរយៈហិរញ្ញប្បទានពីថវិកាជាតិ ក្រសួងបានជួសជុល និងថែទាំផ្លូវជនបទបានចំនួន ៤២៦ខ្សែ ប្រវែងជាង ៤ ២០០ គីឡូម៉ែត្រ, និងសាងសង់សំណង់សិល្បការគ្រប់ប្រភេទ និងស្លាកសញ្ញាចរាចរណ៍ចំនួនជាង ៣ ពាន់កន្លែង, អនុវត្តគម្រោងសាច់ប្រាក់ពលកម្ម ស្ថាបនាផ្លូវដីបានប្រវែងជាង ៥៧០ គីឡូម៉ែត្រ និងស្ថាបនាផ្លូវក្រាលក្រួសក្រហមបានប្រវែងជាង ៣០០ គីឡូម៉ែត្រ។
ជាមួយគ្នានេះ ដោយបានការគាំទ្រហិរញ្ញប្បទានសហប្រតិបត្តិការពីដៃគូជាច្រើន ក្រសួងបានស្ថាបនា និងកែលម្អលើកកម្រិតផ្លូវជនបទបានប្រវែងជាង ៦០០ គីឡូម៉ែត្រ និងសាងសង់សំណង់សិល្បការបានចំនួនជាង ១ពាន់កន្លែង ដែលលទ្ធផលនៅឆ្នាំ២០២២នេះ មានសកម្មភាពមួយចំនួនយឺតយ៉ាវ ដោយសារគម្រោងខ្លះ ស្ថិតក្នុងដំណាក់កាលកំពុងសិក្សា និងអនុវត្តកិច្ចលទ្ធកម្ម និងដោយសារការបន្តរីករាលដាលនៃជំងឺកូវីដ-១៩។
បណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ មានប្រសាសន៍ថា ក្រសួងកំពុងយកចិត្តទុកដាក់ ក្នុងការសាងសង់ផ្លូវដែលមានភាពធន់នឹងការប្រែប្រួលអាកាសធាតុ ដើម្បីធានាបាននូវនិរន្តរភាព និងប្រសិទ្ធភាព ដូចជាការកាត់បន្ថយការចំណាយលើការថែទាំ។
លោករដ្ឋមន្ត្រី មានប្រសាសន៍បន្តថា ឆ្នាំ២០២៣នេះ គឺជាឆ្នាំទី៥ នៃការអនុវត្តផែនការយុទ្ធសាស្ត្រអភិឌ្ឍន៍ជនបទ ២០១៩-២០២៣ ដែលក្រសួងបានដាក់ចេញគោលបំណងគោលនយោបាយចម្បង គឺការលើកកម្ពស់គុណភាព និងគុណតម្លៃ នៃជីវិតរស់នៅរបស់ប្រជាជនជនបទ ប្រកបដោយបរិយាបន្នទាំងផ្នែកសេដ្ឋកិច្ច សង្គម និងវប្បធម៌៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ