ព័ត៌មានជាតិ
ក្រុងបាត់ដំបងមានផ្ទះបុរាណ ៨០០ ខ្នង ជាទីទាក់ទាញភ្ញៀវទេសចរ
ខេត្តបាត់ដំបងក្រៅពីខេត្តសន្តានុពលលើវិស័យកសិកម្ម និងជាខេត្តទេសចរណ៍ដ៏ទាក់ទាញ ខេត្តនៅភាគពាយព្យនេះក៏បន្សល់ទុកសំណង់និងផ្ទះបុរាណជាសម្បត្តិបេតិកភណ្ឌជាតិជាច្រើនកន្លែង។
ថ្លែងក្នុងសន្និសីទពីជោគជ័យរយៈពេល ៥ ឆ្នាំរបស់រដ្ឋបាលខេត្តនៅព្រឹកនេះ លោក សុខ លូ អភិបាលខេត្តបាត់ដំបងបានឲ្យដឹងថា នៅក្នុងក្រុងបាត់ដំបងមានសំណង់ផ្ទះបុរាណជាង ៨០០ ខ្នងផ្ទះ។
លោកបន្តថា ទេសចរបរទេសជាច្រើនចាប់អារម្មណ៍អគារបុរាណនៅក្នុងក្រុង ជាពិសេសអគារបន្សល់ទុកពីសម័យបារាំងដោយស្នើឲ្យអាជ្ញាធរជួយអភិរក្សឲ្យគង់វង់ដើម្បីបម្រើការទស្សនារបស់ភ្ញៀវទេសចរ។
ដើម្បីរក្សាគុណតម្លៃនៃសំណង់អាគារបុរាណក្នុងទីប្រជុំជនក្រុងបាត់ដំបង កន្លងទៅនេះរដ្ឋបាលខេត្តបាត់ដំបងបានចេញសេចក្តីជូនដំណឹងពីការចុះរៀបចំសណ្តាប់ធ្នាប់ក្នុងតំបន់អាគារអភិរក្សក្រុងក្រុងចាប់ពីផ្លូវលេខ ១ ដល់ផ្លូវលេខ ៣ ពីចំណុចវត្តដំរីស ដល់វត្តពិភិទ្ធារាម និងលំនៅឋានជុំវិញផ្សារធំបាត់ដំបង (ផ្សារណាត់)។
រដ្ឋបាលខេត្តបាត់ដំបង បានណែនាំតម្រូវឱ្យម្ចាស់លំនៅឋាននិងអាជីវកម្មទាំងអស់ដកបង្គោលផ្សព្វផ្សាយពាណិជ្ជកម្មទាំងអស់ចេញពីលើចិញ្ចើមផ្លូវ និងកាត់តម្រឹមសំយ៉ាបផ្ទាំងផ្សព្វផ្សាយពាណិជ្ជកម្ម និងស្លាកយីហោគ្រប់ប្រភេទ ឱ្យសមស្របតាមបទប្បញ្ញត្តិស្តីពីការដាក់តាំងស្លាកផ្សព្វផ្សាយពាណិជ្ជកម្ម និងស្លាកយីហោតាមមុខផ្ទះក្នុងតំបន់អភិរក្ស។
ជាមួយគ្នានេះ លោកអភិបាលខេត្តក៏បានណែនាំឱ្យមន្ត្រីរៀបចំសណ្ដាប់ធ្នាប់សិក្សាឲ្យបានហ្មត់ចត់ ជាពិសេសអំពីប្រពៃណី ទំនៀមទម្លាប់ និងទម្រង់ដើម ដូចជាការលាបពណ៌អាគារបុរាណ ថាត្រូវរៀបចំលាបពណ៌អ្វីដែលជាទម្រង់ដើមនៃអាគារ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ