សម្តេចតេជោ មិនយល់បក្សនយោបាយមួយចំនួន ហាក់កំពុងរៀបចំក្របខ័ណ្ឌគោលនយោបាយឡើងវិញ

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅក្នុងពិធីប្រគល់សញ្ញាបត្រជូននិស្សិតជ័យលាភី នៃសាកលវិទ្យាល័យវេស្ទើនជាង ៣ពាន់នាក់ នាព្រឹកថ្ងៃទី ២៦ ខែមករានេះ បានថ្លែងថា សម្ដេច មិនយល់ចំពោះគណបក្សនយោបាយមួយចំនួន ហាក់កំពុងរៀបចំក្របខ័ណ្ឌគោលនយោបាយឡើងវិញ ដោយសម្ដេច ដាក់ជាចម្ងល់ថា តើមូលដ្ឋាន នៃការការរៀបចំក្របខ័ណ្ឌគោលនយោបាយឡើងវិញនេះ មានន័យបែបណា?

សម្ដេចតេជោ ហ៊ុន សែន បានថ្លែងបែបនេះថា «យើងបានឃើញថា អ្នកតាក់តែងគោលនយោបាយ នៃគណបក្សនយោ បាយមួយចំនួន អាហ្នឹងជាសិទ្ធិរបស់គេទេ ប៉ុន្តែគេហាក់ដូចជាបានរៀបចំក្របខ័ណ្ឌគោលនយោបាយ លើមូលដ្ឋាននៃការធ្វើឡើងវិញ ខ្ញុំក៏មិនយល់ដែរ ហាក់ដូចជាបានបដិសេធចោលនូវអ្វីដែលកំពុងមាននេះ ដូចជាការចាប់ផ្ដើមរៀបចំឡើងវិញទាំងអស់»។

ជាមួយគ្នានេះ សម្ដេចតេជោ ហ៊ុន សែន បានដាក់ជាចម្ងល់ថា តើមូលដ្ឋាន នៃការការរៀបចំក្របខ័ណ្ឌគោលនយោបាយឡើងវិញនេះ មានន័យបែបណា?