សម្ដេចតេជោ ហ៊ុន សែន ៖ កម្ពុជា មិនអនុញ្ញាតឲ្យមានជម្លោះសាសនា នោះឡើយ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានគូសបញ្ជាក់ថា ទឹកដីកម្ពុជា មិនអនុញ្ញាតឲ្យមានជម្លោះសាសនា នោះឡើយ។ ការគូសបញ្ជាក់នេះ គ្រាដែលសម្ដេចតេជោ ហ៊ុន សែន បានអញ្ជើញជាអធិបតីក្នុងពិធីអបអរសាទរខួប ១០០ឆ្នាំនៃគ្រិស្តសាសនា «មរតកដំណឹងល្អ ១០០ឆ្នាំ (១៩២៣-២០២៣)» នៅកម្ពុជា នាព្រឹកថ្ងៃទី ២៧ ខែមករានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចតេជោ ហ៊ុន សែន បានថ្លែងថា ប្រទេសកម្ពុជា មិនអនុញ្ញាតឲ្យមានជម្លោះសាសនា នោះឡើយ ដោយសម្ដេចចាត់ទុកថា ជម្លោះសាសនានេះ គឺជាមហន្តរាយដ៏ធំមួយ។

សម្ដេចតេជោ ហ៊ុន សែន បានថ្លែងបែបនេះថា «យើងពិតជាមិនឲ្យទឹកដីរបស់យើងញាំញី ទៅដោយជម្លោះសាសនា ការបែកបាក់ជាតិសាសន៍ និងសាសនា គឺជាមហន្តរាយដ៏ធំមួយ ដែលមិនត្រូវឲ្យកើតមាននៅក្នុងព្រះរាជាណាចក្រកម្ពុជា នោះទេ»។

សម្ដេចតេជោ ហ៊ុន សែន បានថ្លែងបញ្ជាក់ថា ក្នុងរយៈពេលជាង ៤៤ឆ្នាំកន្លងមកនេះ រាជរដ្ឋាភិបាលកម្ពុជា តែងតែផ្ដល់នូវលទ្ធភាពគ្រប់យ៉ាង ហើយគ្រប់មនុស្សអាចជឿសាសនាណាក៏បាន។ ក្នុងនោះដែរ រាជរដ្ឋាភិបាលកម្ពុជា ក៏ប្រឆាំងនឹងការរើសអើងចំពោះសាសនា ផងដែរ៕