ព័ត៌មានជាតិ

អភិបាលខេត្ត៖ ប្រៀបធៀបខេត្តដទៃ បាត់ដំបងជាខេត្តមានផ្លូវក្នុងក្រុងច្រើនជាងគេ

បានផុស

៣ years មុន

នៅ

ថ្ងៃចន្ទ ៣០ មករា ២០២៣

ដោយ

ក្រុងបាត់ដំបងអាចចាត់ទុកជាក្រុងដែលមានផ្លូវច្រើនជាងគេ បើប្រៀបធៀបក្នុងចំណោមខេត្តដទៃទៀត។ នេះបើតាមការបញ្ជាក់របស់អភិបាលខេត្តបាត់ដំបង។

លើកឡើងក្នុងសន្និសីទបង្ហាញពីជោគជ័យរយៈពេល ៥ ឆ្នាំរបស់រដ្ឋបាលខេត្តកាលពីថ្ងៃ ២៣ មករា ឆ្នាំ ២០២៣ លោក សុខ លូ អភិបាលខេត្តបាត់ដំបងបានឲ្យដឹងថា បើតាមលោកដឹងមិនមានខេត្តណាមានផ្លូវក្នុងក្រុងច្រើនដូចនៅក្រុងបាត់ដំបងនោះទេ។ គ្រាន់តែសង្កាត់ស្វាយប៉ោមួយមានចំនួន ៧៦ ខ្សែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកថា ផ្លូវក្នុងក្រុងបាត់ដំបងមានសរុបចំនួនជាង ១៧៤ ខ្សែ ហើយផ្លូវភាគច្រើនស្ថាបនាជាយូរឆ្នាំមកហើយ ខណៈប៉ុន្មានឆ្នាំចុងក្រោយនេះក៏រងការខូចខាតដោយសារមានការជន់លិច។

កំណើនពលរដ្ឋ រួមទាំងការអភិវឌ្ឍយ៉ាងលឿនដូចជាការសាងសង់លំនៅដ្ឋាន បុរី ខ្លះបានធ្វើឲ្យប៉ះពាល់ដល់ប្រព័ន្ធប្រឡាយ និងប្រព័ន្ធលូរំដោះទឹក ដែលនាំឲ្យជន់លិចខូចខាតដល់ហេដ្ឋារចនាសម្ព័ន្ធផ្លូវក្នុងក្រុង។

បើតាមលោកសុខ លូ អាជ្ញាធរមិនព្រងើយកន្តើយ ក្នុងការស្តារជួសជុលផ្លូវដែលរងការខូចខាតឡើងវិញ។ យ៉ាងណាមិញដោយសារថវិកាមានកម្រិត ហើយផ្លូវដែលខូចខាតមានទំហំធំដូច្នេះការស្តារឡើងវិញត្រូវធ្វើទៅតាមដំណាក់កាល និងតាមផ្លូវអាទិភាព។

លោកសុខ លូ បានបញ្ជាក់ថា អាជ្ញាធរខេត្តគ្រោងកែលម្អផ្លូវក្នុងក្រុងបាត់ដំបង ដោយរៀបចំឲ្យមានផ្លូវជិះកង់ ផ្លូវថ្មើរជើង រួមទាំងដាំដើមឈើលំអផងដែរ៕