ព័ត៌មានជាតិ
សម្ដេចតេជោ ហ៊ុន សែន៖ «បច្ចេកវិទ្យាថ្មីក៏ហ្វឹកហាត់ វិជ្ជាជីវៈដូនតាក៏អភិវឌ្ឍ»
ប្រមុខដឹកនាំរាជរដ្ឋាភិបាលកម្ពុជា កាលពីថ្ងៃទី ០២ ខែកុម្ភៈ ឆ្នាំ ២០២៣ បានប្រកាសអនុញ្ញាតឱ្យក្រសួងវប្បធម៌ និងវិចិត្រសិល្បៈផ្ដល់ការបណ្ដុះបណ្ដាលជំនាញវិជ្ជាជីវៈដូនតា (សិប្បកម្មប្រពៃណី) ដល់សិស្សានុសិស្សដោយឥតគិតថ្លៃ។
សម្ដេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៍នៅក្នុងជំនូបជាមួយសិស្សនិទ្ទេស A ចំនួន ១ ០៤៩ នាក់ថា រាជរដ្ឋាភិបាលបានដាក់ចេញគម្រោងថ្មីមួយ ផ្ដល់ការបណ្ដុះបណ្ដាលជំនាញបច្ចេកទេសវិជ្ជាជីវៈ ដល់សិស្សក្រីក្រប្រមាណ ១,៥ លាននាក់ នាចុងឆ្នាំ ២០២៣នេះ ក្នុងនោះសម្ដេចបានចុះហត្ថលេខារួចហើយ ឱ្យសិស្សសិក្សាជំនាញដូនតា យ៉ាងហោចណាស់ឱ្យបាន ២% ទៅ ៤% ក្រោមការគ្រប់គ្រងដោយក្រសួងវប្បធម៌ និងវិចិត្រសិល្បៈ។
សម្ដេចតេជោ ហ៊ុន សែន បញ្ជាក់ថា វិជ្ជាជីវៈដូនតាសំដៅដល់ជំនាញ ជាងចម្លាក់ ស្មូន គំនូរ តម្បាញ ហូល ផាមួងជាដើម ខណៈជំនាញដូនតានេះ ក៏អាចដោះស្រាយការងារ បង្កើតមុខរបរ ព្រមទាំងមានតម្រូវការផងដែរ។
សម្ដេចតេជោ ហ៊ុន សែនមានប្រសាសន៍ថា៖ «បច្ចេកវិទ្យាថ្មីៗក៏យើងហ្វឹកហាត់ វិជ្ជាជីវៈមុខរបរដូនតារបស់យើងដែលបន្សល់ទុកក៏យើងត្រូវបណ្ដុះបណ្ដាលដែរ។ គ្រូចាស់ៗដែលគាត់ស្លាប់ទៅបាត់ឱកាសសម្រាប់ក្មេងៗខាងក្រោយក្រោយ។ កំពុងឱ្យសិក្សារួមគ្នា ក្នុងការបង្កើតនូវកម្មវិធីនៃការបណ្ដុះបណ្ដាលវិជ្ជាជីវៈ។ អាចចាប់ផ្ដើមក្រោយអាណត្តិរដ្ឋាភិបាលថ្មី»។
សម្ដេចនាយករដ្ឋមន្ត្រីបញ្ជាក់ថា ជំនាញនេះ មិនត្រឹមតែមិនឱ្យបាត់បង់ទេ តែត្រូវធ្វើឱ្យផ្នែកនេះ រីកចម្រើនឡើង ដែលជាផ្នែកមួយសមិទ្ធផលសម្រាប់វិស័យទេសចរណ៍៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង