ព័ត៌មានជាតិ

សម្ដេចនាយករដ្ឋមន្ត្រីលើកយោបល់ចុះបញ្ជីក្បាច់គុនប្រដាល់រួមគ្នាចៀសវាងទំនាស់ដណ្ដើមជាម្ចាស់

បានផុស

១ year មុន

នៅ

ថ្ងៃព្រហស្បតិ៍ ២ មីនា ២០២៣

ដោយ

សម្ដេចតេជោ ហ៊ុន សែន នាយករដ្ឋមន្ត្រីកម្ពុជានៅថ្ងៃទី ២ ខែមីនានេះ បានលើកយោបល់ឱ្យប្រទេសកម្ពុជា ថៃ ឡាវ និងប្រទេសមីយ៉ាន់ម៉ា ធ្វើការសម្របសម្រួលចុះបញ្ជីក្បាច់គុណប្រដាល់រួមនៅក្នុងក្របខ័ណ្ឌបេតិកភណ្ឌអរូបីនៅអង្គការយូនីស្កូ ដើម្បីចៀសវាងទំនាស់ដណ្ដើមគ្នាធ្វើជាម្ចាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៍ក្នុងពិធីអបអរសាទរទិវាវប្បធម៌ជាតិ ៣ មីនា លើកទី ២៥ ថា ការដណ្ដើមគ្នាធ្វើកម្មសិទ្ធិរឿងនេះជារឿងដែលមិនគួរចិញ្ចឹមទំនាស់ដែលអូសបន្លាយមិនចេះចប់ ខណៈភាពចម្រូងចម្រាស់រវាងក្បាច់គុណខ្មែរ និងក្បាច់គុនថៃ ឡាវ និងមីយ៉ាន់ម៉ាក៏មានដែរ។

សម្ដេចតេជោ ហ៊ុន សែន មានប្រសាសន៍ថា យើងច្បាស់ជាដឹងថា នៅតាមប្រាសាទរបស់យើងពិតជាមាននៅក្បាច់គុននោះពិតប្រាកដក៏ប៉ុន្តែចំណុចនេះ តើយើងអាចធ្វើការសន្ទនាជាមួយបណ្ដាប្រទេសដែលជាប់ពាក់ព័ន្ធ ដូចជាកន្លងទៅខ្ញុំក៏មានការសន្ទនាជាមួយនាយករដ្ឋមន្ត្រីថៃ និងនាយករដ្ឋមន្ត្រីឡាវ។

តើយើងអាចពិភាក្សាសម្របសម្រួលគ្នាបានទេ! ឧទារហរណ៍យើងអាចចុះបញ្ជីរួមគ្នានៅក្នុងក្របខ័ណបេយតិកភ័ណ្ឌអរូបីនៅអង្គការយូនីស្កូ។ ដែលកន្លងទៅ ការទាញព្រ័ត្រយើងបានចុះបញ្ជីរួមគ្នា។ ពេលដែលមកប្រកួតនៅកម្ពុជាយើងហៅឈ្មោះថា គុនខ្មែរ ពេលដែលប្រកួតនៅថៃ ហៅថា Muy Thai ពេលដែលប្រកួតនៅប្រទេសឡាវ ហៅថា គុនឡាវ ឬមីយ៉ាន់ម៉ាហៅតាមប្រទេសទៅ។

សម្ដេចតេជោបញ្ជាក់ថា បើរកការសម្របសម្រួលមួយនេះបាន យើងមិនចាំបាច់ដណ្ដើមគ្នាធ្វើជាម្ចាស់៕

អត្ថបទ៖ ឡេង ដេត