Connect with us

ព័ត៌មានជាតិ

សម្តេច​តេជោ៖ ការ​បង្ហាញ​វប្បធម៌​ខុសក្បួន​ខ្នាត ស្មើ​បំផ្លាញ​វប្បធម៌​ទៅ​វិញ

បានផុស

នៅ

ប៉ុន្មាន​នាទី​មុនេះ សម្តេច​តេជោ ហ៊ុន សែន​ ប្រមុខ​រដ្ឋាភិបាល​បាន​ផ្ញើសារ​ក្រោយ​មាន​ទំនាស់​រវាង​លោក​ស្រី ទ្រី ដាណា ជាមួយ​ក្រសួង​វប្បធម៌ និង​វិចិត្រសិល្បៈ ពាក់ព័ន្ធ​ការរៀបចំកម្មវិធីផ្សព្វផ្សាយអំពីវប្បធម៌ខ្មែរនៅ​​ក្នុងព្រឹត្តិការណ៍អង្គរសង្ក្រាន្តនៅ​ខេត្ត​សៀមរាប។ ​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេច​បាន​បង្ហាញ​កង្វល់ ទាក់ទង​ការ​បង្ហាញទម្រង់​​វប្បធម៌​សិល្បៈខ្មែរ​ទៅ​ដល់​ពលរដ្ឋ​រស់នៅបច្ចុប្បន្ន​និង​ក្មេង​ជំនាន់​ក្រោយ បើ​ធ្វើ​មិនបាន​​ត្រឹមត្រូវ​តាម​ក្បួនខ្នាតស្មើ​បំផ្លាញ​ទៅ​វិញ។

ប្រមុខរ​ដ្ឋាភិបាល​បាន​ថ្លែង​ថា ការ​ចូលរួម​ផ្សព្វផ្សាយ​​វប្បធម៌​ខ្មែរ ជា​រឿងត្រឹមត្រូវ និង​ល្អ តែ​ការ​បង្ហាញ​ដោយ​ខុស​ក្បួនខ្នាត​ស្មើ​បំផ្លាញ ព្រោះ​នេះជា​សម្បត្តិ​វប្បធម៌​ជាតិ។ រឿង​នេះ​អាច​មើល​ឃើញ​តូចតាច តែ​សម្តេច​មើលឃើញ​ជា​រឿង​ធំ​របស់​ជាតិ​សម្រាប់រយៈពេលវែង​​​រាប់​រយ​រាប់​ពាន់​ឆ្នាំ​តទៅមុខ​​ទៀត។

សម្តេច​បាន​​រំលឹក​ក្នុង​ទិវាវ​ប្បធម៌ជាតិ​ថ្មីៗ​នេះ​ ដោយ​ណែនាំ​ឲ្យ​ក្រសួង​វប្បធម៌ត្រូវ​​ពិនិត្យ​ឲ្យបាន​ហ្មត់ចត់លើ​ការ​សាងសង់​រូបសំណាក បដិមាករ​​ផ្សេងៗ​ធ្វើ​យ៉ាងណា​ឲ្យ​សមស្របតាម​ទម្រង់​ឲ្យ​បានត្រឹមត្រូវ​។ ជាក់ស្តែង​ករណី​​រូប​ចម្លាក់ និង​បដិមា ដែល​អភិសេដ​រួចហើយ​មិន​អាច​វៃ​ចោល​បាន​ទេ ហើយ​នឹង​អាច​​ប៉ះពាល់​យូរ​អង្វែង។ ដូចគ្នា​បើ​សិន​មាន​នរណា​ម្នាក់​​យក​​សម្លៀកបំពាក់​ទៅ​តាំង​​បង្ហាញ​មិន​ត្រឹមត្រូវ​តាម​ក្បួនខ្នាត​ ផ្សព្វផ្សាយ​តៗ​គ្នា​នឹង​បង្កើត​សណ្ឋាន​ដ៏​គ្រោះថ្នាក់​នៃ​វប្បម៌របស់​ជាតិ។

សម្តេច​បាន​បន្ថែម​ថា ​ការ​ពន្យល់​របស់​ក្រសួង​ពិតជា​ត្រឹមត្រូវ សម្លៀកបំពាក់​ក៏​ដូចគ្នា ​​សម័យ​កាល​ណា អង្គរ ឬ​ក្រោយ​សម័យ​អង្គរ​ត្រូវ​រៀបចំ​ឲ្យច្បាស់លាស់។ សម្លៀកបំពាក់សម័យ​បច្ចុប្បន្ន​​មិន​ជា​បញ្ហា​។ ប៉ុន្តែ​សម្លៀកបំពាក់​សម័យ​បុរាណ​ត្រូវ​ធ្វើ​ឲ្យ​បាន​ត្រឹមត្រូវ​ ហ្មត់ចត់បំផុត​មិន​​ឲ្យ​​ខុស​​ទម្រង់​​ដើម​។

សម្តេច​តេជោ​បាន​បន្ថែម​ថា មិន​អាច​ខ្ជីខ្ជារ​បាន​ទេ ជាតិ​សាសន៍​របស់​យើង​ដែល​មាន​ចំណាំ​​វប្បធម៌​ច្បាស់លាស់ ប៉ុន្តែ​​មិន​ធ្វើ​​មិន​បាន​ហ្មត់ចត់​ទេ​នោះ​ អាច​ប៉ះពាល់​វប្បធម៌​ខ្លួន​ឯង​ផង​និង​ប្រទេស​ដទៃ​ ដែល​អាច​ចោទ​ថា​យើង​បាន​លួចចម្លង​​​របស់​គេ។

ប្រទេស​ជិត​ខាងក្នុង​​តំបន់​របស់​យើងក៏​​មាន​ទម្រង់​សម្លៀកបំពាក់​ប្រហាក់ប្រហែល​គ្នា ដែល​ត្រូវ​ចៀសវាង​រងការ​ចោទប្រកាន់​ការ​លួច​​ចម្លង​ពី​គេ។

សម្តេច​បាន​ថ្លែង​ថា សម្តេច​ត្រូវ​តែ​ពន្យល់​លោក​ស្រី ទ្រី ឌីណា ក៏​ដូចជា​ជនរួមជាតិ​ពី​ការ​ទទួល​ខុសត្រូវ​របស់​ក្រសួង​វប្បធម៌ដែល​ជា​សេនាធិការ​ការពារវប្បធម៌ បើ​ក្រសួង​បណ្តែតបណ្តោយ​ឲ្យ​ធ្វើ​ខុស ​ត្រូវ​ទទួល​ខុស​ត្រូវ​ចំពោះ​រដ្ឋាភិបាល​ផង និង​រដ្ឋសភា​ផង។

តាម​ច្បាប់រដ្ឋមន្រ្តី​ត្រូវ​ទទួល​មុខ​ចំពោះ​នាយករដ្ឋមន្រ្តី និង​សភាជាតិ។ សម្តេចច​ស្នើ​ឲ្យ​លោក​ស្រី ទ្រី ដាណា ទទួល​ការ​ណែនាំ​របស់​ក្រសួង​វប្បធម៌ ក្នុង​ករណី​មិន​អាច​ទទួលយក​​បាន​ទេ ក៏​មិន​អនុញ្ញាតិ​ឲ្យ​តាំង​ផង​ដែរ។

សម្តេច​ថា ការ​តាំង​ជា​ការ​ល្អដើម្បី​ផ្សព្វផ្សាយ​វប្បធម៌​របស់ជាតិ ប៉ុន្តែ​ការ​តាំង​ណាមួយ​ខុស​ទម្រង់​ស្មើ​បំផ្លាញ​ទៅ​វិញ ចឹង​មិន​តាំង​ល្អ​ជាង​តាំង។ សម្តេច​បាន​ស្នើ​លោកស្រី ទ្រី ដាណា សហការ​ជាមួយ​ក្រសួង​វប្បធម៌ ជា​ចលនា​រួម​បញ្ចូល​ជាតិដោយ​មានការ​ទទួល​ខុស​ត្រូវ។

សម្តេច​ក៏​បាន​រំលឹក​កាល​ពី​ជាង ២០ ឆ្នាំ​មុន មាន​ការ​ថត​ខ្សែ​ភាពយន្ត​ដោយ​ប្រើប្រាស់​​សម្លៀកបំពាក់ខ្មែរ​មិន​ស្រប​តាម​ទម្រង់​ដើម​ ហើយសម្តេច​​ចោទសួរ​ តើ​សម្លៀក​បំពាក់​នោះ​ពី​សម័យ​ណា ទើប​ចេញ​មក​បែបហ្នឹង។ ​ប្រតិកម្ម​របស់​សម្តេច​តេជោ រហូត​មក​ដល់​ពេលនេះ​គ្មាន​​ចម្លើយឆ្លើយតប​ទេ​ជាង ២០ ឆ្នាំ​មក​នេះ។

ចំណុច​នេះ គេ​អាច​មើល​ឃញ​ថា សម្តេច​បាន​ដឹកនាំ​ប្រទេស​នេះ​ដោយ​មិន​ធ្វេស​ប្រហែស ធ្វើ​ឲ្យ​បាត់បង់​ប្រពៃណី និង​ច្បាប់​ដើម​វប្បធម៌​ដើម​ឡើយ។ ករណីនេះ​សម្តេច​ឲ្យ​យកចិត្តទុកដាក់ និង​លោក​ស្រី​ទ្រី ដាណា ក៏​មិន​ត្រូវ​បន្ទោស​ភាព​តឹងតែង​របស់​ក្រសួង​ ហើយ​សង្ឃឹម​ថា លោក​ស្រី ទ្រី ដាណា និង​ពលរដ្ឋ​ទូទាំងប្រទេស​ នឹង​យល់​អ្វី​ដែល​សម្តេច​ចង់​បញ្ជាក់​ដើម្បី​ចៀសវាង​ការ​ខូចខាត​រយៈ​ពេល​វែង​នៅពេលក្រោយ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣៣ នាទី មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង២ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

សន្តិសុខសង្គម៣ ម៉ោង មុន

ផ្តន្ទាទោស​ប្អូន​ថ្លៃ​ដាក់ពន្ធនាគារ ២ ឆ្នាំ ក្រោមរូបភាពបញ្ចុះបញ្ចូលធ្វើមន្តអាគម

ព័ត៌មានអន្ដរជាតិ៣ ម៉ោង មុន

Breaking News! សមាជិកសភាបក្សកាន់អំណាច កូរ៉េខាងត្បូង ត្រូវជនដៃ ដល់អាយុ ១៥ ឆ្នាំយកដុំថ្មវាយបែកក្បាល

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម