ព័ត៌មានជាតិ
ចង់ចូលបម្រើការងាររដ្ឋ ឬជួរមន្ត្រីក្របខណ្ឌស៊ីវិល គួរចេះជំនាញអ្វីខ្លះ?
ការចាប់យកជំនាញមកសិក្សានៅសាកលវិទ្យាល័យ ពិតជាមានសារៈសំខាន់ណាស់សម្រាប់សិស្សានុសិស្ស ជាពិសេសអ្នកដែលចង់ឈានជើងចូលបម្រើការងារក្នុងជួររដ្ឋាភិបាល ឬក្នុងជួរមន្ត្រីរាជការ នៅតាមក្រសួងស្ថាប័ននានាទាំងនៅរាជធានីភ្នំពេញ និងតាមបណ្ដាខេត្ត-ក្រុងនានា។
ពិតណាស់ មានមហាជនទូទៅ ឬសិស្សនិស្សិត ជាច្រើន ដែលស្រលាញ់និងមានបំណងចង់ចូលធ្វើជាមន្ត្រីក្របខណ្ឌ បម្រើការតាមក្រសួង ស្ថាប័ន និងអង្គភាពនានារបស់រាជរដ្ឋាភិបាល។ ដូច្នេះ ការត្រៀមខ្លួនក៏ដូចជាស្វែងយល់ពីជំនាញដែលអាចនឹងក្លាយជាឱកាសនៃការជ្រើសរើសរបស់ក្រសួង ជារឿងចាំបាច់បំផុតដែលត្រូវសិក្សាស្វែងយល់។
យ៉ាងណាមិញ ដោយផ្នែកលើការចេញសេចក្ដីប្រកាសពីការជ្រើសរើសបេក្ខជន សិស្ស-និស្សិត មន្ត្រី របស់ក្រសួងចំនួន ៣ដូចជា ក្រសួងសេដ្ឋកិច្ច និងហិរញ្ញវត្ថុ, ក្រសួងការបរទេស និងសហប្រតិបត្តិការ អន្តរជាតិ និងក្រសួងរ៉ែ និងថាមពល ក្នុងឆ្នាំ២០២៣នេះ បានគូសបញ្ជាក់ពីជំនាញជាច្រើនត្រូវជ្រើសរើស។
ខាងក្រោមនេះ ជាមុខជំនាញមួយចំនួន ដែលជាអាទិភាពក្នុងការជ្រើសរើសតាមរយៈក្រសួងទាំង ៣ ដូចជា៖
១.ក្រសួងការបរទេស និងសហប្រតិបត្តិការ អន្តរជាតិ
យោងតាមសេចក្ដីប្រកាសរបស់ក្រសួងការបរទេស និងសហប្រតិបត្តិការ អន្តរជាតិ ចុះកាលពីថ្ងៃទី១០ ខែកុម្ភៈ ឆ្នាំ២០២៣ ស្តីពីការជ្រើសរើសមន្ត្រីក្រប ខណ្ឌ«ក» រាល់បេក្ខជន-បេក្ខនារី ដែលចង់ចូលប្រឡងប្រជែង ទាមទារឱ្យមានលក្ខណសម្បត្តិលើមុខជំនាញដូចជា ភាសាអង់គ្លេស, ទំនាក់ទំនងអន្តរជាតិ, នីតិសាស្ត្រ, សេដ្ឋកិច្ច, នយោបាយអន្តរជាតិ, ពាណិជ្ជកម្មអន្តរជាតិ, ហិរញ្ញវត្ថុ, គណនេយ្យ, ស្ថាបត្យកម្ម និងព័ត៌មានវិទ្យា ជាដើម។
២.ក្រសួងរ៉ែ និងថាមពល
សេចក្ដីជូនដំណឹងចុះកាលពីថ្ងៃទី២៧ ខែកុម្ភៈ ឆ្នាំ២០២៣ កន្លងទៅថ្មីៗនេះ របស់ក្រសួងរ៉ែ និងថាមពល ស្តីពីការជ្រើសរើសបេក្ខជនឱ្យចូលបម្រើការងារជាមន្ត្រីរាជការស៊ីវិល ក្របខណ្ឌថ្មី ក្រប ខណ្ឌ«ក» បញ្ជាក់ថា មុខជំនាញជាអាទិភាព មានដូចជា សេដ្ឋកិច្ច, ហិរញ្ញវត្ថុ គណនេយ្យ, នីតិសាស្ត្រ និងរដ្ឋបាលសាធារណៈ។
៣.ក្រសួងសេដ្ឋកិច្ច និងហិរញ្ញវត្ថុ
កាលពីថ្ងៃទី២៧ ខែកុម្ភៈ ឆ្នាំ២០២៣ កន្លងទៅ ក្រសួងសេដ្ឋកិច្ច និងហិរញ្ញវត្ថុ បានប្រកាសពីការជ្រើសរើសមន្ត្រីក្របខណ្ឌទាំងពីរគឺក្រប ខណ្ឌ«ក, ខ» ដើម្បីឱ្យចូលបម្រើការងារនៅអគ្គនាយកដ្ឋានរតនាគារជាតិ នៃក្រសួងតាមអង្គភាពនីមួយៗ។ យ៉ាងណាមិញ មុខជំនាញដែលក្រសួងសេដ្ឋកិច្ច បានសម្រេចជ្រើសរើសលើបេក្ខជនដូចជា គណនេយ្យ, ហិរញ្ញវត្ថុ, ធនាគារ, គ្រប់គ្រង, សេដ្ឋកិច្ច, រដ្ឋាភិបាលធុរកិច្ច, ព័ត៌មានវិទ្យា នីតិសាស្ត្រ និងអ្វីដែលខ្វះមិនបានគឺភាសាបរទេស(អង់គ្លេស)។
ដោយផ្អែកលើសេចក្ដីជូនដំណឹងពីការជ្រើសរើសមន្ត្រីតាមក្របខណ្ឌ របស់ក្រសួងទាំង ៣ ដែលបានរៀបរាប់ បានគូសបញ្ជាក់ពីមុខជំនាញ ដែលក្រសួងតម្រូវឱ្យបេក្ខជន-បេក្ខនារី ត្រូវមាន ក្នុងឆ្នាំ២០២៣ ដូចជា ភាសាអង់គ្លេស, ទំនាក់ទំនងអន្តរជាតិ, នីតិសាស្ត្រ, សេដ្ឋកិច្ច, នយោបាយអន្តរជាតិ, ពាណិជ្ជកម្មអន្តរជាតិ, ហិរញ្ញវត្ថុ គណនេយ្យ, ស្ថាបត្យកម្ម, ព័ត៌មានវិទ្យា, រដ្ឋបាល សាធារណ, គណនេយ្យ, ហិរញ្ញវត្ថុ ធនាគារ, គ្រប់គ្រង និងរដ្ឋាភិបាលធុរកិច្ច ជាដើម។
មិនតែប៉ុណ្ណោះ ការបង្ហាញពីមុខជំនាញនៃការជ្រើសរើស ដើម្បីអាចក្លាយជាមន្ត្រីក្របខណ្ឌឆ្នាំ២០២៣ អាចក្លាយជាតម្រុយល្អមួយ ដល់បេក្ខជនជំនាន់ក្រោយៗ ឱ្យពួកគេរើសជំនាញមកសិក្សាដែលមានអាទិភាពខ្ពស់ ស្របតាមការត្រូវការនៅតាមក្រសួងស្ថាប័ន របស់រាជរដ្ឋាភិបាល៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ