Connect with us

ព័ត៌មានជាតិ

តម្លៃ​ដំឡូង​មីកើន​​​ខ្ពស់​ឆ្នាំនេះ ដំឡូង​មីក្រៀម​ អាច​លក់​ចេញ​​ ៨០០-៩០០ រៀល/គីឡូ

បានផុស

នៅ

បើតាម​មន្រ្តី​ក្រសួង​ពាណិជ្ជកម្ម​បាន​​ឲ្យ​ដឹង​ថា តម្លៃ​ដំឡូង​មី​នៅ​ឆ្នាំនេះមានតម្លៃ​លក់​កើន​ខ្ពស់​​ជាង​ឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក រាជ រ៉ា រដ្ឋលេខាធិការក្រសួងពាណិជ្ជកម្ម និងជាអនុប្រធានក្រុមការងារអចិន្ត្រៃយ៍នៃក្រុមការងារអន្តរស្ថាប័ន សម្រាប់ពិនិត្យ តាមដាន វាយតម្លៃការអនុវត្តគោលនយោបាយជាតិស្តីពីដំឡូងមី២០២០-២០២៥ បាន​ឲ្យ​ដឹងនៅក្នុង​ពេល​ចូលរួម​សិក្ខាសាលាស្តីពី “ការផ្សព្វផ្សាយ និងជំរុញការអនុវត្តគោលនយោបាយជាតិស្តីពីដំឡូងមី ២០២០-២០២៥” ​នៅខេត្តក្រចេះថ្មីៗ​នេះ​​ថា តម្លៃដំឡូងមី​ឆ្នាំនេះ​កើនលើស​ឆ្នាំ​មុន ដោយ​ដំឡូងមីស្រស់អាច​លក់ចេញ​​បាន​ចន្លោះពី ៣០០-៥០០រៀល/គីឡូ និងដំឡូងមីក្រៀមតម្លៃចន្លោះពី ៨០០-៩០០ រៀល/គីឡូ។

មន្រ្តី​ក្រសួង​ពាណិជ្ជកម្មរូបនេះអះអាង​ថា តម្លៃនេះមានលក្ខណៈល្អប្រសើរ បើ​ធៀបនឹងឆ្នាំកន្លងទៅ។

បើតាម​មន្រ្តីក្រសួង​ពាណិជ្ជកម្មដដែល នៅ​ក្នុងរយៈពេល ១០ ខែចុងក្រោយក្នុង​ឆ្នាំ២០២២ កម្ពុជាបាន​នាំចេញដំឡូងមី ស្រស់ ក្រៀម ម្សៅដំឡូងមី និងកាកសំណល់ដំឡូងមីបានជិត ៣ លានតោន ទៅកាន់ទីផ្សារអន្តរជាតិជាពិសេស ថៃ និងវៀតណាម។

រដ្ឋាភិបាល​បាន​​ប្រកាស​ដាក់​ចេញ​គោលនយោបាយជាតិស្តីពីដំឡូងមី ២០២០-២០២៥ ដើម្បី​ប្រែក្លាយ​កម្ពុជាក្លាយជាទីតាំងផលិត កែច្នៃ និងជាអ្នកផ្គត់ផ្គង់ផលិតផលដំឡូងមីមួយ ដែលអាចជឿទុកចិត្តបានសម្រាប់ទីផ្សារពិភពលោក។

គោលនយោបាយជាតិនេះ មានគោលដៅសំខាន់ចំនួន ៣ គឺ (ទី១) ការផ្លាស់ប្តូរពីផលិតកម្មដំឡូងមីបែបប្រពៃណីឬគ្រួសារ ឱ្យទៅជាផលិតកម្មដំឡូងមីបែបពាណិជ្ជកម្ម (ទី២) ការគាំទ្រដល់អ្នកកែច្នៃផលិតផលដំឡូងមីឱ្យមានសក្តានុពល​ និងទាក់ទាញវិនិយោគ ដើម្បីកែច្នៃផលិតផលពីដំឡូងមី ដែលមានតម្លៃបន្ថែមខ្ពស់សម្រាប់ផ្គត់ផ្គង់ទីផ្សារ ​(ទី៣) ការលើកកម្ពស់ភាពប្រកួតប្រជែងពាណិជ្ជកម្ម តាមរយៈការជ្រៀតចូលនិងចាប់យកចំណែកទីផ្សារ ដោយផ្សារភ្ជាប់ទៅនឹងអន្តរវិស័យដែលពាក់ព័ន្ធក្នុងការនាំចេញ។

ដំឡូងមីបានដើរតួនាទីយ៉ាងសំខាន់ ក្នុងការលើកកម្ពស់ជីវភាពប្រជាជននៅតាមទីជនបទ។ វាជាដំណាំសំខាន់បំផុតបន្ទាប់ពីស្រូវ។ បើ​តាមរបាយការណ៍​របស់​ក្រសួង​កសិកម្ម បច្ចុប្បន្នកម្ពុជាមាន​​ផ្ទៃដី​ដាំ​ដំឡូង​មី​សរុប​ជាង ៦៥​ ម៉ឺនហិកតា​នៅ​ទូទាំង​ប្រទេស៕


Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ នាទី មុន

អ្នកវិទ្យាសាស្រ្តរកឃើញថ្នាំ ជួយអ្នកខ្ជិលហាត់ប្រាណ ឲ្យឡើងសាច់ដុំដូចគេដូចឯង

ព័ត៌មានជាតិ១២ នាទី មុន

រដ្ឋបាលខេត្តបាត់ដំបងត្រៀមរៀបចំព្រឹត្តិការណ៍សង្ក្រាន្តរយៈពេល ៥ ថ្ងៃ

ព័ត៌មានអន្ដរជាតិ៦ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ១០ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១០ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

Sokha Hotels

ព័ត៌មានពេញនិយម