ព័ត៌មានជាតិ
សម្ដេចតេជោ ហ៊ុន សែន ស្នើឱ្យពន្លឿនជួសជុលព្រះរាជដំណាក់ខេត្តសៀមរាបឡើងវិញ
សម្ដេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី ១៦ ខែមីនា បានស្នើឱ្យពន្លឿនជួសជុលព្រះរាជដំណាក់ខេត្តសៀមរាបឡើងវិញក្រោយរងការខូចខាតដោយសារគ្រោះអគ្គិភ័យ ឆាបឆេះកាលពីយប់ថ្ងៃទី ១២ ខែមីនា កន្លងមកនេះ។
សម្ដេចតេជោ ហ៊ុន សែន លើកឡើងនៅក្នុងពិធីអញ្ជើញប្រគល់សញ្ញាបត្រដល់និស្សិតសាកលវិទ្យាល័យបៀលប្រាយ នៅថ្ងៃទី ១៦ ខែមីនានេះ ដោយជំរុញឱ្យសម្ដេចចៅហ្វាវាំង គង់ សំអុល ពន្លឿនការជួសជុលឡើងវិញទោះចំណាយថវិកាប៉ុន្មានក៏ដោយ។
សម្ដេចតេជោ ហ៊ុន សែន ក៏បានសម្ដែងការចូលរួមសោកស្ដាយចំពោះហេតុការណ៍ឆេះព្រះរាជដំណាក់ខេត្តសៀមរាបនេះដែរ និងប្រតិកម្មចំពោះក្រុមប្រឆាំងនៅបរទេសដែលបានបំភ្លៃការពិតចោទប្រកាន់ថា រាជរដ្ឋាភិបាលជាអ្នករៀបចំឱ្យមានករណីនេះកើតឡើង។
សម្ដេចតេជោ ហ៊ុន សែនថ្លែងថា៖«ឥឡូវបញ្ហានេះ គឺបកស្រាយត្រឹមតែកម្រិតនៃសេចក្ដីប្រកាសរបស់ក្រសួងព្រះបរមរាជវាំងទាក់ទងនឹងការឆេះព្រះរាជដំណាក់នោះបានហើយ កុំទៅហួសពីហ្នឹងដូចដែលពួកទមិឡឥតសាសនាបកស្រាយពីខាងក្រៅថា នេះគឺជាការរៀបចំមួយរបស់គណបក្សប្រជាជន និងរាជរដ្ឋាភិបាល។ ខ្ញុំអំពាវនាវទៅបារមីព្រះអង្គចេក ព្រះអង្គចម សូមឱ្យព្រះអង្គកុំត្រាប្រណីពួកនេះឱ្យសោះ»។
ជាមួយគ្នានេះ សម្ដេចតេជោ ហ៊ុន សែន ក៏អំពាវនាវឱ្យអាជ្ញាធរ សមត្ថកិច្ចយកចិត្តទុកដាក់ ប្រុងប្រយ័ត្នបញ្ហាអគ្គិសភ័យ ខណៈករណីឆេះ កើតឡើងសឹងរាល់ថ្ងៃ៕
អត្ថបទ៖ ឡេង ដេត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង