ព័ត៌មានជាតិ
អេប អេស៊ីលីដាម៉ូបាល ដែលបង្កើតឡើងដោយស្នាដៃកូនខ្មែរ នឹងពង្រីកការទូទាត់ឆ្លងដែនទៅដល់វៀតណាមឆាប់ៗនេះ
បន្ទាប់ពីបានដាក់អនុវត្តដោយជោគជ័យនៅប្រទេសថៃ កាលពីឆ្នាំ ២០២០ រួចមក ឥឡូវនេះអេប អេស៊ីលីដាម៉ូបាល ដែលបង្កើតឡើងដោយស្នាដៃកូនខ្មែរ នឹងពង្រីកការទូទាត់ឆ្លងដែនទៅដល់ប្រទេសវៀតណាមនាពេលឆាប់ៗនេះ ដើម្បីផ្តល់ភាពងាយស្រួលដល់អតិថិជនកម្ពុជាក្នុងការទូទាត់ប្រាក់ និងជំរុញការប្រើប្រាស់ប្រាក់រៀលឲ្យបានកាន់តែទូលំទូលាយបន្ថែមទៀត។
យោងតាមសេចក្ដីជូនព័ត៌មានរបស់ធនាគារអេស៊ីលីដាភីអិលស៊ី បានឲ្យដឹងថា បច្ចុប្បន្ននេះអតិថិជនកម្ពុជាអាចចាយប្រាក់រៀលបានគ្រប់ទីកន្លែងនៅប្រទេសថៃ ហើយឆាប់ៗនេះក៏អាចចាយប្រាក់រៀលនៅប្រទេសវៀតណាមបានផងដែរ តាមរយៈ QR លើអេប អេស៊ីលីដាម៉ូបាល។
តាមរយៈ QR លើអេប អេស៊ីលីដាម៉ូបាល នេះ នឹងផ្តល់ជូនអតិថិជនកម្ពុជាដែលបានទៅកម្សាន្ត និងស្នាក់នៅប្រទេសវៀតណាមទូទាត់ប្រាក់កាន់តែមានភាពងាយស្រួល ក៏ដូចជាជួយជំរុញការប្រើប្រាស់ប្រាក់រៀលឲ្យបានកាន់តែទូលំទូលាយស្របតាមទិសដៅធនាគារជាតិ នៃកម្ពុជា ក៏ដូចជាសហគមន៍សេដ្ឋកិច្ចអាស៊ានផងដែរ។
ជាជំហានបន្ទាប់ ធនាគារអេស៊ីលីដា ក៏មានគម្រោងពង្រីកការទូទាត់ឆ្លងដែនតាម QR នេះ ដល់បណ្ដាប្រទេសអាស៊ានមួយចំនួនបន្ថែមទៀតផងដែរ ដើម្បីពង្រីកការប្រើប្រាស់ប្រាក់រៀលឲ្យកាន់តែទូលំទូលាយបន្ថែមទៀត ខណៈធនាគារបានដាក់អនុវត្តការទូទាត់ឆ្លងដែននេះរួចហើយនៅប្រទេសថៃ កាលពីខែកុម្ភៈ ឆ្នាំ ២០២០ កន្លងទៅ ដោយទទួលបានការគាំទ្រយ៉ាងខ្លាំងពីអតិថិជនរបស់កម្ពុជា។
អតិថិជនកម្ពុជា គួរជួយគាំទ្រអេប អេស៊ីលីដាម៉ូបាល ជាផលិតផលដែលបង្កើតឡើងដោយស្នាដៃរបស់កូនខ្មែរឲ្យបានច្រើនបន្ថែមទៀត ដើម្បីចូលរួមលើកកម្ពស់កិត្យានុភាពជាតិទាំងថ្នាក់ជាតិ និងនៅលើឆាកអន្តរជាតិ។
គួរបញ្ជាក់ថា គិតត្រឹមខែមីនា ឆ្នាំ ២០២៣ នេះ មានអតិថិជនប្រើប្រាស់អេបអេស៊ីលីម៉ូលបាល របស់ធនាគារ អេស៊ីលីដា បានកើនឡើងប្រមាណជិតបីលាននាក់៕
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ