ព័ត៌មានជាតិ
មន្ត្រីជាន់ខ្ពស់ក្រសួងយុត្តិធម៌ បញ្ជាក់អំពីការសម្ដែងមតិដែលមិនមែនជាសិទ្ធិ ហើយច្បាប់បញ្ញត្តិថា ជាអំពើល្មើស
មន្ត្រីជាន់ខ្ពស់ក្រសួងយុត្តិធម៌ បានបញ្ជាក់អំពីការសម្ដែងមតិដែលមិនមែនជាសិទ្ធិ ហើយច្បាប់បញ្ញត្តិថា ជាអំពើល្មើស។ ការបញ្ជាក់នេះ បន្ទាប់ពីសកម្មជនអតីតគណបក្សប្រឆាំង ២នាក់ ត្រូវបានចាប់ខ្លួន និងឃុំខ្លួនពីបទប្រមាថចំពោះអង្គព្រះមហាក្សត្រ និងបទញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម ក្រោយពីបុគ្គលទាំងពីរនាក់នេះ បង្ហោះសារនៅលើហ្វេសប៊ុករបស់ពួកគេ។
លោក ជិន ម៉ាលីន រដ្ឋលេខាធិការក្រសួងយុត្តិធម៌ និងជាអនុប្រធានគណៈកម្មាធិការសិទ្ធិមនុស្សកម្ពុជា មានប្រសាសន៍ប្រាប់កម្ពុជាថ្មី នៅថ្ងៃទី ២៣ ខែមីនានេះថា ជាទូទៅប្រជាពលរដ្ឋ មានសិទ្ធិសេរីភាពក្នុងការសម្ដែងមតិ ហើយសិទ្ធិនេះត្រូវបានការពារដោយច្បាប់ និងរដ្ឋធម្មនុញ្ញរបស់កម្ពុជា។ ប៉ុន្តែ នៅក្នុងច្បាប់ដដែល ក៏បានបញ្ញត្តិដែរថា ការសម្ដែងមតិ ដែលជាសិទ្ធិសេរីភាពនោះ ត្រូវស្ថិតនៅក្រោមក្របខណ្ឌច្បាប់។
លោកថា «ការសម្ដែងមតិមួយចំនួន ដែលមិនស្ថិតនៅក្នុង ឬក្រោមក្របខណ្ឌច្បាប់ ឬក៏ការបំពានច្បាប់ ឬក៏ការបំពាននូវសិទ្ធិសេរីភាពរបស់អ្នកដទៃ សេចក្ដីថ្លៃថ្នូរ កេរ្ដិ៍ឈ្មោះ កិត្តិយសរបស់អ្នកដទៃ អាហ្នឹងមិនមែនជាការអនុវត្តសិទ្ធិទេ ហើយច្បាប់អត់ការពារទេ អាហ្នឹង គឺច្បាប់បញ្ញត្តិថា ជាអំពើល្មើស ហើយដែលអ្នកប្រព្រឹត្តហ្នឹង ត្រូវប្រឈមមុខតាមផ្លូវច្បាប់»។
មន្ត្រីជាន់ខ្ពស់ក្រសួងយុត្តិធម៌ បានឲ្យដឹងបន្តថា ការសម្ដែងមតិមួយចំនួនដែលមិនមែនជាសិទ្ធិ ហើយច្បាប់បញ្ញត្តិថា ជាអំពើល្មើសមានដូចជា៖ ការសម្ដែងមតិដែលជាការប្រមាថដល់អង្គព្រះមហាក្សត្រ, ប៉ះពាល់ដល់សិទ្ធិសេរីភាព សេចក្ដីថ្លៃថ្នូរ និងជីវិតឯកជនរបស់អ្នកដទៃ, ការសម្ដែងមតិដែលមានចរិតញុះញង់បង្កឲ្យមានការស្អប់ខ្ពើមជាតិសាសន៍, ការញុះញង់ឲ្យមានការបែកបាក់ និងអំពើហិង្សាក្នុងសង្គម ជាដើម។
ត្រង់ចំណុចនេះ លោក ជិន ម៉ាលីន បញ្ជាក់បែបនេះថា «ការបញ្ចេញមតិបែបនេះ មិនមែនជាការអនុវត្តសិទ្ធិទេ ហើយច្បាប់ក៏អត់ការពារដែរ តែផ្ទុយទៅវិញច្បាប់បញ្ញត្តិ ថា ជាអំពើល្មើស អញ្ចឹងអ្នកដែលសម្ដែងមតិបែបនេះ ដែលច្បាប់បញ្ញត្តិ ថា ជាអំពើល្មើសនេះ គឺថា ត្រូវប្រឈមមុខតាមផ្លូវច្បាប់ ទទួលខុសត្រូវតាមផ្លូវច្បាប់ដែលមានជាធរមាន»។
សូមជម្រាបថា ចៅក្រមស៊ើបសួរ នៃសាលាដំបូងរាជធានីភ្នំពេញ កាលពីល្ងាចថ្ងៃទី ២២ ខែមីនា ឆ្នាំ ២០២៣ បានសម្រេចឃុំខ្លួន លោក យឹម ស៊ីណន និងលោក ហ៊ុន កុសល ដែលជាសកម្មជនអតីតគណបក្សប្រឆាំង ជាបណ្តោះអាសន្ន ក្រោមការចោទប្រកាន់ចំនួន ២ បទល្មើស។
បុគ្គលទាំង ២នាក់នេះ ត្រូវបានដាក់ឲ្យស្ថិតនៅក្រោមការពិនិត្យពីបទ៖ ប្រមាថចំពោះអង្គព្រះមហាក្សត្រ និងបទញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម ប្រព្រឹត្តកាលពីថ្ងៃទី ២១ ខែមីនា ឆ្នាំ ២០២៣ បទល្មើសព្រហ្មទណ្ឌ ដែលមានចែងឲ្យផ្តន្ទាទោសតាមមាត្រា ៤៣៧(ស្ទួន) នៃច្បាប់ ស្តីពីវិសោធនកម្មក្រមព្រហ្មទណ្ឌ មាត្រា ៤៩៤ និងមាត្រា ៤៩៥ នៃក្រមព្រហ្មទណ្ឌ។
កាលពីថ្ងៃទី ២១ ខែមីនា ឆ្នាំ ២០២៣ លោក យឹម ស៊ីណន បានបង្ហោះនៅលើហ្វេសប៊ុករបស់លោកថា «បើតាមសំលេងពលរដ្ឋតាមហាងកាហ្វេ៖ ថ្ងៃនេះយើងអាច ឃើញច្បាស់ថានរណាជាស្តេច ផែនដីពិតប្រាកដ»។ ចំណែកលោក ហ៊ុន កុសល បង្ហោះសារនៅលើហ្វេសប៊ុករបស់លោកដែរថា«ឃើញពួកគេធ្វើបាបព្រះទ័យ នឹងបន្ទាបព្រះចេស្តាព្រះមហាក្សត្រខ្មែរគ្រប់ ច្រកបែបនេះ។ ទូលបង្គំជាអ្នកនយោបាយជំនាន់ក្រោយប្តេជ្ញានឹងប្រើសមត្ថភាព ដែលមានទាំងប៉ុន្មានចូលរួមពូនផ្តុំជាមួយលោកប្រធាន កឹម សុខា ការពារព្រះចេស្ដាក្សត្រ និងព្រះរាជបល្ល័ង្កដែលប្រជារាស្ត្រខ្មែរមិនអាចខ្វះបាន»៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង