ព័ត៌មានជាតិ

ផ្លូវបេតុងឡើងភ្នំគូលែននៅកែកុនបច្ចេកទេស មិនទាន់ដាក់ឲ្យប្រើប្រាស់ជាផ្លូវការ

បានផុស

៣ years មុន

នៅ

ថ្ងៃចន្ទ ៣ មេសា ២០២៣

ដោយ

ផ្លូវបេតុងឡើងភ្នំគូលែនដែលបានស្ថាបនារួចតែមិនទាន់ដាក់ឲ្យប្រើប្រាស់ នៅកែកុនបច្ចេកទេសមួយចំនួនដើម្បីសម្រួលការបើកបរឲ្យមានសុវត្ថិភាព។

ឆ្លើយតបសំនួរអ្នកសារព័ត៌មានក្នុងសន្និសីទកាលពីសប្តាហ៍មុននេះ លោក ទៀ សីហា អភិបាលនៃគណៈអភិបាលខេត្តសៀមរាបបានឲ្យដឹងថា ផ្លូវបេតុងថ្មីឡើងភ្នំគូលែនបានស្ថាបនារួចរាល់ តែនៅមិនទាន់ដាក់ឲ្យប្រើប្រាស់នៅឡើយទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកទៀ សីហា បានលើកពីមូលហេតុ ដោយសារត្រូវកែកុនបច្ចេកទេសខ្លះដើម្បីធ្វើឲ្យការបើកបរមានភាពងាយស្រួលនិងមានសុវត្ថិភាព។

យ៉ាងណាមិញ ទាក់ទងការកែសម្រួលបច្ចេកទេសនេះ លោកអភិបាលខេត្តក៏មិនបានបញ្ជាក់ថានឹងរួចនៅពេលណានោះដែរ។

បើតាមលោកអភិបាលខេត្ត ផ្លូវឡើងភ្នំគូលែនបច្ចុប្បន្នមានពីរច្រកដែលអ្នកទេសចរអាចឡើងបានគឺតាមស្រុកបន្ទាយស្រី និងស្រុកស្វាយលើ។

កាលពីអំឡុងឆ្នាំ ២០១៧ ក្រុមហ៊ុន ទ្រី ភាព បានស្ថាបនាផ្លូវបេតុងឡើងភ្នំគូលែនចាប់ពីចំណុចទីរួមស្រុកស្វាយលើ ដល់ចំណុចជើងភ្នំគូលែនខាងលិចមានប្រវែងសរុប ៣២ គីឡូម៉ែត្រ។ ផ្លូវនេះមានទទឹង ៦ ម៉ែត្រ ដោយត្រូវឈូសឆាយដីភ្នំ ធ្វើជាផ្លូវថ្មីសុទ្ធសាធ។ តាមរយៈផ្លូវនេះសម្រួលការដឹកជញ្ជូនទំនិញប្រចាំថ្ងៃរបស់ប្រជាពលរដ្ឋជាង ១០ ភូមិ ដែលរស់នៅលើភ្នំគូលែន និងអ្នកទេសចរធ្វើដំណើរមកកម្សាន្តងាយស្រួលផងដែរ៕