ព័ត៌មានជាតិ
រដ្ឋមន្រ្តីកសិកម្មជំរុញក្រុមហ៊ុនកូរ៉េវិនិយោគរោងចក្រកែច្នៃ និងឃ្លាំងស្តុកធំៗជំនួសគម្រោងដាំគ្រាប់ Macadamia
លោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានស្នើឱ្យភាគីកូរ៉េពិនិត្យលទ្ធភាព ក្នុងការវិនិយោគលើការសង់រោងចក្រកែច្នៃ និងឃ្លាំងស្តុកធំៗ នៅកម្ពុជា ដែលអាចជួយដល់ក្រុមហ៊ុនតូចៗ និងរដ្ឋ។ ជាមួយគ្នានេះលោក ក៏បានជំរុញក្រុមហ៊ុនកូរ៉េធ្វើការវិនិយោគលើអ្វីដែលមានស្រាប់ដូចជាស្វាយចន្ទី ដែលការវិនិយោគនេះ ទទួលបានជោគជ័យឆាប់រហ័ស និងបានចូលរួមអភិរក្សបរិស្ថាន ជួយដល់ CO2 និង Eco-Friendly ដោយមិនមានការកាប់ព្រៃ ក្រោមហេតុផលកសិកម្ម។ លោករដ្ឋមន្រ្តី ជំរុញបែបនេះ បន្ទាប់ពីបានទទួលស្តាប់ការធ្វើបទបង្ហាញអំពីគម្រោងវិនិយោគរបស់ក្រុមហ៊ុន Booyoung Co.,Ltd. របស់កូរ៉េ និងគាំទ្រចំពោះការវិនិយោគនៅកម្ពុជាលើវិស័យកសិកម្ម តែសម្រាប់គម្រោងដាំគ្រាប់ Macadamia នាំទៅប្រទេសកូរ៉េនេះ លោកបានណែនាំឱ្យក្រុមហ៊ុនពិចារណាឡើងវិញ ចំពោះគម្រោងវិនិយោគលើដំណាំនេះ ដោយសារវាត្រូវប្រើពេលយូររហូតដល់ ១០ឆ្នាំ ដើម្បីប្រមូលផល។
ឆ្លើយតបនឹងការងារនេះ លោក បានបង្ហាញនូវទិសដៅយុទ្ធសាស្ត្រទីផ្សារ ស្របតាមគោលនយោបាយជាតិ និងអនុសាសន៍ដ៏ខ្ពង់ខ្ពស់របស់ប្រមុខរាជរដ្ឋាភិបាលកម្ពុជា ក្នុងការជំរុញខ្សែច្រវាក់តម្លៃស្វាយចន្ទី និងការទទួលបាននូវតម្លៃបន្ថែម តាមរយៈការដាំស្វាយចន្ទី និងការកែច្នៃនាំចេញ ដែលនឹងផ្តល់ផលចំណេញដល់ប្រទេសទាំងពីរ។ ការងារនេះ នឹងចូលរួមចំណែកសម្រេចគោលដៅរបស់រាជរដ្ឋាភិបាលកម្ពុជា ក្នុងការប្រែក្លាយកម្ពុជាជាអធិរាជស្វាយចន្ទីនាពេលអនាគត។
លោក ឌិត ទីណា លើកឡើងបែបនេះ នៅក្នុងជំនួបពិភាក្សាការងារជាមួយលោក Park Heung-Kyeong ទីប្រឹក្សាក្រុមហ៊ុន Booyoung Co.,Ltd. កាលពីថ្ងៃទី ០៣ មេសា។
រដ្ឋមន្រ្តីក្រសួងកសិកម្ម បានសង្កត់ធ្ងន់ថា ប្រសិនក្រុមហ៊ុននៅតែចង់វិនិយោគលើដំណាំ Macadamia ទៀតនោះ ក្រុមហ៊ុនអាចពិចារណាលើជម្រើស២ គឺទី១ ទិញដីសម្រាប់ក្រុមហ៊ុនអនុវត្តគម្រោង និងទី២ ធ្វើកិច្ចសហការជាមួយដៃគូអភិវឌ្ឍដែលមានដីស្រាប់៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ