ព័ត៌មានជាតិ

ឯកឧត្ដម ឧត្ដមសេនីយ៍ឯក ឌី វិជ្ជា និង ឯកឧត្តម ឧត្តមសេនីយ៍ឯក យឹម លាង អញ្ជើញដឹកនាំកិច្ចប្រជុំពិធីបើក-បិទកីឡាអាស៊ីអាគ្នេយ៍ (SEA GAMES)លើកទី៣២

បានផុស

៣ years មុន

នៅ

ថ្ងៃពុធ ៥ មេសា ២០២៣

ដោយ

ឯកឧត្តម ឧត្តមសេនីយ៍ឯក ឌី វិជ្ជា និង ឯកឧត្តម ឧត្តមសេនីយ៍ឯក យឹម លាង បានដឹកនាំកិច្ចប្រជុំផ្សព្វផ្សាយផែនការការពារសន្តិសុខ សុវត្ថិភាព និងសណ្តាប់ធ្នាប់ ជូនគណៈប្រតិភូជាតិ និងអន្តរជាតិ ក្នុងឱកាសប្រារព្ធពិធីបើក និងបិទព្រឹត្តិការណ៍ប្រកួតកីឡាអាស៊ីអាគ្នេយ៍ (SEA GAMES) លើកទី៣២ និងកីឡាជនពិការ ( ASEAN PARA Games) លើកទី១២ នៅនាយកដ្ឋានអង្គរក្ស។

នៅថ្ងៃពុធ ១៥កើត ខែចេត្រ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី០៥ ខែមេសា ឆ្នាំ២០២៣ ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងជាប្រធាននាយកដ្ឋានកណ្តាលសន្តិសុខ រួមជាមួយ ឯកឧត្តម ឧត្តមសេនីយ៍ឯក យឹម លាង អគ្គស្នងការរងនគរបាលជាតិ បានអញ្ជើញដឹកនាំកិច្ចប្រជុំផ្សព្វផ្សាយផែនការការពារសន្តិសុខ សុវត្ថិភាព និងសណ្តាប់ធ្នាប់ ជូនគណៈប្រតិភូជាតិ និងអន្តរជាតិ ក្នុងឱកាសប្រារព្ធពិធីបើក និងបិទព្រឹត្តិការណ៍ប្រកួតកីឡាអាស៊ីអាគ្នេយ៍ (SEA GAMES) លើកទី៣២ និងកីឡាជនពិការ ( ASEAN PARA Games) លើកទី១២ និង ផែនការការពារសន្តិសុខ សុវត្ថិភាព និងសណ្តាប់ធ្នាប់ ពហុកីឡដ្ឋានមរតកតេជោ សម្រាប់រៀបចំប្រកួតកីឡាអាស៊ីអាគ្នេយ៍ លើកទី៣២ និងកីឡាជនពិការ លើកទី១២ ដល់បញ្ជាការដឹកនាំតាមគោលដៅ ដែលមកពីអង្គភាពពាក់ព័ន្ធរួមមាន អគ្គស្នងការដ្ឋាននគរបាលជាតិ, កងរាជអាវុធហត្ថលើផ្ទៃប្រទេស, ស្នងការដ្ឋាននគរបាលរាជធានីភ្នំពេញ, កងរាជអាវុធហត្ថរាជធានីភ្នំពេញ, បញ្ជាការដ្ឋានអង្គរក្ស, នាយកដ្ឋានចំណុះ អគ្គស្នងការដ្ឋាននគរបាលជាតិ សរុបចំនួន៣០នាក់៕