Connect with us

ព័ត៌មានជាតិ

សង្ក្រាន្តចាប់ផ្ដើម​ហើយ! សង្ក្រាន្ត​បាត់ដំបង​ឆ្នាំ​នេះ​ធ្វើ​ឡើង​លក្ខណៈ​ទ្រង់ទ្រាយធំប្លែង និង​ទាក់​ទាញ​ជាង​ឆ្នាំមុនៗ

បានផុស

នៅ

​បន្ទាប់ពី​រាជរដ្ឋាភិបាល​កម្ពុជា​គ្រប់គ្រង​ជំងឺ​កូ​វីដ​១៩​បាន​ដោយ​ជោគជ័យ​ជាពិសេស​ប្រទេសជាតិ​មាន​សុខសន្តិភាព​ពេញលេញ​បានផ្ដល់​ឱកាស​ឱ្យមាន​ការជួបជុំ​កម្សាន្ត​សប្បាយ​ឡើងវិញ​នៅ​គ្រប់​ទីកន្លែង​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែង​សង្ក្រាន្ត​បាត់ដំបង​នៅ​ឆ្នាំ​២០២៣​នេះ​នឹងត្រូវ​រៀបចំឡើង​ដោយ​អធិកអធម​ជា​លក្ខណៈ​ទ្រង់ទ្រាយ​ធំ​អមដោយ​ព្រឹត្តិការណ៍​កម្សាន្ត​សប្បាយ​ជាច្រើន​។

សហភាព​សហព័ន្ធ​យុវជន​កម្ពុជា​ខេត្តបាត់ដំបង​សហការ​ជាមួយ​រដ្ឋបាល​ខេត្ត​បាត់ដំបង​នឹង​រៀបចំ​ព្រឹត្តិការណ៍​សង្ក្រាន្ត​បាត់ដំបង​ចាប់ពី​ថ្ងៃទី ១២-១៦ ខែមេសា ឆ្នាំ​២០២៣ នៅ​បរិវេណ​វិទ្យាល័យ​នេ​ត​យ៉ង់ ទី​រួម​ខេត្តបាត់ដំបង​។

ប្រជាពលរដ្ឋ​និង​យុវជន​ជាច្រើន​កុះករ​នឹងចូលរួម​លេង​កម្សាន្ត​សប្បាយ​ក្នុង​ព្រឹត្តិការណ៍​សង្ក្រាន្ត​បាត់ដំបង​នា​ឆ្នាំនេះ ខណៈ​ព្រឹត្តិការណ៍​សង្ក្រាន្ត​កាលពី​ឆ្នាំ​២០១៩​មុន​សម័យ​កូ​វីដ​១៩​ទទួលបាន​ភ្ញៀវទេសចរ​ជិត​១​លាន​នាក់​។

សូម​បញ្ជាក់​ថា ក្នុងឱកាស​ពិធីបុណ្យ​ចូលឆ្នាំថ្មី​ប្រពៃណី​ជាតិខ្មែរ​ខាងមុខនេះ សហភាព​សហព័ន្ធ​យុវជន​កម្ពុជា​ខេត្តបាត់ដំបង​សហការ​ជាមួយ​រដ្ឋបាល​ខេត្តបាត់ដំបង​នឹង​រៀបចំ​ព្រឹត្តិការណ៍​សង្ក្រាន្ត​បាត់ដំបង​អមដោយ​កម្ម​វិធី​រាំលេង​កំសាន្ត​ចង្វាក់​ប្រពៃ​ណី​ខ្មែរ តំបន់​ត្រជាក់ចិត្ត លេងល្បែង​ប្រជាប្រិយ​ខ្មែរ​ដែលជា​កេរតំណែល​ដ៏​ល្អ​ផូរផង់ ទស្សនាការ​សម្តែង​សិល្បៈ​ចម្រុះ ជួប​ជាមួយ​តារា​ល្បីៗ ប្រចាំ​ព្រះរាជាណាចក្រ​កម្ពុជា ថតរូប​អនុស្សាវ​រី​យ៍​ជាមួយ​ទន្សាយ​យក្ស ពោត​យក្ស ម្នាស់​យក្ស និង​ក្រូច​យក្ស កម្មវិធី​ប្រដាល់សេរី និង​កម្មវិធី​កំសាន្ត​ប្លែកៗ ទស្សនា​លេង​កំសាន្ត​តំបន់​ទាំង ៩ និង​ទិញ​ទំនិញ​ដ៏​សំបូរបែប​។​ព្រឹត្តិការណ៍​សង្ក្រាន្ត​បាត់ដំបង​នឹង​ត្រូវ​ធ្វើឡើង​ចាប់ពី​ថ្ងៃទី ១២-១៦ ខែមេសា ឆ្នាំ​២០២៣ នៅ​បរិវេណ​វិទ្យាល័យ​នេ​ត​យ៉ង់ ទី​រួម​ខេត្តបាត់ដំបង​៕

សូមទស្សនាវិដេអូខាងក្រោមនេះ ៖

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម